Yith 9:14 - JAM DE NHIALIC 2011

¹⁴ Në biäk de ee kënë Bɛ̈nydït abï bäny ke Yithriɛl luöi këtuc kekë kɔcke në kööl tökic, nɔm kekë yɔ̈l, kër ke aköt ku aguöt, abïï ke tɛɛm wei.

Yith 9:14 ပူးပေါင်းရင်းမြစ်များ

Yith 10:17

Nhialic, ee ɣɛɛr de Yithriɛl, abï aa mac. Nhialic Ɣeric abï aa lɔ̈k de mac, abï këriëëc nyop ëbɛ̈n në kööl tök, ayï kuɔɔth ku thil.

Yith 19:15

Acïn raan ë Rip, raan kueth ku nɔn ee raan cïn käŋ, nɔm kekë yɔ̈l, kër ke aköt ku aguöt, raan duëër kuɔɔny bɛ̈ɛ̈i.

Yith 30:13

Wek de gup awäc. Wek cït päny bäär cï kɔ̈u ɣaar nhial bïï piny, wek bï wïïk ëthiäu.

Jeremia 6:21

Ka Yɛn bï ee kɔckë tɔ kɔ̈th ku wïïkkï. Kɔc ë dhiëth mïth abïk thou në mïthken, ku yen ee thon de määthken ku kɔc thiääk në keek.”

Jeremia 8:12

Kɔckï, ë we kën gup riɔ̈ɔ̈c në biäk cä wek kake ayäär looi? Ei, wek kën gup riɔ̈ɔ̈c taitai, ku wek kuc luöi ye kɔc diɛɛr aya! Ka wek bï wïïk cït man cïï kɔc kɔ̈k wïïk, të lan week lɔ luöi këtuc, kënë yen abï aa thökdun. Acä lueel, Yɛn Bɛ̈nydït.

Dhiëëu 4:16

Bɛ̈nydït acïï be diɛɛr ë biäkden, yen guöp acï keek thiäi piny. Acïn riëëu kekë kokdepiɔ̈u ye nyuöth bänykuɔn ke kakë Nhialic ayï röördïtkuɔ.

Ɣodh 1:4

Go Bɛ̈nydït lɛ̈k Ɣodhiya an, “Cäkë an Jedhreel (yen aye kɔc cï Nhialic thiäi piny). Në baŋ bän baai de melik Jeɣu dap luöi këtuc, në biäk de nääk ɣɔn nɛ̈k en kɔc në wak de Jedhreel yic. Ku Yɛn bï ciɛɛŋ de baai de Yithriɛl jɔ teem kɔ̈u. Yɛn bïï bääny de dhiën ë Jeɣu tɔ kääc.

Ɣodh 1:6

Go Gomer bɛ liac, ku dhiëëth duet. Go Bɛ̈nydït lɛ̈k Ɣodhiya an, “Cäkë an Nyaman, në baŋ cän piɔ̈u bï bɛ kok wokë baai de Yithriɛl, ku cä be päl awäc.

Ɣodh 1:9

Go Bɛ̈nydït lɛ̈k Ɣodhiya an, “Cäkë an, ‘Monyjai’ në biäk cä wek ee kɔckï, ku cä ye Nhialicdun.”

Ɣodh 10:15

Yen kë bï rɔt luöi week ka, wek baai de Yithriɛl, në biäk de dït de awänydun. Të le köölë thiɔ̈k, meliŋ de Yithriɛl abïï riɔ̈ɔ̈r nyin liŋliŋ.

Ɣodh 13:3

Në biäk de ee kënë, abïk riäär ëthiäu cït man ë ruu amiäk. Ku dapkï tɛŋ cït thäny amiäk. Ku cïtkï ayiɛl të wiiuwë rap në yiɛɛuwic. Ku cïtkï tol kuël rɔt bei në awëërnyin.

Ɣodh 4:5

Ayek kɔ̈th aköl ku wakɔ̈u. Ku tït ke Nhialic akɔ̈thkï në keek ëtök. Ku mɔɔrdun Yithriɛl abä riɔ̈ɔ̈k.

Ɣodh 8:8

Yithriɛl acï nyiɛɛc në juöör, ka cï ya kë cïn naamde.

Amoth 3:12

Aye Bɛ̈nydït lueel an, “Kɔc ke Yithriɛl tɔ̈u në Thamaria, abïk cït man ye raan tit thök thïïm cï döŋ ë köör thok lɔ̈ɔ̈k yök piny, nɔn ë yök yom kaarou ke cök, ku nɔn ee yen thïm de biäk de yïny de thɔ̈k. Kɔc bï poth në keyiic abïk lïk, kek ee kɔc rɛ̈ɛ̈r në ageenken nïïm ënɔɔnë në Thamaria. Ayï adhuëëŋkɛn rɛ̈ɛ̈r në thöckɛn piɛth nïïm në Thamaria.

Amoth 6:11

Ku ënɔɔnë, acï Bɛ̈nydït lueel an bï, ɣöötdït thuöör piny, ku dhoŋ ɣööt kor piny taitai.

Amoth 7:17

Ku ënɔɔnë, aye Bɛ̈nydït lueel an, ‘Tiiŋdu abï aa akɔɔrröör wutic, ku wɛ̈ɛ̈tku ku duet ku mïthku abïk wïïk në abätäu, ku Pinydu abï tek në awiɛi. Ku yïn bï lɔ thou piny ë kɔc kuc Nhialic. Ku kɔc ke Yithriɛl abïï keek peec pinyden leerë keek piny lei.’ ”

Nyuuth 18:10

ke ke kääc tëmec në riɔ̈ɔ̈c cï kek riɔ̈ɔ̈c ë lɛ̈ŋ cï e leeŋ wëi, ku luelkï, an, “Amawoou! Madinoou! Gök de pänydït Babilon, pänydïït ril! Ee thaar tök en aa yök yïn këduön tuc!”

Nyuuth 18:17

Ee thaar tök tei en aa riëëkë wëu juëc cït ee kakë.” Ku bäny ke abëël wïïr kedhie, ku rem nu ë abëël yiic ëbɛ̈n, ku kɔc ee ka ke abëël looi, ku kɔc ee käŋ ɣɔɔc ë wɛ̈ɛ̈ric ëbɛ̈n, aake kääc tëmec,

Nyuuth 18:8

Yen abï ka bï e riɔ̈ɔ̈k bɛ̈n ëkööl tök, thuɔɔu, ku dhiëëu, ku cɔŋdït. Ku abï lɔ kuith piny ë mac, luɔi rilë Bɛ̈nydït Nhialic Raan guiir löŋde.”