'Dhɛbhowunta 'sëëdhɛ 4:2 - Dan Blowo (Yacouba) Nouveau Testament

² 'Ö to mü 'ö ‑Zuu 'slööslö ‑yö pa n 'ka. 'Ö ꞊dhɛ 'a‑ ‑ga kö 'gɔ ‑gbloo do ‑yö dɔ ‑sü 'ka dhang‑ 'gü mü. Mɛ do ‑yö ‑kë ‑ya ‑sü 'ka 'gɔ ‑gbloo bhë ‑a 'gü;

'Dhɛbhowunta 'sëëdhɛ 4:2 ပူးပေါင်းရင်းမြစ်များ

Matiö 22:43

'Ö Yesu ‑ya pö ‑an ‑dhë: «꞊Dhɛ 'ö 'dhö, ‑më 'ö ‑kë 'ö ‑Zuu 'slööslö ‑yö 'dhiö sü Davidö 'ka, 'ö Davidö ‑ya ‑dhɛ ö Dëmɛ ‑ɛ? Bhii Davidö ‑ya pö ꞊nɛɛ:

Eblö 8:1

'Wun 'ö 'kwa 'go ‑na ‑a ꞊blɛɛ' ꞊dhia ꞊nɛ ‑a ‑gɔ 'ö mü 'ö tɔɔ kwa ‑bha slabhomɛ ꞊va do ‑yö ‑dhö; ‑yö ‑ya ‑sü 'ka ‑Zlan ‑bha 'gɔ ‑gbloo 'ö dhang‑ 'gü bhë ‑a ꞊kwɛɛ‑ 'gü ꞊zian'. 'Gɔ ‑gbloo 'ö bhë ꞊nɛ ‑Zlan 'ö ‑kɔ ‑mɔ 'wuën‑ ‑sü 'ö ‑ziö pë 'plɛ ‑ta ‑a ‑gɔ bhë 'ö ‑ya ‑sü 'ka ‑a ‑ta.

'Dhɛbhowunta 'sëëdhɛ 1:10

Dëmɛ ‑bha yi 'ka a ‑kë mü 'ö ‑Zuu 'slööslö ‑yö pa n 'ka, 'ö 'a ‑wo do ma n ꞊zlöö ꞊zian'. 'Ö ‑wo bhë 'ö ‑kë 'gbee‑ 'ka ꞊nɛ ꞊dhɛ 'wo 'truu ‑piö ‑a ‑bha 'kpa ‑a 'dhö.

'Dhɛbhowunta 'sëëdhɛ 12:5

'Ö dhebɔ 'ö bhë 'yö 'në gɔɔn‑ do kpɔ. Yö ꞊nɛ 'yö dho 'dhiö ‑sü 'sɛgümɛ ‑nu 'plɛ 'ka ‑piö 'gblɔɔngblɔn do 'ka. 'Kɛɛ 'në bhë ‑wa ‑sü 'wo dho ‑a 'ka ‑Zlan 'piö ‑a ‑bha 'gɔ ‑gbloo 'sɔɔ.

'Dhɛbhowunta 'sëëdhɛ 17:3

'Ö ‑Zlan ‑bha bɔmɛ ‑yö dho n 'ka 'yënng ꞊taa ‑Zuu 'slööslö ꞊kwaa'. ‑Dhɛ bhë ꞊nɛ 'a dhebɔ do yö ‑a ‑bha kö ‑yö ‑ya ‑sü 'ka wü nuɛazë 'ö 'si ‑bho ‑Zlan ‑gɔ ‑tɔ ‑nu 'dho ‑lo ‑sü 'ka ‑a ‑bha ‑a ꞊taa. Wü 'ö 'dhö bhë ‑a ‑gɔ ‑nu ‑wo 'slaplɛ 'ö‑ ‑sö ‑nu 'dho 'gɔɔ‑ do.

'Dhɛbhowunta 'sëëdhɛ 19:4

'Ö mɛ ziizii ‑nu 'gɔɔ‑ ꞊plɛ ö ga ‑yiisië waa‑ pë 'bhee‑ ‑nu ‑yiisië 'wo bhë 'wo ‑lo wo kpɔn 'gü ‑Zlan 'ö ‑ya ‑sü 'ka 'gɔ ‑gbloo 'gü bhë ‑a 'dhiö 'ö 'wo‑ gba ꞊woë' ꞊nɛɛ: «Amɛn! ꞊Dhɛ ‑kë 'dhö kö ‑kwa ‑Zlan 'tɔ kë ꞊va!»

'Dhɛbhowunta 'sëëdhɛ 20:11

'Go mü 'ö 'gɔ ‑gbloo 'puu ꞊va waa‑ mɛ 'ö ‑kë ‑ya ‑sü 'ka ‑a 'gü bhë 'a ‑an yö. 'Sɛ waa‑ dhang‑ ‑wo ‑ziö 'wo go ‑a 'dhiö, 'ö mɛ gbɛ yaa ‑an yö gbɔ.

'Dhɛbhowunta 'sëëdhɛ 21:10

'Ö ‑Zlan ‑bha bɔmɛ ‑yö dho n 'ka ‑tɔn do ꞊gbiin tuö ‑Zuu 'slööslö ꞊kwaa'. 'Yö Zeluzalɛmë ‑pö 'slööslö 'yö ‑kë go ꞊dhia dhang‑ 'gü ‑Zlan 'piö bhë 'yö‑ ‑zɔn n ‑dhë.

'Dhɛbhowunta 'sëëdhɛ 21:5

'Ö mɛ 'ö ‑kë ‑ya ‑sü 'ka 'gɔ ‑gbloo 'gü bhë, 'ö‑ pö: «Dɔ 'kwa‑ wo zlöö ꞊nɛ bhë, 'ma pë 'plɛ kë ‑dëü.» 'Go mü 'yö‑ pö n ‑dhë: «'Wun mɛ 'ö bhë ‑a ‑ya; bhii n ‑wo ‑nu 'wo bhë ‑wo 'wun gia‑ 'ka, 'ö ‑zo ‑yö ‑an ‑bha ‑sü ‑yö ‑an ‑ma kun.»

'Dhɛbhowunta 'sëëdhɛ 3:21

Mɛ ‑nu 'wo 'dhoë‑ to ‑a 'gbee‑ 'ka, a ‑dho we ‑a ‑bha ‑an ‑gɔ 'ö 'wo ‑ya n 'sian 'piö n ‑ma 'gɔ ‑gbloo 'gü ꞊nɛ ‑kɔ ma ‑de 'pö 'a toë 'gbee‑ 'ka, 'ö 'a ‑ya ‑sü 'ka ‑a 'ka n Dë 'sian 'piö, ‑a ‑bha 'gɔ ‑gbloo 'gü bhë ‑a 'dhö.

'Dhɛbhowunta 'sëëdhɛ 4:10

'Ö mɛ ziizii 'gɔɔ‑ ꞊plɛ ö ga ‑yiisië 'wo bhë 'wo ‑lo wo kpɔn 'gü, mɛ 'ö ‑ya ‑sü 'ka 'gɔ ‑gbloo 'gü 'ö ‑dhö ꞊toëpö 'ka bhë ‑a wö 'dhiö 'ö 'wo‑ gba. 'Wo dho wo ‑bha 'gɔ ꞊gblaa' 'ka 'wo‑ ‑lo 'gɔ ‑gbloo 'dhiö ‑a pö ‑sü 'ka ꞊nɛɛ:

'Dhɛbhowunta 'sëëdhɛ 4:5

'Ö pë ‑nu 'wo ‑kë ꞊nɛ dha ‑bha 'yan bɔ ‑sü 'dhö ‑wo bɔ 'gɔ ‑gbloo ꞊vaazë 'gü 'ma ꞊zian' 'wo ‑ziö ‑blaandhö, 'ö pë ‑nu 'wo ‑kë ꞊nɛ dha ‑bha 'we ‑sü 'dhö 'wo bɔ ‑dhɛ do bhë ‑a 'gü ꞊zian' 'wo ‑we. 'Ö ‑zuö ‑nu ‑wo bɔ 'ma ꞊zian' 'pö 'wo ‑we. 'Gbia ‑be 'slaplɛ ‑wo ‑kë 'kun ꞊dhia 'gɔ ‑gbloo bhë ‑a 'dhiö mü. 'Gbia ‑be 'slaplɛ 'wo bhë 'wo tɔɔ ‑Zlan ‑bha ‑Zuu 'slaplɛ.

'Dhɛbhowunta 'sëëdhɛ 4:9

'Ö ꞊ya kë pë 'bhee‑ ‑nu ‑yiisië 'wo bhë ‑wo 'tan ‑nu bho ‑na kö mɛ 'ö ‑ya ‑sü 'ka 'gɔ ‑gbloo 'gü, 'yö ‑dhö ꞊toëpö 'ka bhë ‑waan 'tɔ kë ꞊va, ‑waan ‑a ꞊bhlë ‑ya, 'go mü ‑waan zuö pö,

'Dhɛbhowunta 'sëëdhɛ 5:1

A 'sëëdhɛ ‑be 'ö ‑kë ꞊nɛ pë ‑dho 'kou ‑sü ‑zë 'dhö ‑a ‑yö mɛ 'ö ‑kë ‑ya ‑sü 'ka 'gɔ ‑gbloo 'gü bhë ‑a ꞊kwɛɛ‑ 'gü ‑kɔ 'gü mü. Pë ‑yö ‑kë ‑ya ‑sü 'ka ‑a 'gü ‑dhɛ waa‑ ‑a 'pian ꞊zian' ‑dhɛ ‑bha, 'yö 'sëëdhɛ ‑be 'dhi ta ‑sü ‑zë 'ö ꞊duakëpë 'slaplɛ 'dhö ‑a ‑ta ('ö mɛ do dho ‑a 'dhi po) ‑a 'ka.

'Dhɛbhowunta 'sëëdhɛ 5:13

'Go mü 'zü a pë ‑nu 'ö ‑Zlan ‑yö ‑an ‑da, 'wo dhang‑ 'gü, 'wo 'kpongtaa, 'wo 'sɛ ꞊löö, 'wo 'yoo ꞊bhaa, pë ‑nu 'saadhö 'ö ‑Zlan ‑yö ‑an ‑da 'wo ‑dhɛ 'saadhö ‑a 'gü, ‑an ‑wo ‑ma kö ‑wo 'tan bho ‑na ꞊woë' ꞊nɛɛ: «Mɛ 'ö ‑ya ‑sü 'ka 'gɔ ‑gbloo 'gü waa‑ 'bhlanë, 'tɔsaablüdhe, ꞊bhlëyadhe, 'tɔbhɔdhe waa‑ 'piigbeedhɛ ‑wo kë ‑an ‑bha 'ka ꞊toëpö 'ka.»

'Dhɛbhowunta 'sëëdhɛ 6:16

'Ö 'wo‑ pö ‑guö kpö ‑nu 'iin ‑tɔn ‑nu ‑dhë: «‑Ka ‑lo yi ‑ta mɛ 'ö ‑ya ‑sü 'ka 'gɔ ‑gbloo 'gü bhë waa‑ 'bhlanë ‑an ‑bha ‑naazuëdhe ‑gɔ.