Yith 8:8 - JAM DE NHIALIC 2011

⁸ Abïk dap lɔ Juda ke cït amooldït ë pïïu ee ɣet ë kɔc yiëth, ku abï pinydun thiɔ̈ɔ̈ŋic ëbɛ̈n. Emanwɛl! Nhialic atɔ̈u ke wook. Abï ye wuök peer ku gël piny.”

Yith 8:8 ပူးပေါင်းရင်းမြစ်များ

2 Mel 17:3

Na wën ke Calmanether melik de Athiriya ë took wut ku mɛk, go Ɣocia rɔt thön en ku ye kuöt athölbö në ruöön thok ëbɛ̈n.

2 Lëk 12:4

Ago pɛ̈ɛ̈nydït cï gël ke Juda nööm abï ɣet Jeruthalem.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 30:28

Ee yom tuɔɔc ë Yenɔm tueŋ cï amool ee këriëëc ëbɛ̈n gap wei. Ee juöör nap wei ë riääkic ku tɔ kiɛɛrdɛn rac ëbɛ̈n kääc abï liu.

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Yith 7:17

“Bɛ̈nydït abï yïn yiɛ̈n nuɛɛn, yïn wekë baai de wuur, ku kɔc ke dhiën de melik ëbɛ̈n, ayek akööl ke nuan rac, acïn kë thöŋ ke yen gɔl në akööl ɣɔn bïï ë Yithriɛl bei në Juda yic, abï melik de Athiriya lɔ bɛ̈ɛ̈i.

Yith 8:10

Luɔikï guiɛɛrdun! Ku acïkï bï tiam. Jamkï në jamduön cäk tak! Ku acïnkï naamden, në luɔi tɔ̈u ë Nhialic ke wook.

Jeremia 47:2

Ago lueel an, “Tïŋ! Pïïu athɔckï röt të lɔ rut, ku abïk bɛ̈n ke ke riŋ cït kiir de amool. Abïk piny kum nɔm ayïï kë tɔ̈u thïn ëbɛ̈n, pɛ̈ɛ̈nydït ayï kɔc ceŋ ëtɛ̈ɛ̈n. Kɔc abïk kuɔɔny kɔɔr, raan nu ë piny nɔm bɛ̈n abï dhiau arëët.

Jeremia 48:40

Bɛ̈nydït acï gutguut lueel an, jur abï pɛ̈ɛ̈r ë Mowapic cït man ye cuɔɔr ye wuök peer,

Jeremia 51:42

Wɛ̈ɛ̈r acï rɔt laar ë Babilon kɔ̈u, ku kum piny në apiöŋdɛn ee wuur.

Edhekiɛl 17:3

ke ke bï kë lɛ̈k keek ŋic yɛn Bɛ̈nydït Awärjäŋ, aya lɛ̈k keek: ɣɔn aa de cuɔɔr dïït ë tɔ̈u, ade nɔɔk läk ku wuök dït cï ke thieth ke ke lääuwiic. Acï päär ke lɔ në kur ke Lebanɔn nïïm, ku dhoŋ tim de thidar nɔm,

Edhekiɛl 26:19

Aye Bɛ̈nydït Awärjäŋ lueel an: “Yïn bä tɔ ye të cï puɔ̈l cï pɛ̈ɛ̈nydït cï riɔ̈ɔ̈k të cïn kɔc ceŋ en. Wek bä kuöm piny në pïïu ke Abäpdit thuth.

Danyel 11:10

“Ku wɛ̈ɛ̈t ke melik de Athiriya abïk remdïït ë tɔŋ guiir, bï kek lɔ thɔ̈ɔ̈r. Tök në keyiic abï ban aläl cït amool, ku abï ɣään cï gël de kɔc ke aterden luöi tɔŋ.

Maika 1:9

“Në baŋ ye tëtök de Thamaria tëtök cie dem, ee tëtök ee thuɔɔu bɛ̈ɛ̈i, ku abï Juda cuööp. Abï ɣet ë Jeruthalem yic cil, wun ë kɔckï.

Maika 5:5

ku abï mät bɛ̈ɛ̈i. Të le Athiriya wo yiɛ̈n tɔŋ, ku lek ɣään riilkuɔ reet yiic, abuk keek kuɛ̈ny bänykuɔn ril arëët kadhorou, lek gɔ̈m në keek.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).