2 Tesalɔnikö 3:3 - Dan Blowo (Yacouba) Nouveau Testament

³ 'Kɛɛ ‑zo ‑yö ‑a ‑bha ‑mɛ ‑mü kwa Dëmɛ 'ka. Yö ꞊nɛ 'ö dho ka gbaa ꞊faan' 'ka. 'Go mü 'ö dho ka ‑maa kë këpëyaamɛ ('ö ‑kë dü 'ka bhë) ‑a ‑gɔ.

2 Tesalɔnikö 3:3 ပူးပေါင်းရင်းမြစ်များ

Matiö 5:37

'Kɛɛ a‑ ‑blɛɛ ka ‑dhë: Ka ‑bha ꞊ii‑ ‑yö kë ꞊ii‑ 'ka, 'iin ka ‑bha ‑abi' ‑yö kë ‑abi' 'ka. ꞊Ya 'go mü, pë ‑nu 'ö mɛ ‑nu 'dho ‑a pö ‑na ‑a 'piö zlöö bhë ‑yö ‑go dü 'piö.»

Matiö 6:13

Kö ꞊kun 'ü ‑kan yi ‑bha 'güdandhe ‑zian ‑ta, 'kɛɛ ‑bhö yi bho këpëyaamɛ ‑bha 'piigbeedhɛ ꞊kwaa'‑. [Bhii bhi ꞊nɛ 'ö ‑gludëdhɛ, 'piigbeedhɛ waa‑ 'tɔbhɔdhe 'dhö ü ‑gɔ ꞊toëpö 'ka. Amɛn.]

Lukö 11:4

‑Bhö ziö yi ‑bha 'wun ꞊zaa' ‑sü ‑nu ‑ta ꞊nɛ ‑kɔ 'yi ꞊zië' mɛ ‑nu ‑bha 'wun ꞊zaa' ‑sü ‑nu ‑ta bhë ‑a 'dhö. Kö ꞊kun 'ü ü ꞊kwaa yi ‑zü 'ö dü ‑yö yi ‑püö!»

'Wuntaɔsë 'ö ‑gban Yesu Klito ‑bha 'ö Zan ‑ya ꞊blɛɛ 17:15

A ‑bhɛa ü ‑dhë. N 'ka‑ pö 'ü ‑an ‑bho 'kpongtaamɛ ‑nu ziën, 'kɛɛ a‑ ‑pö 'ü ‑an ‑maa kë dü ‑gɔ.

1 Kolɛntö 1:9

‑Zlan 'yö ka ꞊dhɔɔ ‑kë kö kaa‑ ‑a Gbö Yesu Klito, kwa Dëmɛ 'kaan‑ kë do bhë, ‑yö ‑Zlan 'ö to ö ‑wo ‑ta ö ‑bha 'tɔ 'go ‑pë ‑nu 'gü ‑a 'ka.

1 Kolɛntö 10:13

'Güdandhe ‑nu 'ka bɔ ‑an 'gü bhë ‑an 'plɛ ‑wo mɛ 'bhee‑ ꞊tian'; 'ö tɔɔ ‑Zlan 'ö ‑to ‑wo ‑ta ‑mɛ 'ka ö ‑bha pë ‑nu 'ö ‑an 'tɔ go bhë ‑a ‑ta bhë, yaa 'dho ö ꞊kwaa' 'güdandhe 'ö ‑ziö kwa ꞊faan' ‑ta ‑a ‑zü kö ‑yö nu kwa ‑ta. Yi 'ö 'güdandhe dho nu ‑a 'ka bhë, ‑yö ‑dho ꞊faan' nu kwa ‑dhë kö 'kwaan‑ ‑a bun, 'kwaan‑ to ‑a ‑ta 'gbee‑ 'ka.

1 Tesalɔnikö 5:24

‑Zlan 'ö ka ‑dhɛ kö 'ka ziö ‑a 'piö bhë, ‑zo ‑yö ‑a ‑bha ‑Zlan ‑mü. ‑Yö ‑dho pë ‑nu 'wo bhë ‑an 'plɛ kë ka ‑dhë.

2 Tesalɔnikö 2:17

‑wo ka ꞊zuöga pa 'gü ‑dɔ 'gbee‑ ‑sü 'ka. Kö 'wun ‑së kë ‑sü 'ö 'wun ꞊blɛɛ' ‑sü 'gü 'iin 'ö 'wun ‑nu kë ‑sü 'gü ‑yö ꞊faan' nu ka ‑dhë.

2 Timote 4:18

'Go mü 'zü a‑ ꞊tɛi' dɔ ꞊nɛ, ‑yö ‑dho n dha 'wun 'gbee‑ ꞊suu'‑ 'kpɛkpɛ 'wo dho nu n ‑ta ‑an ‑gɔ. ‑Yö ‑dho dho n 'ka 'zü, ‑kɔ ‑sëëzë ‑ta, dhang‑ 'gü ‑dhɛ 'ö ö ‑bha ‑gludëdhɛ kë ‑na ‑a ‑bha bhë ‑a ‑bha. ‑Kwaa 'tɔ bhɔ, 'kwa dhoë 'dhiö ‑kplawo! Amɛn.

1 Piɛɛ 5:10

‑Yö 'dhö 'kɛɛ kö ꞊kun 'ö ka ꞊zuö' ‑yö to zlöö; ‑yö kë ka 'yaan ꞊nɛ 'glusë kë ‑Zlan 'ö ka ꞊dhɔɔ ‑kë ‑kpa Klito ‑bha ‑sü 'gü ö ‑bha ꞊toëpö 'tɔbhɔdhe ‑bha bhë, ꞊ya kë ꞊nɛ 'klobhɔdhe 'töng 'dɛdɛ bhë, 'ka bɔ ‑a 'gü ꞊sia, yö ‑de gia‑ bhë ‑yö ‑dho ka ‑zo ‑gban, 'yö dho ka ꞊faan' më kö ‑yaan ka ‑ya, 'ö 'ka ‑dho dɔ gɛnngdhö.

2 Piɛɛ 2:9

Ka‑ ‑yö bhë ꞊a! ꞊Ya kë 'dhö kö mɛ ‑nu 'wo ‑klu ‑sü 'ka ‑a ‑bha bhë ‑yö ‑an dha 'güdandhe ‑gɔ, 'ö mɛ ‑nu 'ö 'waa kpengdhö bhë 'ö ‑an ‑ya 'klobhɔdhe ‑gɔ ‑Zlan ‑bha zakanyi 'ka.

Zudë 1:24

‑Zlan 'ö 'dhö do 'kpaan, yö 'ö kwa dha ꞊bɔa' kwa Dëmɛ Yesu Klito ‑ta ‑sü 'ka bhë, ‑a 'tɔ ‑yö bhɔ 'ö tɔɔ yö ꞊nɛ 'ö ꞊va, 'ö ‑kɔ ‑mɔ 'wuën‑ ‑sü waa‑ ‑wogbiindhɛ 'dhö ‑a ‑gɔ, 'ö ꞊tun ‑a ‑gɔ ꞊dɛɛ; 'ö dho kaa 'dhö ꞊toëpö 'ka. Bhii yö ꞊nɛ 'ö‑ ‑kɔ dhö ‑mɔa kö ‑yö ka ‑maa kë kö ꞊kun 'ö ka ‑gɛn dho ‑zuö 'kaan‑ ‑püö ‑a ‑bha zian ‑ta, 'ö dho to ‑a 'ka 'dhö ‑yaan yö yi 'ka dho ‑da ‑a 'ka ‑a ‑bha ‑gludëdhɛ ‑pö 'gü ‑a ‑bha, kö ‑ya pö 'wun 'yaa ‑an ‑bha, 'ö dho ꞊zuögludhi ꞊va nu ka ‑dhë bhë; kö ‑a 'tɔ ‑yö bhɔ 'dhö gia‑ 'ka. Amɛn.