Yith 66:19 - JAM DE NHIALIC 2011

¹⁹ ku abïk ŋic nɔn ee Yɛn ee kɔc luöi këtuc. “Ku yɛn bï kɔ̈k pɔ̈l në keyiic ku tuɔɔc keek në juöör yiic ëbɛ̈n, ë piiny mec yiic, kɔc kën kɛkdï kɔn piŋ, ku kënkï dïtdï ku riɛldï tïŋ: të lɔ Tarcic, ku Put, ku Ludia, kekë kɔckɛn ŋic muny de dhaŋ, ku lee Tubal ku Girikii. Në ye juöörkë yiic abïk dïtdï lɔ luɛɛl.

Yith 66:19 ပူးပေါင်းရင်းမြစ်များ

Cäk 10:13

Käu de Rip ee yï Ludia kekë Anamim, ku Laɣaibim, ku Naptuɣim,

Cäk 10:2

Ku mïth ke Japeth ee yï Gɔmer kekë Magɔk, ku Madai, ku Yaban, ku Tubal, ku Micek, ku Tirath.

Cäk 10:22

Mïth ke Cem ee yï Elam kekë Acuur ku Arapakad, ku Lud, ku Aram.

Cäk 10:4

Ku käu de Yaban ee kek aye kɔc ke Eliica, ku Tarcic, ku Kitim ku Dodanim.

Cäk 9:27

Nhialic abï Japeth tɔ kɛɛr. Ku wɛ̈ɛ̈tke abïk dɛ rëër piɛth në baai de Cem. Ku Kanaan abï ya lïm de Japeth.”

1 Lëk 1:11

Käu de Rip ayek kɔc ke Ludia, ku Anamim, ku Laɣaibim, ku Naptuɣim.

1 Lëk 1:7

Ku käu de Jaban ee kɔc ke Eliica, ku Tarcic, ku Kitim, ku Rodanim.

1 Lëk 16:24

Luɛlkï dhuëëŋde në juöör yiic ëbɛ̈n, ku lɛ̈kkï kɔc göök cï looi kedhie.

Diɛt 72:10

Meliik ke Tarcic kekë meliik ke tuöör, abïk miɔɔc në miɔ̈c, meliik ke Ceba kekë Theba, abïk yen yiɛ̈n miɔ̈c.

Yith 11:12

Bɛ̈nydït abï beer jat nhial, ke bï ë juöör ŋic nɔn mɛ̈ɛ̈t En kɔckɛn ke Yithriɛl ku kɔckɛn ke Juda yiic, kɔc cï thiäi. Ku bïï ke ciëën në aguuk ke piny yiic kaŋuan.

Yith 18:3

Piŋ yïn raan ëbɛ̈n ceŋ piny nɔm! Woi yɛn gut beerdï piny ë kur nïïm! Të kuɔɔth ɛn kaaŋ ke piŋ!

Yith 18:7

Kööl abɔ̈, kööl bïï Bɛ̈nydït de rɛm miɔ̈c de dɔm tëde kɔc ke piny cï tekic në kiɛɛr, jur ril aläl, kɔc bär ku tɛ̈ckï gup, kɔc ye kɔc riɔ̈ɔ̈c në keek ë piny nɔm. Abïk bɛ̈n ë kuur ë Dhiɔn nɔm, të ye Bɛ̈nydït de rɛm lam thïn.

Yith 2:16

Ayï abëël wïïr dït läk ke Tarcic abï ke mou.

Yith 29:24

Kɔc piɔl piɔ̈ɔ̈th abïk wëët në yöŋ de käŋ yiic, ku kɔc ee dok ananden abïk piɔ̈ɔ̈th miɛt në luɔi bï ë keek wɛ̈ɛ̈t.”

Yith 42:12

Takkï kɔc rɛ̈ɛ̈r në piiny mec gëm lɛc ku dhuëëŋ Bɛ̈nydït!

Yith 42:4

Acïï piɔ̈u bï bäp në aŋäth ku cïï bäp ë riëtëpiɔ̈u, abï yic looi ë pinynɔm. Piiny mec atitkï wëëtde aläl.”

Yith 43:6

Yɛn kɔc ke biäk të lɔ rut yɔ̈ɔ̈k bïk ke tɔ jël, ku kɔc ke wöuwic cïkï keek bï pëën, takkï kɔckï puk röt në piiny mec yiic piiny mec nu ë piny nɔm.

Yith 49:1

Piɛŋkï kë luɛɛl, wek juöör mec, wek kɔc rɛ̈ɛ̈r të mec! Wään kën ë ya dhiëëth, Bɛ̈nydït acï ya lɔc ku kuɛny yɛn ke ya ye awunde.

Yith 49:12

Kɔckï abïk bɛ̈n të mec, në biäk të lɔ rut, ku të lɔ aköl athɛ̈i, ku në Athwan në biäk de wöuwic.”

Yith 49:22

Acïï Bɛ̈nydït Awärjäŋ lɛ̈k kɔcke: “Yɛn bï kïït nyuöth juöör, ku abïk mïthkun pɔ̈k nïïm baai.

Yith 51:5

Yɛn bï dap bɛ̈n bä ke kony, kööl de tiëmdï acï thiɔ̈k. Yɛn guöpdï Yɛn bï juöör cieŋ. Piiny mec atitkï yɛn bä bɛ̈n, atitkï yɛn në aŋäth bän keek bɛ̈n luök.

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Yith 52:15

Ku ënɔɔnë juöör juëc acïk gäi në yen, ku meliik abïk ciën kë bekï lueel në kë de gäi. Abïk aa tïŋ ku yökkï yic yen kë ɣɔn kënkï kɔn ŋic.”

Yith 55:5

Ënɔɔnë yïn bï juöör ke pinynɔm cɔɔl, aa e kööl ë kuc kek yïn, ku ënɔɔnë abïk aa bɛ̈n ke ke kɔt bïk röt bɛ̈n mät yïn! Yɛn Bɛ̈nydït Nhialicdun, Nhialic Ɣeric de Yithriɛl, yɛn bï ee kënë tɔ loi rɔt ëbɛ̈n, yïn bä gäm dhuëëŋ ku riëëu.”

Yith 60:9

Kek abëël wïïr ke Tarcic bɔ̈ piny mec abïïkï kɔc ke Nhialic baai. Abïïkï atek ku adhɛ̈p në keek ëtök bïï kek Bɛ̈nydït bɛ̈n dhuëëŋ guöp. Nhialic Ɣeric de Yithriɛl, Raan cï juöör ëbɛ̈n tɔ dhuëŋ kɔcke gup.

Yith 62:10

Kɔc ke Jeruthalem, lakkï biic në pänydït yic Ku luɔikï kueer de kɔckuön dök ciëën! Guiɛɛrkï kueer dït yic, nyaaikï kur thïn! Tääukï beer nhial ke bï ë juöör ŋic.

Yith 65:1

Go Bɛ̈nydït lueel an, “Yɛn aa cï rɔt guiir bä lɔ̈ŋ de kɔckï puk nɔm, ku akënkï lɔ̈ŋ. Yɛn aa cï rɔt guiir në biäk bïk a yök, ku akënkï cak bɛ̈n them. Jur akën a lɔ̈ŋ, cakaa nɔn ee Yɛn tɔ̈u ke ya cï rɔt guiir bä këden puk nɔm an, “Yakï, wek bä kony.

Jeremia 46:9

Yɔ̈ɔ̈kë jöŋgöör bïk lɔ thïn, ku abëël ke tɔŋ bïk röt laar tɔŋ! Tuɔɔcë rem ë tɔŋ biic: Kɔc ke Ethiopia ku Libya, aɣɛ̈ɛ̈ckï kööt, ku kɔc ke Ludia amukkï dhɛ̈ŋ.’”

Edhekiɛl 27:10

“Remduön ë tɔŋ ë bɔ̈ në Perthia, ku Ludia, ku Libiya ayek lui ë remduön ë tɔŋ yic. Ayek köötken ku akuupkɛn ke tɔŋ nöök në kɛ̈lkun kɔ̈ɔ̈th. Ee kek ee röör ë tɔ yïn yök dhuëëŋ.

Edhekiɛl 27:13

Yïn cï käŋ ɣaac në Girikii, ku Tubal, ku Mecek ku ɣaacë kaku në lïïm ku kak ë loi keek në maläŋ.

Edhekiɛl 30:5

“Yen ee tɔŋë aya abï rem de tɔŋ ë riɔp në Ethiopia, ku Libiya, ku Ludia, ku Arabia, ku Kub nɔ̈k, ayï kɔckï yiic.”

Edhekiɛl 32:26

“Mecek ku Tubal atɔ̈ukï ëtɛ̈ɛ̈n, në rɛ̈ŋ ke remdɛn ë tɔŋ ëbɛ̈n ë yelɔ̈ɔ̈m. Akënë keek cueel kedhie, aake näk keek ë tɔŋic kedhie. Ku aake cï kɔc pïïr kɔn aa riääc.

Edhekiɛl 39:1

Acïï Bɛ̈nydït Awärjäŋ lueel an, “Mɛnh ë raan, rɛɛcë Gok, bɛ̈ny tueŋ cieŋ juöör ke Mecek ku Tubal, ku lɛ̈kë yen nɔn yɛn raan de aterde.

Edhekiɛl 39:6

Yɛn bï piny de Magɔk ɣaak, ku në Abäpdit yɔu të wën ee kɔc rëër ke cïn ke nuan keek, ku abïï raan ëbɛ̈n jɔ ŋic nɔn ee Yɛn Bɛ̈nydït.

Danyel 11:18

Në ee kakë cök abï juöör mak në kueer wïïr ku abï kajuëc nööm ë keyiic. Ku abïï bɛ̈ny alei yen tiaam, ku jɔ lɛcde tɔ kääc, ku ëtɛ̈ɛ̈n abï lɛc de melik de Thiriya pɔ̈k rɔt.

Dhep 2:11

Abïï Bɛ̈nydït ke riääc, të le Yen yiëth ke pinynɔm riɔ̈ɔ̈k kedhie. Ku juöör ëbɛ̈n abïk En jɔ aa lam, ŋɛk tëde.

Dhep 3:10

Ayï kɔckiën cï thiäi piny, kɔc cieŋ wɛ̈ɛ̈r ë Ethiopia yɔu abïk A bɛ̈n gäm miɔ̈cden.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Mak 16:15

Go ke yɔ̈ɔ̈k an, “Lakï ë piny nɔm ëbɛ̈n, bäk wëlpiɛth aa lɔ guiëër kɔc cï cak ëbɛ̈n.

Luk 2:34

Go Thimion ke thieei, ku jɔ Meri man yɔ̈ɔ̈k an, “Tïŋ mɛnhë acï bɛ̈ɛ̈i bï kɔc juëc nu Yithriɛl tɔ wiëëk ku be ke tɔ jɔt röt, ku abï aa gök bï kɔc tïŋ agokï tɔŋ lueel në yen,

Romai 15:21

Ku acït man cï e gɔ̈ɔ̈r an, “Kɔc kënë lɛ̈k ë këde, kek abï tïŋ, Ku kɔc kën kɔn piŋ, kek abï jam yökic.”

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,