Yith 66:4 - JAM DE NHIALIC 2011

⁴ Ka yɛn bï riääk yiɛ̈n keek, kë wën ye kek riɔ̈ɔ̈c, në biäk cïn en raan ee ye puk nɔm të cɔ̈ɔ̈t ɛn, ku cïn raan pïŋ të jaam ɛn. Acïk reec reec kek ɛn lɔc ku loikï karɛc.”

Yith 66:4 ပူးပေါင်းရင်းမြစ်များ

2 Mel 21:2

Acï kërac looi në Bɛ̈nydït nɔm, cït karɛc ɣɔn ye juöör ke looi, juöör ɣɔn bïï Bɛ̈nydït cop në kɔc ke Yithriɛl nïïm.

2 Mel 21:6

Ku nɛ̈k wënde ke ye miɔ̈c ye nyop ëbɛ̈n, cɔ̈ɔ̈r en, ku lɛm yiëth ku looi athuɛ̈ɛ̈th, ku ee ka bï tuöl wadäŋ caar. Ë kajuëc rac looi në Bɛ̈nydït nyin, ago Bɛ̈nydït gɔ̈th arëët.

Diɛt 81:12

Aguɔ keek tɔ lɔ në kueerdɛn de dhɔ̈ɔ̈nic, ku loikï këdɛn kɔɔrkï.

Kɛ̈ŋ 1:24

Wek ya cool ë caal ɛn week ku cäkï gam. Wek cïï kë luɛɛl ee piŋ.

Kɛ̈ŋ 10:24

Kë ye raan ee karɛc looi riɔ̈ɔ̈c ee ye cuööp, ku yök raan piɛth piɔ̈u kë ye kɔɔr.

Yith 50:2

“Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Yith 59:15

Acïn yith nu, kɔc cï luɔi de karɛc pɔ̈l ayek yök ke ke ye luöi karɛc.” Bɛ̈nydït acï ee kënë tïŋ, ku acïï piɔ̈u diu në biäk de ciën yic.

Yith 59:7

Wek ee kiɛɛr de riääk looi ë ceŋ, ku acïï ë tiit bä looi, ku ayak dap looi. Wek cie gääu ë näŋ de kɔc cïn gup awɛ̈ɛ̈c. Wek ee dhuur ku riääk nyääŋ të cä wek lɔ thïn ëbɛ̈n,

Yith 65:12

Abï aa thök de pïïrdu bä thon në tɔŋ, në biäk kɛ̈n wek cɔ̈tdï puk nɔm wään caal ɛn week, ku kɛ̈nkï piŋ wään jam ɛn wo week. Acäk lɔc bäk a rɛɛc thok ku luɔikï karɛc.

Yith 65:2

Yɛn aaye rɔt guiir ë ceŋ bä kɔckï loor nïïm, kɔc ril nïïm ee awäc looi, ku loikï kakɛn kɔ̈k.

Yith 65:3

Ayek yɛn tɔ göth ë ceŋ ke ke cïï gup ee riɔ̈ɔ̈c. Ayek yiëth gäm miɔ̈c në duum yaath yiic, ku nyopkï wal ŋïr në yïk ke yiëth nïïm.

Yith 65:7

në biäk de awɛ̈ɛ̈cken, ku awɛ̈ɛ̈c ke kuarken. Acïk wal ŋïr nyop në kur ke yiëth nïïm, ku luelkï karɛc në biäkdï. Ka abä keek luöi këtuc rɔ̈ŋ ke kathɛɛr cïk looi.”

Jeremia 35:17

Ka ënɔɔnë aluɛɛl, Yɛn Bɛ̈nydït, Nhialic de rɛm, Nhialic de Yithriɛl, wek kɔc ke Juda ku Jeruthalem wedhie, wek bä yiɛ̈n riääk wään cä lueel. Yɛn bï ee kënë looi në biäk cä wek kë cä lɛ̈k week ee piŋ, ku wek cïï cɔ̈tdï ee bɛ̈ɛ̈r të caal Ɛn week.”

Jeremia 7:13

Wek cï ee karɛckë looi, cakaa nɔn yan we yɔ̈ɔ̈k ë ceŋ, wek cï jamdï rɛɛc. Wek cie gam të caal Ɛn week.

Jeremia 7:30

“Kɔc ke Juda acïk kërac looi. Acïk yanhdɛn maan tääu në ɣöndiën ë Bɛ̈nydït, ku acïk dhiöök.

Edhekiɛl 11:8

Riäckï në abätɛ̈ɛ̈u? Yɛn bï kɔc ke abätäu bɛ̈ɛ̈i bïk we mak.

Edhekiɛl 14:4

“Ënɔɔnë jam we keek ku lɛ̈kë keek kë cä lueel yɛn Bɛ̈nydït Awärjäŋ, alɛ̈k keek: Raan baai de Yithriɛl ëbɛ̈n, raan cï yepiɔ̈u gäm yiëth, ku tɔ keek wɛt en në rɛ̈ɛ̈cic, ku ee raan bɔ̈ tëde tiët bïï bɛ̈n luɔp, abï bëër ë lop yök tëde yɛn, bëër rɔ̈ŋ kekë yiëth juëcke!

Edhekiɛl 20:25

“Guɔ ke gäm lööŋ cïï piɛth ku lɛ̈k keek ka cïï pïïr ee bɛ̈ɛ̈i.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

1 Tham 8:19

Ku kɔc akënkï jam de Thamwɛl bɛ̈n piŋ, gokï lueel an, “Ei, wok kɔɔr melik bïï wook wat,