Yith 66:1 - JAM DE NHIALIC 2011

¹ Aye Bɛ̈nydït lueel an, “Të nhial yen ee thööcdï ku piny nɔm yen ee të Yɛn a cök dhɔ̈ɔ̈r. Ee ɣön yïndï, duɛ̈ɛ̈rkï yiɛ̈k ɛn, ku ye të yïndï duɛ̈ɛ̈r ɛn rëër thïn?

Yith 66:1 ပူးပေါင်းရင်းမြစ်များ

1 Mel 8:27

“Ku bï Nhialic rëër ë pinynɔm ë yic? Paannhial ku të nhial, acïï Yï duëër lëu ë muk, ku Luaŋdïït cä yïk duëër Yï muk adï? Cïï koor aläl?

1 Lëk 28:2

Go Debid rɔt jɔt ë kenïïm ku jiëëm keek an, “Piɛŋkï kë luɛɛl, wek mïthëkɔckuɔ ku kɔc ke paanda. Yɛn de piɔ̈u luɔi duɛ̈ɛ̈r ɛn ɣön duëërë Athänduŋ de män de Bɛ̈nydït lɔ̈ŋ thïn yïk, të bïï Bɛ̈nydït Nhialicda yecök aa kan. Yɛn cï kake yïŋ de Luaŋdït dhuɛ̈ɛ̈ŋ ɛn ye guöp kiëët ëbɛ̈n.

2 Lëk 2:5

Acä tak bä Luaŋdït yïk ke dït, në luɔi dïït ë Nhialicda awär yiëth kɔ̈k.

2 Lëk 6:18

“Ee yic Bɛ̈nydït duëërë rëër ë tök wekë röör ku diäär ë piny nɔm? Ei, acakaa paannhial acï yic lääu arëët arëk abï Yïn lɛɛr, ka Luaŋdït cä yïkë, duëër Yïn jɔ lɛɛr adï?

Diɛt 11:4

Bɛ̈nydït anu luaŋdɛn ɣeric, thöny de Bɛ̈nydït anu paannhial. Ku nyïïnke adɛɛikï, ku ayek mïth ke kɔc them, ku aŋickï kë loikï.

Diɛt 132:7

Goku lueel an, “lokku ɣön de Bɛ̈nydït, lok lɛmku në thööcde nɔm.”

Diɛt 99:9

Pianykï Bɛ̈nydït Nhialinyda, ku yak lam në kuurdɛn ɣeric nɔm! Bɛ̈nydït Nhialinyda aɣeric.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 60:13

“Tim de pain, ku tim de juniper, ku tim de ameth, ku tiim piɛth ke roor de Lebanɔn, abïï ke bɛ̈ɛ̈i bïï ë yïn bɛ̈n yïk, Jeruthalem. Ago tëdiën ɣeric tɔ läk, Ago pänydiëndït dɛk dhuëëŋ

Jeremia 23:24

Acïn raan duëër thiaan të cän ye duëër tïŋ. Cäkkï ŋic nɔn nuö Yɛn ë piny nɔm ëbɛ̈n paan nhial ku piny?

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Math 12:6

Ku wek yɔ̈ɔ̈k an, Raan kï eenë, raan wär Luaŋdït ë dït?

Math 24:2

Go Yecu ke yɔ̈ɔ̈k an, “Cäkï kakë woi kedhie? Wek yɔ̈ɔ̈k ëyic an, acïn kuur töŋ bï döŋ ë kuur däŋ nɔm ee tënë, kuur cï bïï dɛɛny piny.”

Luɔi 17:24

Nhialic, Raan ë cak piny ku ka nu ë yenɔm kedhie, luɔi ee yen Bɛ̈nydïït de paannhial ku piny, acie rëër ë luëk yiic, luëk cï yïk ë kɔc cin.