Johanningundru 8:15 - Testamenta Marra 1897 (Diyari)

¹⁵ Jura palkundru kalala kurai: ngato wata kulnuni kalala kurai.

Testamenta Marra 1897 (Dieri)

¹⁵ Jura palkundru kalala kurai: ngato wata kulnuni kalala kurai.

Johanningundru 8:15 ပူးပေါင်းရင်းမြစ်များ

Lucangundru 12:14

Nau nunkangu jatana wonti: „Kanajai, warlenulu ngana talku jatanietja kara, poto maratunka puntibijiribanietja jurangu kurana warai?“

Johanningundru 12:47

Ja warle jaura ngakani bulu ngarai ja wata morlalu ngundrai, nunkangu wata ngato kalala kurai, ngangau ngato wata wokaranala mitalani kalala kurala, a‐ai, mitala kulkala.

Johanningundru 18:36

Jesujeli kalabana wonti: „Milila ngakani wata nunkangupini mitandru nganai; milila ngakani nunkangupini mitandru ngananani, ngakani mili tirimalinani, tanali ngana wata Juda kanani ngulkujeli jinkinanto. Jeruja milila ngakani wata ninkidandru nganai.“

Johanningundru 3:17

Ngangau Godali Ngatamura nunkani wata mitani jinpana wonti kalala kurala, a‐ai, Nulu mitala kulkananto.

Johanningundru 7:24

Wata kalala kuranau milkieli najinandru, a‐ai, kalala talku kuranau?“

Johanningundru 8:11

Nani jatana wonti: „Wata kulnujeli Kaparajai!“ Jesus nankangu jatana wonti: „Jeruja bakana ngato jinkangu wata kalala kurala nganai; wapau, ja wata morla madlentji ngankau!“

Romalani 2:1

Jendrangundruja jidni ngandandariai jatajatalkaterila, kanajai, worana jidni nganai, nau kalala ngundrai; ngangau nunkangu, minani jundru nguruni kalala ngundrai, jundru muntali kalala ngankateriai; ngangau jundru jenia muntali ngankai, jidni kalala kuranietjajai!

I. Korinthalani 2:15

Jaolaia kanali pratjana ngundrai, ja nina muntali wata kulnujeli ngundrai.

II. Korinthalani 5:16

Jendrangundruja ngaiani kararindru wata morla kulno ngujamai palkujeli; ngaiani bakana Christus palkujeli ngujamana wonti, karari ngaiani ninaia wata morla (jeruja) ngujamai.

Jakobuni 2:4

Wata jura jeruja munta pilki ja pilki ngankana warai, wata jura jeruja kalala kuranietja pantjina warai ngundrana madlentjali?