Yith 66:10 - JAM DE NHIALIC 2011

¹⁰ Miɛtkï piɔ̈ɔ̈th në Jeruthalem, lak piɔ̈ɔ̈th yum në yen, wek kɔc nhiaar ee pänydïïtë wedhie! Miɛtkï piɔ̈ɔ̈th në yen ënɔɔnë, wek kɔc wään cï ye dhiëëu wedhie!

Yith 66:10 ပူးပေါင်းရင်းမြစ်များ

Diɛt 122:6

Läŋkï në biäk de män ë Jeruthalem an: “Kɔc nhiaar yïn abïk kuɛth.

Diɛt 137:6

Tɔ liemdï nuɛt ë yathok, na cä yïn tak, na kën Jeruthalem tɔ dït awär miɛtëpiɔ̈ndï!

Diɛt 26:8

Yɛn nhiaar rëër ë Luaŋdïtic, të ye dhuëëŋdu tɔ̈u thïn.

Yith 25:9

Të le yen rɔt looi, abï raan ëbɛ̈n aa lueel an, “Yen ee Nhialicda! Wo cï aŋäthda tääu ë Yeguöp, ku ë wo luök. Yen ee Bɛ̈nydït! Wok cï aŋäthda tääu në Ye guöp, ku ënɔɔnë wok mit piɔ̈ɔ̈th ku yok dɔl në luɔi cï Yen wo kony.”

Yith 35:2

Jɔ̈ɔ̈r abï ket ku moc kiɛɛu de miɛtëpiɔ̈u. Abï läk cï läk de kuur ke Lebanɔn ku abïk ŋiëc luɔk cï luɔk de duum ë Karmel ku Caron. Raan ëbɛ̈n abï diɛk de Bɛ̈nydït tïŋ ku tïŋ riɛlde ku dïtde.

Yith 44:23

Moc kiɛɛu de miɛtëpiɔ̈u, yïn paannhial! Moc kiɛɛu, wek ɣään thuth ke piny! Mockï kiɛɛu në miɛtëpiɔ̈u, wek kur, ku tim ëbɛ̈n tɔ̈u roor! Bɛ̈nydït acï dhuëëŋde nyuɔɔth, në biäk cïï Yen kɔckɛn ke Yithriɛl kony.

Yith 51:3

“Yɛn bï Jeruthalem nyuöth kokëpiɔ̈u, nyuöth raan ëbɛ̈n raan rɛ̈ɛ̈r në ye ɣööt cï riääk yiic. Na cakaa nɔn ye pinyde jɔ̈ɔ̈r, abä tɔ ee dom, abï ciët dom cä com ë Eden. Dhuëëŋ ku miɛtëpiɔ̈u abïk tɔ̈u ëtɛ̈ɛ̈n, ku diɛt ke thieithieei ku lɛ̈c leecë Yɛn.

Yith 65:18

Jakï piɔ̈ɔ̈th miɛt, ku lak piɔ̈ɔ̈th yum aɣet athɛɛr në ka cä keek cak. Jeruthalem cä piac cak, abï yic thiäŋ ke miɛtëpiɔ̈u, ku kɔcke abïk piɔ̈ɔ̈th miɛt.

Yith 9:3

Yïn cï jur ŋuak nyin Bɛ̈nydït, ku acï ke tɔ mit piɔ̈ɔ̈th, në kë cïk looi cït man ye kɔc piɔ̈ɔ̈th miɛt në kööl ë tëm ë rap, ku nɔn ee kööl tek ë ka cï peec.

Edhekiɛl 9:4

“Lɔ caathë pänydït ë Jeruthalem yic ëbɛ̈n, ku ye raan cï yök ke nuan, ku jiɛth piɔ̈u në biäk de karɛc ku kanhiany ye kɔc keek looi ë pänydïtic, ye jak nɔm në kït.”

Nyöŋ 32:43

“Wek juöör jakï kɔcke leec, në baŋ yen riɛm de kɔcke guöör Ku lui kɔc ë näk keek këtuc, ku pɛ̈l awɛ̈ɛ̈c ke kɔcke.”