Yith 9:6 - JAM DE NHIALIC 2011

⁶ Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Yith 9:6 ပူးပေါင်းရင်းမြစ်များ

2 Tham 7:13

Yen abï Yɛn yiëk ɣöt, ku thööny de ciɛɛŋde yen abï tɔ̈u athɛɛr.

2 Tham 7:16

Ku dhiëndu ku ciɛɛŋ de melik acïï kɔ̈u bï tɛɛm tëde yïn, thöönydu abï cieŋ aɣet athɛɛr.’ ”

1 Mel 10:9

Thieithieei ë Bɛ̈nydït Nhialicdu! Bɛ̈nydït amit piɔ̈u ke yïn, abï yï nyuööc ë thööny de Yithriɛl nɔm. Në luɔi nhiɛɛr ë Bɛ̈nydït Yithriɛl aɣet athɛɛr, yen a tɔ En yïn ee melik, ago löŋ aa guiir në piathëpiɔ̈u ku yic.”

1 Mel 2:33

Ariöp de nääkden abï lööny ë Jowap yeth kekë käude ananden, ku Bɛ̈nydït abï mät yiɛ̈n Debid, ku käude, ku thöönyde, aɣet athɛɛr?”

1 Mel 2:45

Ku Yen abï ya thieei, ku abï thööny de Debid gël aɣet athɛɛr.”

Neɣe 9:32

“Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Diɛt 45:3

Duöötë abätäudu ë yïyɔu yïn raan töŋ ril, në dhuëëŋdu, ku bäänydu.

Diɛt 45:6

Thöönydu ee thööny de Nhialic, abï tɔ̈u aɣet athɛɛr. Thienyduön de yith yen abï ya thieny de bäänydu,

Diɛt 45:7

Yïn nhiaar piathëpiɔ̈u ku man rɛ̈ɛ̈c. Yeka cïï Nhialic, Nhialicdu yïn tɔc në miök de miɛtdepiɔ̈u awär meliik kɔ̈k.

Diɛt 50:1

Awärjäŋ Bɛ̈nydït Nhialic ajam, acɔl pinynɔm ëbɛ̈n, gɔl aköl amiäk le aköl athɛ̈i.

Diɛt 72:17

Në rin ke melik ë ke cïï mär ë kɔc nïïm, tɔ lɛcde tɔ̈u në täu tɛ̈u ë akɔ̈l. Tɔ juöör ëbɛ̈n thiëëc Nhialic bïï keek thieei, cït man cïï yen melik thieei, ku tɔ ke köör yen miɛtëpiɔ̈u.

Diɛt 72:3

Tɔ piny yök kuɛth në biäk de kɔc, ku tɔ yök piathëpiɔ̈u.

Diɛt 72:7

Tɔ piathëpiɔ̈u dït në akööl ke pïïrde yiic ku tɔ kuɛth tɔ̈u në pɛ̈i yiic ëbɛ̈n.

Diɛt 85:10

Nhiëër agɔk ku piɔ̈n adöt abïk mat, ku piathëpiɔ̈u kekë mät abïk kethook ciim,

Diɛt 89:5

Paannhial ee kakuön ke gäi cï looi leec Bɛ̈nydït, ku leckï piathëpiɔ̈ndu në amatnɔm ɣeric yic.

Kɛ̈ŋ 8:23

Ee yɛn aa kɔnë cäk gɔl, ɣɔn thɛɛr kënë piny kɔn cak.

Yith 10:21

Kɔc lik ke Yithriɛl abïk bɛ̈n ciëën tëde Awärjäŋ Nhialicden.

Yith 11:5

Abï kɔcke mac në piathëpiɔ̈u ku yic.

Yith 16:5

Na ë le ke raan töŋ de käu de Debid abï aa melik, ku abï kɔc mac në piathëpiɔ̈u ku nhiëër agɔk. Abï yic dap looi, ku abï löŋ ŋiëc aguiir.)

Yith 26:12

Yïn bï wo gäm mät, Bɛ̈nydït, këriëëc cuk looi ëbɛ̈n, ee Yïn ee ye luöi wook.

Yith 26:3

Yïn, Bɛ̈nydït, aye muk në män cï dikëdikic kɔc ee rëër në gämden yic aril ku yek aŋäthden tääu ë Yïguöp.

Yith 28:29

Pɛlënɔmë ëbɛ̈n aa bɔ̈ tëde Bɛ̈nydït de rɛm. Kiɛɛr ye Nhialic looi ayek kake pɛlënɔm, ku ayek tiam ananden.

Yith 32:1

Në akööl bï bɛ̈n ade melik bï bääny muk në piathëpiɔ̈u, ku bäny ke baai abïk baai mac në yic.

Yith 37:32

Abï dɛ kɔc ke Jeruthalem ku kuur de Dhiɔn bï döŋ apïïr, cït man cïï Bɛ̈nydït de rɛm e lueel an bï rɔt looi.

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Yith 53:2

Aa ye kë de piɔ̈n de Bɛ̈nydït luɔi bï awunde cil cït tim abïï dɛk mei në tiɔɔm ril yic. Acïn guöp dhuëëŋ ayï dik bïï Yen wook tɔ de kë yök ŋic në biäkde. Acïn kë ye kɔc diir në yeguöp, ku cïn kë bï wo wɛ̈l piɔ̈ɔ̈th En.

Yith 53:5

Ku në biäk de awɛ̈ɛ̈ckuɔ acï yiëk guöp bɔ̈ɔ̈t, go dui në biäk de karɛc cuk looi. Wok cï tɔ piɔl gup në këtuc cï guum, wok cï tɔ̈u ë mätic në këtuc cï Yen yök.

Yith 63:16

Yïn ee wääda. Kuɛɛrëdan Abraɣam ku Jakop akënkï wook ŋic, ku Yïn Bɛ̈nydït, yïn ee wäärda, raan ee wo kony ë ceŋ.

Yith 66:12

Aye Bɛ̈nydït lueel an, “Yïn bä yiën kuɛth cïï kɔ̈u bï tɛɛm, kajuëc ke juöör abïk wɛt tëde yïn cï pïïu ke kiir cie dëu. Yïn bï ciët mɛnh thiin ye boom në yeyɔu, ku ye luööi në nhiëër.

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Yith 8:18

Yakï wokë mïth cïï Bɛ̈nydït gäm ɛn. Bɛ̈nydït de rɛm tɔ̈u ë thööcde ë kuur ë Dhiɔn nɔm, acï wo tuöc kɔc ke Yithriɛl ke wo ye wël pïïr.

Jeremia 31:22

Kɔc cïn gäm, bäk gääu agut cï nɛn? Yɛn cï kë cï piac looi cak, ku ee kë mɛɛn, ee kë mɛɛn cït man ye tik moc gël.”

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Danyel 7:14

Acï gäm riɛl, ku dhuëëŋ ku bääny de ciɛɛŋ, ago kɔc ke juöör ëbɛ̈n, ku kɔc ëbɛ̈n, ku thook ëbɛ̈n yen aa luööi. Riɛlde abï tɔ̈u aɣet athɛɛr ku ciɛɛŋde acïï kɔ̈u bï tɛɛm.

Ɣagai 2:9

Luaŋdït cï piɛc yïk, abï läk arëët awär ɣön wään tueŋ. Ku yɛn bï kɔckï tɔ kueth, ku gäm keek mät, Bɛ̈nydït de rɛm Yen aa jam.

Math 1:1

AWEREK de kuën ë dhiënh cï Yecu Kërtho dhiëëth, ee Wën ë Debid, wën ë Abraɣam.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Luk 1:35

Go tunynhial bɛ̈ɛ̈r, yöök an, “Wëidït ɣer abïk yï lɔ̈ny, ku riɛl ë Nhialic Awärjäŋ abï yï kuöm piny: ago këɣeer bä dhiëëth ago cɔl Wën ë Nhialic.

Luk 2:11

Konyduön ë wëi acï dhiëëth ee köölë Pänydït de Debid, yen Kërtho Bɛ̈nydït.

Luk 2:14

“Ë dhuëëŋ tɔ̈u kekë Nhialic tënhial ya, ku tɔ̈u rëër piɛth ë piny nɔm, ku miɛtëpiɔ̈u ë kɔc yiic!”

Luk 21:15

we bä gäm thook pɛlënɔm, ke kɔc de ater në week ke ke cïï bëër bëër kek këdun bï lëu, ayï teer teer kek në week aya.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 1:16

Ku në kuɛth cï en kuɛth yen acï wok käŋ yök wodhie, ayï dhuëëŋdepiɔ̈u dhuëëŋ cï rɔt ŋuak.

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Luɔi 10:36

Jam cïï Nhialic tuöc kɔc ke Yithriɛl, ke guiir mät në Yecu Kërtho, yen aye Bɛ̈nydït nu ë kɔc nïïm kedhie.

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

Romai 9:5

kuarkuɔ ayek kaken, ayï Kërtho aya abɔ̈ në keek në dhiënh ë dhiëëthë ye, raan nu ë käŋ nïïm kedhie, ku ye Nhialic de guöp athiɛɛi athɛɛr. Amiin.

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

1 Kor 15:25

Ku yen abï piny dhil cieŋ, aɣet të cï en kɔc de ater ë yen tuɛɛl ë yecök yiic piny.

2 Kor 5:19

Luɔi ë nu Nhialic ë Kërtho yic, ee piny nɔm tɔ mät në yen, ku luɔi cïï en ka cïï kɔc wööc ee mac ë keyiëth, ago jam de mät tääu ë wocin.

Nyöŋ 10:17

Bɛ̈nydït Nhialicdun anu nhial ë yiëth nïïm ëbɛ̈n, ku riɛl nïïm ëbɛ̈n. Yen Adït ku Awärjäŋ, ku abïï ë dhil riɔ̈ɔ̈c. Yen acïï tɛ̈ɛ̈k yic ee nyuɔɔth, ku acïï kumthok ee gam.

Kolothai 2:3

raan cï kapiɛth cï kueet thiaan ë yeyic ëbɛ̈n, ka ke pɛlënɔm ku ŋïnydekäŋ.

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

Tito 2:13

ku yok aŋäth cï thieei tiit, ku titku tuöl bï dhuëëŋ de Nhialicdandït ku Konydan Yecu Kërtho tuöl,

Ɣeberuu 1:8

Ku acï Nhialic lueel në biäk de Wënde an, “Yïn ee Nhialic, Yïn bï rëër ë thöönydu nɔm ke Yï ye melik aɣet athɛɛr! Yïn bï kɔcku cieŋ në löŋ yic.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

Nyuuth 19:16

Ku acath ke rin cï gɔ̈ɔ̈r ë lupɔde kɔ̈u ku gäär ë yeɣäm an, “MELIK NU Ë MELIIK NÏÏM, KU BƐ̈NYDÏÏT NU Ë BÄNYDÏT NÏÏM.”

Bäny 13:18

Go tunynhial ë Bɛ̈nydït bɛ̈ɛ̈r an, “Ee ŋö ee yïn a luɔp rin? Acïï duëër lëu ë yöŋ ë yic.”