Yith 9:20 - JAM DE NHIALIC 2011

²⁰ Wutic ëbɛ̈n kɔc abïk kacaam thii cïk aa yök aa gɔ̈ɔ̈p yiic ku camkï, ku cɔŋden acïï ke bï tɔ kueth. Acakaa mïthken abïk keek cuet!

Yith 9:20 ပူးပေါင်းရင်းမြစ်များ

Wɛ̈ɛ̈t 4:5

Raan piɔlpiɔ̈u ee yecin kuak ku tɔ rɔt nɛ̈k ë cɔk.

Yith 10:4

Wek bïï nɔ̈k tɔŋ ku nɔn thel week ke we mac. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 14:30

Bɛ̈nydït abï aa tïn de kɔckɛn kuanynyïïn ku abï kɛ̈ide tɔ rɛ̈ɛ̈r ë mätic. Ku abï cɔŋ rac tuöc week wek Pilithiin, ku acïn raan töŋ bïï pɔ̈l apïïr në we yiic.

Yith 3:1

Ënɔɔnë Bɛ̈nydït de rɛm, akɔɔr bïï këriëëc nyaai ëbɛ̈n në Jeruthalem ku Juda, raan ëbɛ̈n ku kak ee kɔc kony. Abï kacaamken ku pïïuken nyaai,

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 51:19

Riäŋdïït ee yic rou acï we lɔ̈ny: pinydun acï riääk në tɔɔŋ biɔ̈k, ku kɔckun anɛ̈k cɔk keek. Acïn raan nyuth we kokdepiɔ̈u.

Yith 8:21

Kɔc abïk tai ë piny nɔm, abïk piɔ̈ɔ̈th jiɛth ku nɛ̈k cɔk keek. Në ŋɔ̈ɔ̈ŋden ku në agönhden yic, abïk melikden ku Nhialicden läm aciɛɛn. Ku aduëërkï tënhial woi,

Yith 8:22

ku lieckï piny, ku acïn däŋ bïk tïŋ ee nuan ku mɔ̈ɔ̈th, ku riɔ̈ɔ̈c de cuɔlëpiny copë ke thïn.

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Jeremia 19:9

Kɔc ke ater abïk pänydït gɔ̈ɔ̈l piny ku themkï bïk kɔcke nɔ̈k. Abïï tuɔɔk cil arac ka kɔc nu ë pänydïtic, abïk röt aa cuet kapäc ku cuetkï mïthken gup.”

Dhiëëu 4:10

Riääk cï kɔckï yök acï riɔ̈ɔ̈cdït bɛ̈ɛ̈i, Diëër nhiaar mïth, acïk mïthken thaal ke ke ye kuïn.

Maika 6:14

Wek bï ya cam, ku ŋuɔɔtkï ke we röi, ë yic we bï ya ŋoot ke we nɛ̈k cɔk. We bï käŋ aa jɔt, ku acäkï keek bï lëu në kuët, kë bäk aa kueet ëbɛ̈n abä riɔ̈ɔ̈k në tɔŋ.

Dhek 11:9

Na wën, ke lɛ̈k luny ë thök an, “Yɛn cïï bï bɛ aa tïndun. Tɔ kɔc thou thou. Tɔ kɔc bï riɔ̈ɔ̈k riäk. Ku kɔc cï döŋ abïk röt lɔ̈ɔ̈k riɔ̈ɔ̈k në röt kapäc.

Mak 3:24

Ku na cï ciɛɛŋ e yic tek në ater, yen ee ciɛɛŋë acïï duëër kɔ̈ɔ̈c.