Yith 9:12 - JAM DE NHIALIC 2011

¹² Kɔc ke Thiriya të lɔ aköl amiäk ku Pilithiin të lɔ aköl athɛ̈i, acïk kethook ŋaam bïk Yithriɛl cuääl. Ku kënë aŋoot ke kën agönh ë Bɛ̈nydït tɔ thök, aŋoot ke nu ciin biic ke kɔɔr bï këtuc looi.

Yith 9:12 ပူးပေါင်းရင်းမြစ်များ

2 Mel 16:6

Ku në ë thaarë yic, go Redhin melik de Edom wun cɔl Elath puk nɔm, ku jɔ kɔc ke Judai cuɔp wei në Elath, go kɔc ke Edom ɣap në Elath agut cï ee köölë.

2 Lëk 28:18

Ku kɔc ke Pilithiin aake lɔ ke ke yak bɛ̈i ke Juda yiic, bɛ̈i nu ë kur thäär të lɔ aköl athɛ̈i ku bɛ̈i nu të lɔ wöuwic. Ku peckï pɛ̈ɛ̈nydït ke Beth Cemec, Aijalon ku Gederoth, ku pɛ̈ɛ̈nydït ke Thoko, ku Timena, ku Gimdho në wuötkɛn kor, ku lek ëtɛ̈ɛ̈n ɣap ke ee këden.

Diɛt 79:7

Në luɔi cï kek kɔcku nɔ̈k, ku acïk wundu riɔ̈ɔ̈k.

Yith 10:4

Wek bïï nɔ̈k tɔŋ ku nɔn thel week ke we mac. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 11:14

Keek kedhie abïk Pilithiin aa mak të lɔ aköl athɛ̈i, ku yiɛkkï kɔc rɛ̈ɛ̈r të lɔ aköl amiäk. Ku abïk piiny ke kɔc ke Edom ku Mowap peec, ku abï ë kɔc ke Ammon keek riëëu.

Yith 31:1

Amawoou në kɔc ee lɔ Rip lek kuɔɔny kɔɔr! Ayek rem dïït ë tɔŋ de Rip, ku jöŋgöör, ku abëël tɔŋ ŋɔ̈ɔ̈th. Ku acïkï Bɛ̈nydït ee ŋɔ̈ɔ̈th, Nhialic Ɣeric de Yithriɛl, ku cïkï kuɔɔny thiëc tëde yen.

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 9:17

Në biäk de ee kënë Bɛ̈nydït acïï wɛ̈ɛ̈t dhuökken bï tɔ poth, ku acïn kokdepiɔ̈u bïï nyuöth mïthkɛn abɛɛr ku diëër abɛɛr, në biäk cïï kɔc kedhie Nhialic kuc ku yek karɛc looi, raan ëbɛ̈n ee jamde pialëpiɔ̈u bɛ̈ɛ̈i bei në yethok. Cakaa yen ë tɔ̈u aya, agönh de Bɛ̈nydït abï ŋoot ke cïï thök, ku ciinde abï ŋoot ke nu biic ke kɔɔr bï këtuc looi.

Yith 9:21

Kɔc ke Manatha ku kɔc ke Eparaim abïk röt mak piɔ̈tkï, ku bekï mat ëtök ku mɛkkï Juda. Ku ŋoot agönh ë Bɛ̈nydït ke cïï thök, aŋoot ke nu ciin biic ke kɔɔr bï këtuc looi.

Jeremia 10:25

Pɔ̈kë agönhdu juöör cïï Yïn ee lam, ku kɔc ee yïn rɛɛc. Acïk kɔcku nɔ̈k, acïk wook riɔ̈ɔ̈k taitai, ku nyiëëŋkï pinyda piny ke cï riääk.

Jeremia 15:7

We ya wiɛɛu ë yomic cï wal, ë wuöt ke pinydun ëbɛ̈n. Kɔckï wek cä riɔ̈ɔ̈k, ku näk mïthkun, në biäk kën wek kuɛɛrkuön rac pɔ̈l.

Jeremia 35:11

Ku wään cï melik Nebukadnedhar wut peec, acuk lueel nɔn bï wok lɔ Jeruthalem, në riɔ̈ɔ̈c riɔ̈ɔ̈c wok në rem de tɔŋ de Babilonia ku rem ë tɔŋ de Thiriya. Yen kë tɔ wo rëër ë Jeruthalem ka.”

Jeremia 4:8

Ka tääukï lupɔɔ ke cual në we kɔ̈ɔ̈th, ku dhiaukï, ku dhuöörkï, në biäk kën agönh tuc de Bɛ̈nydït thök, akën rɔt yal wei në Juda.

Edhekiɛl 16:27

“Ënɔɔnë yɛn cï yaciin jɔt, bï yïn luöi këtuc, ku jat biäk de athiɛɛidï. Wek cä gäm Pilithiin, kɔc man week ku arackï piɔ̈ɔ̈th në karɛc yakkï keek looi.

Edhekiɛl 6:14

Ɣɛɛ, Yɛn bï yaciin riny ku riääk pinyden. Abä tɔ ee jɔ̈ɔ̈r gɔl në wöuwic leer piny de Ribila në biäk të lɔ rut, acïn të bä pɔ̈l në ɣään ceŋ ë kɔc ke Yithriɛl. Ago ë raan ëbɛ̈n ŋic nɔn Yan Bɛ̈nydït.”

Ɣodh 7:10

Lɛc ye Yithriɛl rɔ leec, ee ye nyuɔɔth ë gɔk. Ku në ee kakë yiic kedhie, akënkï kenïïm puɔ̈k Bɛ̈nydït Nhialicden, ku kënkï kɔɔr.

Amoth 4:10

“Wek cä luöi riääkdït, cït riääk ɣɔn cä kɔn luöi kɔc ke Rip. Yɛn ë wɛ̈ɛ̈t dhuökkun tɔ näk tɔŋ, ku jöŋgöörkun abä ke peec ë tɔŋ. Ku ta we tɔ nɛ̈k aŋuäc de kɔc cï thou ë pɛɛnykun yiic. Ku wek ŋoot ke we kën röt pɔ̈k Ɛn. Kë cïï Bɛ̈nydït lueel ka.

Amoth 4:11

“Yɛn ë kɔckuön kɔ̈k riɔ̈ɔ̈k cït man wään riääk Ɛn Thɔdom kekë Gomoora. Kɔc cï pïïr ë we yiic, wek cït luny ë tim ë göpë bei mɛɛc. Ku wek ŋoot ke we kën röt pɔ̈k Ɛn.” Kë cïï Bɛ̈nydït lueel ka.

Amoth 4:6

“Ee Yɛn ë tɔ week nɛ̈k ë cɔk në wuöt yiic, ku ta week cïn rap në bɛ̈i yiic kedhie. Aa luɔi aya ke we bï röt pɔ̈k ɛn. Ku wek kën röt bɛ̈n pɔ̈k ɛn.

Amoth 4:8

Ku kɔc cï yiɛɛl wei acïk thiëi ë wuöt yiic ke ke kɔɔr pïïu, ku acïn pïïu cïk yök. Ku wek ŋoot ke wek cïï röt puk Ɛn. Kë cïï Bɛ̈nydït lueel ka.

Amoth 4:9

“Wek cä tuöc käm juëc riäk rɛɛpkun, ku yiën week kɔyɔm riëëk duumkuön ke tiim ëbɛ̈n, tiim ke enap, ayï tiim ke olip. Ku wek ŋoot ke wek kën röt pɔ̈k Ɛn. Kë cïï Bɛ̈nydït lueel ka.

Dhep 1:6

ku riääk kɔc ee röt dak ciëën ku cïkï Ya be kuany cök, kɔc cie bɛ̈n ku thiëckï Yɛn bä ke wat.

Dhep 3:2

Acïï Bɛ̈nydït ee piŋ thok ku nɔn gɛm duide, ku nɔn thiëëc në kuɔɔny.

Nyöŋ 31:17

Ku në ee köölë yɛn bï gɔ̈th wokë keek, ku päl keek. Yɛn bï ya nyin thiaan në keek ku abä keek riɔ̈ɔ̈r nyïïn në karɛc ku nuɛɛn juëc abïk keek yök. Ku në ee köölë abïk aa lop, an, “Karɛc cï wok yökë cie luöi cïï Nhialicda be tɔ̈u kekë wook?