Yith 8:13 - JAM DE NHIALIC 2011

¹³ Yak ŋic nɔn Yan Bɛ̈nydït de rɛm, Yɛn ɣeric, Yɛn abä wek dhil aa riɔ̈ɔ̈c.

Yith 8:13 ပူးပေါင်းရင်းမြစ်များ

Cäk 31:53

Ku Nhialic de Abraɣam kekë Naɣor, ku Nhialic de wunden Yen abï yic aa tïŋ në kaamda.” Ago Jakop kuëëŋ në rin ke Nhialic ye Yithaak wun lɔ̈ŋ, nɔn bï yen ë thönë döt.

Diɛt 76:7

Ku Yïn Nhialic, Yïn ye kɔc riɔ̈ɔ̈c kedhie. Acïn raan duëër kɔ̈ɔ̈c në Yïlɔ̈ɔ̈m të cïï Yïn gɔ̈th.

Bɛ̈n 20:20

Go Mothe puɔ̈k nɔm keek an, “Duökï riɔ̈c. Nhialic abɔ̈ tei bï we bɛ̈n them, ku riɔ̈ɔ̈c riääc wek ë yen acïï we bï tɔ loi kërac.”

Yith 29:23

Të la wek mïth bä gäm week tïŋ, abäk jɔ ŋic nɔn ee Yɛn, Nhialic Ɣeric de Yithriɛl. Wek bï A riëëu guöp ku gäikï në Yɛn.

Yith 5:16

Ku Bɛ̈nydït de rɛm ë dïtde nyuɔɔth në luɔi yen yic looi, ku nyooth Nhialic ɣeric ɣɛɛr ë yicde në piathëpiɔ̈nde.

Edhekiɛl 38:16

Wek bï kɔckiën ke Yithriɛl mak cï amaŋ tem piny kɔ̈u. Të cï köölë bɛ̈n, wek bä ke tooc bäk pinydï lɔ peec, ke bä nyuöth juöör ya ŋa, bä ɣɛɛr de yɛn yic nyuɔɔth në kë bä looi në kueerdun.

Lebai 10:3

Na wën ke Mothe ë yöök Aron an, “Kënë ee kë wään bïï Bɛ̈nydït jam në biäkde, Ago Aron nɔm ciën këdɛn lueel në biäk de thon ë wɛ̈ɛ̈tke.

Lebai 22:32

Duökï rinkiën ɣeric ee läät, Yɛn bïï kɔc ke Yithriɛl dhil ŋic nɔn ɣɛɛr Yɛn yic. Ee Yɛn Bɛ̈nydït raan ë tɔ week ɣeric.

Malakai 2:5

Ku lueel ë Bɛ̈nydït de rɛm an, “Yɛn aa mac löŋdï wokë Lebai. Ku löŋ ë macku aaye löŋ de pïïr, ku mät. Yen löŋ ë gäm keek ka, ke ke bï Ya aa riëëu. Agokï Yɛn bɛ̈n aa riëëu guöp, ku dhuëŋkï rinkï.

Kuɛ̈n 27:14

në baŋ wään cä wek löŋdï dhɔ̈ŋic në jɔ̈ɔ̈r de Dhinic. Të ɣɔn bïï akutnɔm de Yithriɛl dok në yɛn ke ke kɔɔr pïïu në Meriba, wek kën riɛldï bɛ̈n nyuöth kɔc. (Meriba awaŋ ë pïïu nu në Kadec në jɔ̈ɔ̈r ë Dhinic).

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Luk 12:5

Ku we bä nyuöth raan bä wek aa riɔ̈ɔ̈c ë yen: Yak riɔ̈ɔ̈c në raan ë kɔc kɔn nɔ̈k abïk thou, na ëlë, ke de riɛl bï en ke cuat ë giɛna yic, yeka, wek yɔ̈ɔ̈k an, Yak riɔ̈ɔ̈c në yen!

Romai 4:20

Ku kë cï Nhialic kɔn lueel akën piɔ̈u ŋït ë ye në dak de gäm, acï gam ë gäm ril, go Nhialic lɛc nɔm.

Nyöŋ 14:23

Ku jakï lɔ të töŋ cïï Bɛ̈nydït Nhialicdun lɔc bï ë Yen aa lam thïn, në Yelɔ̈ɔ̈m ëtɛ̈ɛ̈n, jakï töŋ de thiëërdun cam, töŋ de thiëër de anyuɔl, ku mɔ̈u, ku miök de olip, ku kɛ̈i de weŋ kekë thök. Luɔikï ee kënë ke we bï riëëu de Bɛ̈nydït Nhialicdun ŋic ë aköölnyïïn ëbɛ̈n.

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”

1 Tham 11:7

Na wën ke nöm miöör kaarou, ku thim keek ë thïïm, ku tooc tuuc jɔt leerkï keek piny ë Yithriɛl ëbɛ̈n ku thɔn keek an, “Raan ëbɛ̈n, raan cïï Thaulo lɔ kuany cök tɔŋ kekë Thamwɛl, miöörkë abï keek thim cït ee miöörkë!” Ago kɔc ke Yithriɛl riɔ̈ɔ̈c në kë bïï Bɛ̈nydït luöi keek. Agokï keyiic määt kedhie abï ciën raan töŋ dɔ̈ŋ.