Joon 7:8 - Businenge Tongo

⁸ U wawan go. Mi ná o go na a piisii ya. Bika mi yuu á doo ete.”

Joon 7:8 ပူးပေါင်းရင်းမြစ်များ

Matheo 26:18

Ne a piki den taki: “U go na a kondee di de leti a u fesi so, da u go a sowan sowan sama. Da u taigi en taki: ‘A yuu fu Masaa doo. A wani kon nyan a Pasika Fesa a yu osu, makandii anga den bakaman fi en.’ ”

Joon 2:4

Ne Masaa Jesesi piki en taki: “Uman! A sani de a ná mi anga yu booko ede. Mi yuu á kisi fu wooko ete.”

Joon 7:30

Ne di a taki so, ne den e suku wan fasi fu kisi en. Ma toku ná wan sama di naki ana ne en, bika en yuu á be doo ete.

Joon 7:6

Ma Masaa Jesesi piki den taki: “Mi yuu á doo ete. Ma u yuu doo kaba, bika u sa go alaten u wani.

Joon 7:9

Ma namo, di Masaa Jesesi taki so, ne a fika fi en a Galileya de.

Joon 8:20

Da Masaa Jesesi be de koosube fu a baki pe den e tyai moni kon poti gi Masaa Gadu a ini a Mama Keliki fu den Dyu. Ma ná wan sama di kisi en. Bika en ten á be kisi ete.

Joon 8:30

Da di Masaa Jesesi taki so, ne somen sama daai kon e biibi ne en.