Yith 9:19 - JAM DE NHIALIC 2011

¹⁹ Në biäk de agönh ë Bɛ̈nydït de rɛm, guiëër ë löŋde adɛ̈p ë piny yic bɛ̈n ku riëëk kɔc, ku abï aa raan ke yenhde yetök.

Yith 9:19 ပူးပေါင်းရင်းမြစ်များ

Yith 1:31

Cït man ye wal dëp në atiam ë mac, yen acït luɔi bï kɔc ril riɔ̈ɔ̈k në luɔidɛn ë karɛc yek looi, ku acïn raan bï riääkde tɔ kääc.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 13:13

Yɛn bï paannhial niɛŋ, ku ta piny lɛthë abï rɔt wuuk tëde, në kööl bän agönhdï nyuɔɔth, Yɛn Bɛ̈nydït de rɛm.

Yith 13:18

Në dhɛ̈ŋken ku në wiɛthken abï kek ke wɛ̈ɛ̈t dhuök nɔ̈k. Acïn kokëpiɔ̈u bïk nyuöth kor ku acïn mïth dït bïk pɔ̈l.

Yith 13:9

Kööl ë Bɛ̈nydït abɔ̈, ee kööl de tuöcdɛn cï Yen gɔ̈th arëët ku ŋeeny arëët. Piny abï aa jɔ̈ɔ̈ric ku raan ee kërac looi ëbɛ̈n abï riɔ̈ɔ̈k.

Yith 24:6

Në biäk de ee kënë, Bɛ̈nydït ë piny nɔm cieen. Kɔc nu thïn, acolkï ariöp de awänyden. Kɔc lik kek abï döŋ apïïr.

Yith 26:11

Acïï ë kɔc ke aterdu ŋic nɔn bï Yïn ke luöi këtuc. Tɔ ke yäär Bɛ̈nydït ku tɔ ke nuan, tɔ ke yök nuan cï kiëët në biäkden. Nyuöth ë keek nhiëër dïït nhiɛɛr Yïn kɔcku.

Yith 3:5

Kɔc abïk röt yɔŋ, dhuök acïkï kɔcdïtken bï riëëu, ku cïï kɔc cïn naamden acïkï adhuëëŋken bï riëëu.

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Yith 4:4

Ku në riɛlde Bɛ̈nydït abï löŋ guiir, ku jɔ jur tɔ ɣeric ku wɛɛk awäny de Dhiɔn wei, ku lɔ rim ɣɔn cï lɛ̈u piny ë Jeruthalem.

Yith 42:25

Ago wook tɔ yök rac de agönhde ku gumku akuöörkuöör de tɔŋ. Go agönhde dëp cï mac në Yithriɛl yic ëbɛ̈n, ku wok kuc kë loi rɔt, acïn kë cïï wok wëët në ye yic taitai.

Yith 5:24

Në biäk de ee kënë, wek bï määr cït man ë yuööt dɛ̈p, ku dhiap meikun, ku biɔɔr gaakdun ku gɔpë yom wei, në biäk cä wek löŋ de Bɛ̈nydït de rɛm cï Yen wo wɛ̈ɛ̈t rɛɛc, Nhialic Ɣeric de Yithriɛl.

Yith 5:30

Të le köölë bɛ̈n, abïk roor aläl ke ke bɛ̈k Yithriɛl cït man ë wɛ̈ɛ̈r. Tiëŋkï wut! Ee mɔ̈ɔ̈th ku nuandït! Ɣɛɛr acïï ë mɔ̈ɔ̈th liek.

Yith 60:2

Juöör kɔ̈k abïï cuɔl ke kuöm piny, ku në yïkɔ̈u many de Bɛ̈nydït abï riaau, Ɣɛɛr de täude abï tɔ̈u ke yïn.

Yith 8:22

ku lieckï piny, ku acïn däŋ bïk tïŋ ee nuan ku mɔ̈ɔ̈th, ku riɔ̈ɔ̈c de cuɔlëpiny copë ke thïn.

Jeremia 13:16

Riëëukï Bɛ̈nydït Nhialicdun, të kën En cuɔlëpiny guɔ bɛ̈ɛ̈i, ku wek ee guɔ kɔ̈th në kur, ke ŋoot ke kën cuɔlëpiny dït bɛ̈ɛ̈i tëde ɣɛɛrduön yak ŋɔ̈ɔ̈th.

Edhekiɛl 20:47

lɛ̈kë roor de wöuwic bïï kë lueel Bɛ̈nydït Awärjäŋ piŋ: tïŋ! Yɛn ker mac, ku abï tiim tɔ̈u në yïyic ëbɛ̈n nyop, tiim cï riɔu ku tiim tɔ̈c. Acïn kë bï yen lëu në liiu. Abï piny nyop ëbɛ̈n gɔl në wöuwic lee të lɔ rut, ku raan ëbɛ̈n abïï abiɔ̈r de lɔ̈k ë mac yök.

Edhekiɛl 9:5

Ku piɛŋ Nhialic ke lɛ̈k kɔc kɔ̈kë an, “Kuanykï cök të tëëk en ë pänydïtic, ku näkkï. Në cïn raan pälkï, ku cïn raan kuɔɔk wek piɔ̈ɔ̈th.

Jowɛl 2:2

Abï ya kööl ë mɔ̈ɔ̈th ku cuɔl, ku ye kööl ë luät kööl col ë cut. Rem dïït de tɔŋ ë kɔyɔm abï bɛ̈n, ke cï piny paat cït run ë piny ee kur mɔ̈ɔ̈r nïïm. Rem dïït ril kënë kɔn tïŋ, ku acïn kë bï bɛ ciët en anande.

Jowɛl 2:3

Mac ee käŋ nyop në kenïïm tueŋ, piny ee tɔ̈c cï dom de Eden në kenïïm tueŋ, ku në kecök ciëën ee döŋ ke ye jɔ̈ɔ̈r baaŋ. Acïn kë ye ban në kecin.

Lebai 26:26

Yɛn bï të ye këcamdun bɛ̈n tɛɛm wei, ka diäär kathiëër abïk kuïnduön cï pam aa thaal në töny tök yic. Ku abïk kuïn cï pam aa thɛ̈m bei në ke ye ë them, ku të cä wek cam, wek bï ŋoot ke we nɛ̈k cɔk.

Amoth 5:18

Amawoou në week, wek kɔc kɔɔr bɛ̈n de kööl ë Bɛ̈nydït. Eeŋö kɔ̈ɔ̈rkï kööl ë Bɛ̈nydït? Ku abï ya kööl col ë cut tëde week, ke cie kööl ɣer.

Obadaya 1:18

Kɔc ke Jakop abïk ciët mac, ku kɔc ke Jothep abïk ciët lɔ̈k ë mac, abïk kɔc ke Ethau riɔ̈ɔ̈k cït man ye mac miël ë rap nyop. Ka acïn kuat de Ethau bï nyin döŋ.

Maika 7:2

Kɔc piɛth piɔ̈ɔ̈th acï ke thöl nyïïn paanda kedhie, acïn raan piɛth töŋ cï döŋ. Kɔc kedhie ayek buuth bïk kɔc nɔ̈k, ku ŋɛk ee mɛnhkënë yɔ̈ɔ̈p cï lɛ̈i.

Maika 7:6

Mïth röör ayek tɔ̈u ke ke dhɔt wärken, ku duet abïk röt jɔ̈t märken, ku diäär kor abïk aa gɔ̈m në märken ke röörken. Kɔc ke baai de raan, kek abï ya kɔc ke aterde.

Dhek 11:6

(Acï Bɛ̈nydït lueel an, “Yɛn cïï piɔ̈u bï kɔn bɛ kok wokë kɔc de piny. Raan ëbɛ̈n në keyiic abä gäm kɔc rëër kek, ku bänyken. Ku piny abï bänykë ye yɔŋ nɔm, ku acä keek bï luäk bei në kecin.)

Dhek 11:9

Na wën, ke lɛ̈k luny ë thök an, “Yɛn cïï bï bɛ aa tïndun. Tɔ kɔc thou thou. Tɔ kɔc bï riɔ̈ɔ̈k riäk. Ku kɔc cï döŋ abïk röt lɔ̈ɔ̈k riɔ̈ɔ̈k në röt kapäc.

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Math 27:45

Na wën, ë thaar kadhetem, ke piny jɔ guɔ cuɔl ëbɛ̈n, aɣët thaar kadhoŋuan.

Luɔi 2:20

Akɔ̈l abï rɔt puk aye cuɔlëpiny, ku bï pɛɛi rɔt puk aye riɛm, Të ŋoot ëkööldïït ë Bɛ̈nydït ke kën bɛ̈n, kööl bï tïc ëgɔk:

2 Pet 2:4

Ku të kënë Nhialic tuucnhial pɔ̈l tuuc ɣɔn loi kërac, ku acï keek cuat ë adhum thuthic mɛc keek ë joth ke cuɔlëpiny abïk tɔ̈u ëtɛ̈ɛ̈n aɣet kööl bï löŋden guiir.