Yith 66:2 - JAM DE NHIALIC 2011

² Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Yith 66:2 ပူးပေါင်းရင်းမြစ်များ

1 Mel 21:29

“Kënë tïŋ luɔi cï Aɣap rɔt kuɔɔr piny në Yanɔm? Nɔn cï yen ee kënë looi Yɛn cïï riääk bï bɛ yiɛ̈n en në akööl ke pïïrde yic, Yɛn bï riääk bɛ̈ɛ̈i baai de Aɣap në akööl ke wɛ̈ɛ̈tke yiic.

2 Mel 22:10

Ku ëtɛ̈ɛ̈n, acïï Capan lɛ̈k melik an, “Ɣilikia bɛ̈ny de kake Nhialic ë ya gäm awerek de löŋ.” Go Capan awerek de löŋ kueen në melik nɔm.

2 Mel 22:11

Na wën aa lɔ melik jamde awerek de löŋ piŋ, go lupɔɔ ke rɛtiic në jiɛthëpiɔ̈u.

Edhr 10:3

Wok bï löŋ mac piny në Nhialic nɔm, yïn wekë kɔc ee riɔ̈ɔ̈c në löŋ ë Nhialic, bäk lɛ̈k wook kueer bï wok ë diäärkë pɔ̈l në mïthken ku buk luui në kë cïï löŋ de Nhialic lueel.

Edhr 9:4

Wën ŋuɔɔt ɛn ke ya tɔ̈u piny në dhiënëpiɔ̈uwic, go kɔc kɔ̈k kenïïm kut në yalɔ̈ɔ̈m, kɔc cï riɔ̈ɔ̈c në kë cïï Nhialic lueel në biäk de ciën adön de kɔc ë bɔ̈ ciëën në pɛ̈cic, ku rɛ̈ɛ̈r ke ya thuc aɣet cï thaar de gɛm de miɔ̈c athɛ̈i.

Diɛt 119:120

Yɛn ee riɔ̈ɔ̈c në biäkdu, yɛn cï yic thiäŋ wokë riɔ̈ɔ̈c, në biäk de guiëër ë löŋdu.

Diɛt 119:161

Kɔc ril ëtör ayek yɛn mak baaŋ, ku yɛn riëëu löŋdu.

Diɛt 138:6

Na cakaa nɔn tɔ̈u Yïn nhial të mec, yïn ee kɔc tɔ̈u piny kony, ku kɔc ee röt lɛɛc acïkï duëër thiaan ë yïn.

Diɛt 34:18

Bɛ̈nydït ee tɔ̈u tëthiɔ̈k kekë kɔc cï piɔ̈ɔ̈th dhuɔɔŋ, ee kɔc cï ciɛ̈n aŋäth kony.

Diɛt 51:17

Nhialic miɔ̈cdï ee kuur cän rɔt kuɔɔr piny, Yïn cïï raan cï rɔt kuɔɔr piny ku gɛm karɛcke ee rɛɛc.

Diɛt 51:19

Ëtɛ̈ɛ̈n Yïn bï piɔ̈u jɔ miɛt në miɔ̈c de piathëpiɔ̈u kekë miɔ̈c ye nyop ëbɛ̈n, ku miöör abï ke nɔ̈k në yïïŋdu nɔm.

Kɛ̈ŋ 28:14

Thieithieei në raan ee diɛɛr anande në luɔi de kërac, ku riɛl ë nɔm aye riääk kɔc lɔ̈ny.

Kɛ̈ŋ 29:23

Na ye rɔt tɔ dït ke yïn bï kuɔɔr piny, ku na kuɔɔrë rɔt piny ke yïn bï riëëu yök.

Yith 40:26

Tïŋ tënhial! Eeŋa cak kuɛl ye tïŋ? Raan ee keek wët bei cït rem de tɔŋ, aŋic yek dï ëtɛ̈ɛ̈n ku aye ke cɔɔl ëtök, tök në rin! Riɛlde adït arëët, acïn töŋ liu në ke yiic!

Yith 41:20

Kɔc abïk ee kënë tïŋ ku abïk ŋic nɔn ee Yɛn Bɛ̈nydït Yɛn aa loi yen. Abïk jɔ yökic, nɔn yen Nhialic Ɣeric de Yithriɛl, yen aa tɔ ye loi rɔt.”

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Yith 66:5

Piɛŋkï kë lueel ë Bɛ̈nydït, wek kɔc ee riɔ̈ɔ̈c në yen ku yak riëëu: “Në biäk ya wek piɔ̈ɔ̈th adöt në yɛn, kɔc kɔ̈k në kɔckun yiic amankï week, ku acïn këden yic thïn në week. Ayek we dɔl gup, ku luelkï an, ‘Tɔ Bɛ̈nydït nyooth dïtde ku kony week, agoku week tïŋ ke we mit piɔ̈ɔ̈th.’ Ku keek gupken abïk gup yäär.

Ɣodh 11:10

Abïk Bɛ̈nydït kuany cök, cït man ye köör mïthke cɔɔl në kiɛɛu. Të le yen cööt, mïthke abïk aa bɛ̈n në riëëu të lɔ aköl athɛ̈i.

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Ɣabakuk 3:16

Yɛn ëbɛ̈n lath yäc wën piɛŋ ɛn ee kënë ëbɛ̈n, yɛn cï bɛ̈n lath röl në riɔ̈ɔ̈c. Guɔ guöp lɔ bath, ku lɛthë yacök të wën kääc ɛn. Yɛn bï tïït ë lik në bɛ̈n bïï ë kööl bïï ë Nhialic kɔc ee wook mak bɛ̈n luöi këtuc.

Math 12:6

Ku wek yɔ̈ɔ̈k an, Raan kï eenë, raan wär Luaŋdït ë dït?

Luɔi 7:50

Cie ciindï yen ë cuëc ee kakë kedhie?’

Luɔi 9:6

Go lath, guöp ku pɛ̈u piɔ̈u, go thiëëc an, “Bɛ̈nydït, eeŋö kɔɔr kë bä looi?” Go Bɛ̈nydït lueel an, “Jɔt rɔt, lɔ pänydït, yïn bï lɛ̈k kë bä looi.”

Pilipoi 2:12

Yen ka, wek kɔckiën nhiaar, acït man aa wek jam piŋ ë caŋɣɔn, ku acie të nuö yɛn etök, yak kunyduön ë wëi looi, kunydun guöp, luɔikï abäk thöl në riɔ̈ɔ̈c ku lɛ̈thëguöp, ku bäk cök ë luɔɔi wek en arëët ënɔɔnë të liɛɛu ɛn,

Kolothai 1:17

Ku yen anu ë käŋ nïïm tueŋ kedhie, ku tɔ̈u käŋ kedhie në yen.