Yith 66:22 - JAM DE NHIALIC 2011

²² “Cït man bï piny cï piac cak ku paannhial cï piac cak tɔ̈u në riɛldï, yen abï kuatdu ku rinkun tɔ̈u aya.

Yith 66:22 ပူးပေါင်းရင်းမြစ်များ

Yith 48:19

Ku kuatdun aduëër juëc abï ciët liɛɛt de kiir yɔu, ku cït käudu nyïïn ke rap cïï lëu në kuɛ̈n, ku aduëër keet tiit apiɛth, abïï ciën kë bï ke riɔ̈ɔ̈k.”

Yith 51:16

Yɛn aa thiëth paannhial ku tääu këërkëër de pinynɔm piny, ku lëk Jeruthalem an, ‘Wek ee kɔckï! Wek cä gäm wëëtdï, ku wek cä gël në yaciin.”’

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Yith 56:5

ke rinkun abï keek aa tak Luaŋdït, ku në kɔckï yiic ke kaam dït, awär luɔi duëër yïn nɔm dɛ wäthii ku duet. Kɔc acïkï nïïm duëër kɔn në yïn.”

Yith 59:21

Ku luɔi mät wo week: wek cä gäm riɛldï ku wëëtdï, ke bï ya këdun aɣet athɛɛr, ku gɔl ënɔɔnë ɣeet wadäŋ, wek bï ya riëëu, ku wɛ̈ɛ̈tkï mïthkun ku kuatdun bïk ɛn aa riëëu aköölnyïïn bï ëbɛ̈n.”

Yith 61:8

Aye Bɛ̈nydït lueel an, “Yɛn nhiaar yic ku maan yaaŋ ku luɔi de karɛc. Yɛn bï kɔckï thieei në piɔ̈n piɛth ku luɔi män bï tɔ̈u athɛɛr wo keek.

Yith 61:9

Abïk dɛk kɛk në juööriic ëbɛ̈n, raan ëbɛ̈n raan lɔ keek tïŋ abïï ŋic nɔn ye kek kɔc cä keek thieei.”

Yith 65:17

Aye Bɛ̈nydït lueel an, “Yɛn loi piny cï piac cak ku paannhial cï piac cak. Kathɛɛr wään cï röt looi abïk määr në kɔc nïïm taitai.

Yith 65:22

Acïkï bï yïk ku lɔ kɔc kɔ̈k rɛ̈ɛ̈r thïn, ku acïkï bï com ku lɔ kɔc kɔ̈k ke cam. Kɔckï abïk aa pïïr abïk dhiɔp cï tiim. Abïk kuɛth de kakɛn cïk looi cam në miɛtëpiɔ̈u.

Yith 65:23

Kë bïk aa looi abï ya tiam ku mïthken acïn kërɛɛc bï keek aa yök. Abä ke thieei ku thiɛɛi kuatden ayï akööl bï bɛ̈n kedhie.

Jeremia 33:20

“Yɛn cï löŋ mac wokë aköl ku wakɔ̈u, agokï aa bɛ̈n në kaamdɛn cï kiëët yic, ku yen ee löŋ cï macë acïï duëërë dhoŋ kɔ̈u taitai.

Jeremia 33:21

Ku yen acït luöi cän löŋ mac wo awundï Debid, nɔn bï yen nɔm aa dɛ kuatdɛn töŋ bï aa melik ë ceŋ, ku Yɛn cï löŋ mac wökë bäny ke kakë Nhialic de dhiën ë Lebi, nɔn bï kek Yɛn aa luööi ë ceŋ, ku kek ee lööŋ cï macë acïï ke duëërë dhoŋ kɔ̈ɔ̈th.

Dhep 3:20

Kööl abɔ̈! Yɛn bï kɔckuön cï thiäi piny bɛ̈ɛ̈i wut, wek bä tɔ ŋic ë pinynɔm ëbɛ̈n, ku bɛ nyɔk në luɔi ta Yɛn we kueth. Ee Bɛ̈nydït Yen aa jam.

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

2 Pet 3:13

Ku wook, acït man cï en e kɔn lɛ̈k wook, wok tit tënhial bï piac cak, ku piny bï piac cak aya, piny rëërë piathëpiɔ̈u thïn.

Nyuuth 21:1

Na wën, ke ya tïŋ paannhial cï piac cak ku piny cï piac cak, luɔi cï paannhial tueŋ jäl ayï piny tueŋ: ku acïn wɛ̈ɛ̈r be nu.