Yith 8:19 - JAM DE NHIALIC 2011

¹⁹ Ku kɔc abïk week yɔ̈ɔ̈k bäk wël aa lɔ luɔp yiic tëde kɔc ee cɔ̈ɔ̈r, ku kɔc ee thuëth, kɔc ee käŋ caar ku yek käŋ mɛɛk. Abïk lueel an, “Kɔc ayek wël luɔp tëde wëi ku jamkï në kɔc cï thou në nyin de kɔc pïr.”

Yith 8:19 ပူးပေါင်းရင်းမြစ်များ

Cäk 41:24

Ago nïïm ke rap cï luɔk ke ke kor nyïïn, nïïm dïtkë liek. Aguɔ ke tɛ̈t tït kedhie, ku acïn tiët töŋ cï ke lëu në wër ë yic.”

2 Mel 1:3

Ku tunynhial ë Bɛ̈nydït acï lɛ̈k Elija raan ë Ticibe bïï lɔ rɔ̈m kekë tuuc ke melik Aɣadhia, ku bïï keek thiëc an, “Eeŋö ee week tɔ lɔ tëde Baaldhebub yanh ë Ekeron? Ee biäk cïn en Nhialic nu në Yithriɛl?

2 Mel 21:6

Ku nɛ̈k wënde ke ye miɔ̈c ye nyop ëbɛ̈n, cɔ̈ɔ̈r en, ku lɛm yiëth ku looi athuɛ̈ɛ̈th, ku ee ka bï tuöl wadäŋ caar. Ë kajuëc rac looi në Bɛ̈nydït nyin, ago Bɛ̈nydït gɔ̈th arëët.

2 Mel 23:24

Në biäk bïï löŋ cï gɔ̈ɔ̈r në awerekic looi, awerek wään bïï Ɣilikia bɛ̈nydïït ë kake Nhialic yök në Luaŋdïtic, go Melik Jothia yiëth nyaai, ku kɔc ee cɔ̈ɔ̈r, ku kɔc ee thuëth, ku nyiɛɛi kak ye yiëth lam ëbɛ̈n ë Jeruthalem ku piny de Juda ëbɛ̈n.

1 Lëk 10:13

Thaulo acï thou në biäk cïï yen piɔ̈u adöt tëde Bɛ̈nydït. Akën lööŋ ke Bɛ̈nydït riëëu, aaye kɔɔr bïï käŋ ŋic në luɔi yen jam ke tït ke yiëth,

2 Lëk 33:6

Go mïthke gam ke ke ye miɔ̈c ye nyop ëbɛ̈n në Wak de Ɣinom yic. Ku ye cɔ̈ɔ̈r, ku ye thuëth. Acï karɛc luöi Bɛ̈nydït, ago gɔ̈th ke yen.

Diɛt 106:28

Na ɣɔn në Baal de Peyor, go kɔc ke Nhialic mɛt ë läm de Baal yic, ku camkï miɔ̈c cï gäm yiëth cï thou.

Yith 19:3

Kɔc ke Rip acïkï piɔ̈ɔ̈th bï riɛl, yɛn bï täŋden liääp. Abïk kuɔɔny aa thiëëc tëde yiëthken, ku abïk lɔ ku lopkï kɔc ee cɔ̈ɔ̈r, ku thiëkkï wëi ë kɔc cï thou në kë bï looi

Yith 26:14

Ënɔɔnë acïk thou ku acïkï bï bɛ pïïr, Atïïpken acïkï röt bï jɔt, në luɔi cïï Yïn ke luöi këtuc ku riäk keek. Acïn raan be ke tak ananden.

Yith 29:4

Jeruthalem abï ciët atïm de raan cï thou wiët ë piny thar ke kɔɔr bïï jam, në röl cït kë dɛc bɔ̈ bei ë abuui yic.

Yith 30:2

Ayek kuɔɔny lɔ kɔɔr ë Rip ke ke kën A kɔn luɔp. Akɔɔrkï bï Rip ke kony, ka acïk aŋäthden tääu në melik de Rip guöp.

Yith 45:11

Bɛ̈nydït, Nhialic Ɣeric de Yithriɛl, aye raan ee yen ee kë wadäŋ thɔ̈ɔ̈ŋ lueel: “Yïn cïn nɔm yic bä ya thiëëc në biäk de mïthkï, ku nɔn lɛ̈k yïn ɛn kë bä looi.

Yith 47:12

Muk wal ku tiim ke yiëthku kedhie, yïn aaye lui në gɔl të wään ee yïn meth. Tak däŋ bïï dɛ të bï kek yïn kony, tɛk däŋ bä kɔckuön ke ater riääc ë keek.

Yith 47:13

Yïn cï ciën riɛl cakaa nɔn ye kɔc yïn jääm. Tɔ kɔckuön ee kanhial ŋic bɔ̈ tueŋ, bïk yïn bɛ̈n kony, kɔc ee kuɛl nhial ŋic, ku kɔc ee ɣään nhial luöi akɛɛth, ku lëkkï yïn në pɛ̈i thook ëbɛ̈n kë bï rɔt dhil looi tëde yïn.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Jeremia 27:9

Ka duökï tïtkun piŋ thook, ku duökï kë lueel raan ee jam an duëër kë bï rɔt looi wadäŋ caar ee piŋ, kɔc ee nyuöth, ku kɔc ee kɔc cï cɔ̈ɔ̈l bei, ku kɔc ee cɔ̈ɔ̈r ë yiëth. Ku abïk we yɔ̈ɔ̈k an, duökï melik de Babilon ee luööi.

Lebai 19:31

Du täŋ piɛth ye lɔ kɔɔr në kɔc ee cɔ̈ɔ̈r nïïm, ayï kɔc ee jam në kɔc cï thou nïïm, në luɔi bï kek yïn riɔ̈ɔ̈k. Ee Yɛn Bɛ̈nydït Nhialicdun.

Lebai 20:6

Na de raan lɔ cɔ̈ɔ̈r ë kɔc ee cɔ̈ɔ̈r nïïm ku kɔc de gup jɔɔk rac, ku riäkkï röt në läm lɛm kek yiëth, abä keek tëëm bei në kɔckï yiic.

Maika 5:12

Yɛn bï tïïtduön ë yiëth riɔ̈ɔ̈k, ka cïn kɔc bï käŋ bɛ aa caar.

Luɔi 16:16

Na wën, ë kööl tök, të le wok të ye kɔc lɔ̈ŋ, ke wo jɔ rɔ̈m në nyan lïm, nyan de guöp yanh cɔl nyiëël, ku ye bänyke tɔ yök wëu juëc në cäär ee yen cɔ̈ɔ̈r.

Nyöŋ 18:10

Duökï mïthkun näk në mac ku gamkï keek në yïkkun nïïm, ku duökï kɔckun tɔ loi tïït, ku nɔn ee cäär, ku nɔn ee thuɛ̈th.

Nyöŋ 18:11

Ku nɔn ee läm de yiëth, ku nɔn ee caw, ku nɔn wël ee mɛɛk.

1 Theth 1:9

Kek gup ayek wook nyuöth lɔ cï wo lɔ ë weyiic, ku wël cä wek röt wɛ̈l Nhialic në yiëthkun yiic, bäk ka ke Nhialic yic pïïr aa looi,

2 Pet 2:1

Ku tït aluɛth aake nu ë kɔc yiic ɣɔn, acït man bï kɔc aluɛth ë kɔc wɛ̈ɛ̈t nu ë weyiic, kɔc bï lööŋ ë wëët yalic bɛ̈ɛ̈i ëcuëër, lööŋ bï kɔc riɔ̈ɔ̈k piɔ̈ɔ̈th, arëk abïk Bɛ̈nydït cï ke wɛ̈ɛ̈r bei rɛɛc, agokï röt dap gɔ̈n riääk.

1 Tham 28:11

Na wën ke thiëc tik an, “Eeŋa bä cɔ̈l yïn?” Go lueel an, “Ee Thamwɛl.”

1 Tham 28:16

Go Thamwɛl lueel an, “Eeŋö cɔ̈lë yɛn ke Bɛ̈nydït cï yïn puɔ̈l ku acï aa raan aterdu?

1 Tham 28:7

Ago Thaulo bänyke cɔɔl, an, “Kɔ̈ɔ̈rkï ya tiiŋ tiët, ke bä lɔ luɔp.” “Gokï pɔ̈k nɔm en, an, “Tök atɔ̈u në Endor.”

1 Tham 28:8

Go Thaulo rɔt kɔ̈c, ku tɛ̈ɛ̈u lupɔɔ kɔ̈k ë yekɔ̈u, na wën aa lɔ piny cuɔl ke jël kekë kɔcke kaarou lek tiiŋë thiëëc. Ago lɛ̈k tik an, “Cɔ̈lë yɛn wëi ke raan bä cɔɔl rin.”.