Yith 66:24 - JAM DE NHIALIC 2011

²⁴ “Të jël kek, abïk gup ke kɔc cï thou tïŋ, gup ke kɔc cï a rɛɛc. Ku ruöi lɔ ke cam acïï bï thou, ku many bï ke nyop acïï bï kɔn liu. Të tïŋ ë keek në kɔc nyïïn abï aa kërac arëët tëde mɛnh ë raan ëbɛ̈n.”

Yith 66:24 ပူးပေါင်းရင်းမြစ်များ

Diɛt 110:6

Abï löŋ de juöör ke pinynɔm guiir, ku thiëëŋ pinyden në gup ke kɔc cï thou, abï meliik nu ë pinynɔm ëbɛ̈n tiaam.

Yith 1:28

Ku Yen abï raan ëbɛ̈n dhuɔŋ piny, raan lɔ Yen rɛɛc thok ku looi kë rac, abï raan cïï këde ee piŋ ëbɛ̈n nɔ̈k.

Yith 1:31

Cït man ye wal dëp në atiam ë mac, yen acït luɔi bï kɔc ril riɔ̈ɔ̈k në luɔidɛn ë karɛc yek looi, ku acïn raan bï riääkde tɔ kääc.

Yith 14:11

Yïn aaye dhuëëŋ guöp në kɛŋ ku thoom, ku ënɔɔnë yï kï ee tënë paan ë thuɔɔu. Yïn cï tɔ̈c në biöŋ de ruöi nɔm, ku kuömë në lupɔ de käm.”’

Yith 24:20

Piny guöpde abï tuëk ë käŋkäŋ cï raan cï wiɛɛt, ku tɛɛny rɔ cï kät beŋ ë amaŋ. Piny nɔm acïï awɛ̈ɛ̈cke tiaam, abï wïïk ku acïï rɔt bï bɛ jɔt.

Yith 26:11

Acïï ë kɔc ke aterdu ŋic nɔn bï Yïn ke luöi këtuc. Tɔ ke yäär Bɛ̈nydït ku tɔ ke nuan, tɔ ke yök nuan cï kiëët në biäkden. Nyuöth ë keek nhiëër dïït nhiɛɛr Yïn kɔcku.

Yith 34:10

Abï dëp aköl ku wakɔ̈u, ku tol abï bɛ̈n bei thïn aɣet athɛɛr. Piny abï tɔ̈u ke cïn kë loi thïn në run juëc, ku acïn raan bï bɛ keny thïn.

Yith 34:3

Gupken acï ke bï tɔ̈ɔ̈u, abïk dhɔt piny ke ke cï nhiany ku thiäŋkï piny në aŋuäc, ku kur abïk nïïm aa thiir ëbɛ̈n ë riɛm.

Yith 48:22

Aye Bɛ̈nydït lueel an, “Acïn kë bï kɔc de gup awɛ̈ɛ̈c kony.”

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 51:8

abïk riäär cï lupɔ cïï ë col cam! Ku luääk bä bɛ̈ɛ̈i abï tɔ̈u aɣet athɛɛr, ku tiëmdï abï tɔ̈u ë ceŋ.”

Yith 65:15

Kɔckiën cï lɔc abïk rinkun të ye kë ye kɔc cieen. Yɛn Bɛ̈nydït Awärjäŋ yïn bä tɔ thou. Ku gäm kɔckiën ee ya lam rin cï piac cak.

Yith 66:16

Në mac ku abätäu abï kɔc ke piny nɔm ëbɛ̈n luöi këtuc, kɔc bïï ke yök ke ke cï wäc, ku kɔc juëc abïï ke nɔ̈k.

Danyel 12:2

Kɔc juëc cï thou abïk bɛ pïïr, kɔc kɔ̈k abïk piɔ̈ɔ̈th miɛt në pïïr athɛɛric, ku kɔ̈k abïk gum në ayär athɛɛric.

Dhek 14:12

Bɛ̈nydït abï jɔŋ tuc thok yiɛ̈n juöör bï tɔŋ lɛɛr Jeruthalem. Abïk gup ŋuäc ke ke ŋoot ke ke pïïr. Ku nyïïnken kekë liëpken abïk ŋuäc aya.

Math 3:12

amuk kën ee yen rap kɔ̈l ë yeciin, ku abï yiɛɛude nap abï lipëlip, ago agamɔde kuöt ë adhaanic, ku nyop ayiɛl ë many cie lëu në näk.”

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”