Yith 66:14 - JAM DE NHIALIC 2011

¹⁴ Të lee yïn kënë tïŋ ke loi rɔt, yïn bï piɔ̈u miɛt, abï yïn tɔ ril ku tɔ yïn piɔl guöp. Ku ëtɛ̈ɛ̈n, abä jɔ ŋic nɔn ee yan Bɛ̈nydït, Yɛn ee kɔc ee ya riëëu kony ku nyuöth agönhdï kɔc ke aterdï.”

Yith 66:14 ပူးပေါင်းရင်းမြစ်များ

Edhr 7:9

Ɣɔn gɔl en jäl në Babilon aaye kööl ye pɛɛi tueŋ thok tök ku jɔ ɣëët Jeruthalem në kööl tueŋ de pɛɛi ë dhïc, ku tɔ̈u athiɛɛi de Bɛ̈nydït ke yen,

Edhr 8:18

Në biäk ë tɔ̈u athiɛɛi de Nhialic ke wook, acïk wook bɛ̈n tuöc raan ee nɔm tiëër cɔl Cerebia, ku yen ee raan ë Lebai dhiën ë Maɣali de mïth ke Yithriɛl ke mïthke ku wɛ̈ɛ̈takɛ̈cken, keek kedhie ayek thiëër ku bɛ̈t,

Edhr 8:22

Yɛn aaye guöp riɔ̈ɔ̈c në luɔi bän Melik thiëëc në rem de tɔŋ ku kɔc ke jöŋgöör bï wok tiit kueer në cäthda yic në biäk de kɔc ke ater duëër wook gëk, aa cuk lëk Melik an, Nhialic atɔ̈u ke kɔc ee Ye kɔɔr, ku agönhde ee tɔ̈u kekë kɔc cïï Yen ee piŋ thok.

Edhr 8:31

Na ɣɔn ke wo lööny kueer në kööl ye pɛɛi tueŋ thok thiëër ku rou në kiir de Aɣaba nɔm ke wo lɔ Jeruthalem. Ku Nhialic aa tɔ̈u ke wook, ku gël wook në kɔc ke ater ee kɔc kaaŋ ku kɔc ee buuth ë kuɛɛriic.

Diɛt 107:42

Aye kɔc lɔ piɔ̈ɔ̈th wai tïŋ agokï piɔ̈ɔ̈th miɛt, ku kɔc ke rɛ̈ɛ̈c ëbɛ̈n abïï ke miɛɛm thook.

Kɛ̈ŋ 17:22

Miɛt ë piɔ̈u ee pial ë guöp bɛ̈ɛ̈i, ku jiɛthëpiɔ̈u ee riɛl nyaai ë raan guöp.

Kɛ̈ŋ 3:8

Të looi yïn en aya, aduëër ciët wɛ̈ɛ̈l piɛth cï tääu ë tëtöökku yiic, ku tɔ ke dem, go arɛɛmdu ŋuɛ̈ɛ̈n.

Yith 10:5

Go Bɛ̈nydït lueel an, “Athiriya! Yɛn cï Athiriya tɔ ee thieny bän kɔc göth ë yɛn luöi këtuc.

Yith 13:5

Aake bɔ̈ tëmec ë wuöt ke piny thar yiic. Bɛ̈nydït abï pinynɔm riɔ̈ɔ̈k ëbɛ̈n në agönhde.

Yith 26:19

Kɔckuɔn cï thou abïk bɛ pïïr! Gupken abïk röt dɔ̈k ë pïïr yic. Kɔc nin në rɛ̈ŋken yiic ëbɛ̈n abïk pääc ku kïtkï ë miɛtëpiɔ̈u. Cït man ye thɛ̈ny thiin lɔ bilbil piny tɔ dëk, yen abï Bɛ̈nydït kɔc cï thou thɛɛr bɛ tɔ pïïr.

Yith 26:20

Kɔckï, lakkï në ɣöötkun yiic, ku thiäkkï ɣöötkun në we kɔ̈ɔ̈th. Thiankï röt në kaam thiin akäŋ aɣet të le agönh ë Nhialic thök.

Yith 30:27

Riɛl ku dhuëëŋ de Bɛ̈nydït aduëër ë tïŋ tëmec. Tol kekë mac anyoothkï agönhde. Bɛ̈nydït ee jam ku dɛ̈p wëlke cï mac.

Yith 33:20

Tiëŋkï Dhiɔn, pänydïït ye wok dhuëëŋ de Nhialic looi thïn. Tiëŋkï Jeruthalem! Abï aa tëde mät lɔ yic läŋ, bïï ë kɔc rɛ̈ɛ̈r thïn! Abï ciët paany cie bɛ wuuk tëde, ku cïï lɔ̈cke ee bɛ dhöth ananden ku cïï wïïnke ee tuɛny ananden.

Yith 34:2

Bɛ̈nydït agöth kekë juöör kedhie, ku rɛmkɛn ke tɔŋ ëbɛ̈n. Acï ke tɔ ye kɔc bïï nɔ̈k.

Yith 35:2

Jɔ̈ɔ̈r abï ket ku moc kiɛɛu de miɛtëpiɔ̈u. Abï läk cï läk de kuur ke Lebanɔn ku abïk ŋiëc luɔk cï luɔk de duum ë Karmel ku Caron. Raan ëbɛ̈n abï diɛk de Bɛ̈nydït tïŋ ku tïŋ riɛlde ku dïtde.

Yith 41:20

Kɔc abïk ee kënë tïŋ ku abïk ŋic nɔn ee Yɛn Bɛ̈nydït Yɛn aa loi yen. Abïk jɔ yökic, nɔn yen Nhialic Ɣeric de Yithriɛl, yen aa tɔ ye loi rɔt.”

Yith 42:13

Bɛ̈nydït ee lɔ biic ke lɔ piɔ̈t cït rem ë tɔŋ, acï rɔt guiir ke de piɔ̈u tɔŋ. Ee dhiën ë tɔŋ gam ku looi awuɔɔu de tɔŋ, ee riɛlde nyuöth kɔc ke aterde.

Yith 58:11

Ku wek bä aa caath ë ceŋ ku ta we kueth në kapiɛth. Wek bä muk aril ku apiɛth. Wek bï ciët dom de yic pïïu juëc, ku ciëtkï nyin de pïïu cie dëu.

Yith 59:18

Abï kɔc ke aterde luöi këtuc rɔ̈ŋ ke awɛ̈ɛ̈c cïk looi, aɣet cï kɔc rɛ̈ɛ̈r në piiny mec yiic.

Yith 66:5

Piɛŋkï kë lueel ë Bɛ̈nydït, wek kɔc ee riɔ̈ɔ̈c në yen ku yak riëëu: “Në biäk ya wek piɔ̈ɔ̈th adöt në yɛn, kɔc kɔ̈k në kɔckun yiic amankï week, ku acïn këden yic thïn në week. Ayek we dɔl gup, ku luelkï an, ‘Tɔ Bɛ̈nydït nyooth dïtde ku kony week, agoku week tïŋ ke we mit piɔ̈ɔ̈th.’ Ku keek gupken abïk gup yäär.

Dhek 10:7

Kɔc ke Eparaim abïk riɛl cït rem de tɔŋ, ku abïk piɔ̈ɔ̈th miɛt cït kɔc ë dek mɔ̈u. Kuatden abïk ee kënë tïŋ ku mitkï piɔ̈ɔ̈th, ku leckï Bɛ̈nydït në kepiɔ̈ɔ̈th në biäk de kë cï looi.

Malakai 3:18

Ku ëtɛ̈ɛ̈n, wek bï kë loi rɔt jɔ ŋic në kaam de raan ɣer piɔ̈u kekë raan ee karɛc looi, ku kaam de raan ee Nhialic luööi kekë raan cïï Nhialic ee luööi.

Jɔn 16:22

Ku week aya, we de dhiën ë wepiɔ̈ɔ̈th ënɔɔnë: ku we bä bɛ tïŋ, aguɔkï piɔ̈ɔ̈th miɛt, ku miɛt ë wepiɔ̈ɔ̈th acïn raan bï e nyaai tëde week.

Ɣeberuu 10:27

Kë cï döŋ bïk tiit ee riɔ̈ɔ̈c bï bɛ̈n ë kööl ë guiëër ë löŋ ku tuöc ë manydïït bï kɔc ee teer ë Nhialic nyop!