Yith 65:4 - JAM DE NHIALIC 2011

⁴ Wakɔ̈u ayek lɔ në kɔ̈k ku rɛ̈ŋ yiic, bïk lɔ jam në wëi ke kɔc cï thou. Ayek rïŋ ke kudhuur cï ŋuäc cam ku rïŋ ke läi cï ŋuäc ye näk yiëth.

Yith 65:4 ပူးပေါင်းရင်းမြစ်များ

Bɛ̈n 23:19

“Yak kë tueŋ de ka cï kɔn luɔk domdun bɛ̈ɛ̈i ɣön ë Bɛ̈nydït Nhialicdun. Duökï amɛthɔ̈k ee thaal në ciɛk ke man yiic.”

Bɛ̈n 34:26

“Yak këpiɛth tueŋ ë ka cï kɔn luɔk në duumkuniic bɛ̈ɛ̈i ɣön ë Bɛ̈nydït Nhialicdun në ruöön nyin ëbɛ̈n. “Duökï amɛthɔ̈k ee thaal në ciɛk ke man yiic.”

Yith 66:17

Aye Bɛ̈nydït lueel an, “Thök de piny acï thiɔ̈k tëde kɔc ee röt waak në biäk de läm ë yiëth, kɔc ee lam në duum yaath yiic: ku yek cuet në rïŋ ke cuɔl ku kudhuur kacaam kɔ̈k mɛɛn Bɛ̈nydït.

Yith 66:3

“Kɔc ayek ka nhiaarkï looi. Käŋ ëbɛ̈n akïtkï tëde keek: raan cï thɔn nɔ̈k acït raan ë näk raan, ku raan cï nyɔɔŋ amääl nɔ̈k acït raan ë dhoŋ jö yeth, ku raan ë gɛm miɔ̈c ë rap acït raan ë gɛm riɛm de kudhur, ku raan ë gɛm wal ŋïr nɔn ee läŋ acït raan ë lam yiëth. Ayek piɔ̈ɔ̈th miɛt në kuɛɛr rac ke läm.

Edhekiɛl 4:14

Guɔ bɛ̈ɛ̈r an, “Bɛ̈nydït Awärjäŋ, Yɛn kën rɔt dhiöök ëcaŋɣɔn aa yɛn meth, yɛn kën rïŋ de lɛ̈n cï thou kɔn cam, lɛ̈n ë thou yetök ku nɔn ë ciɛm lɛ̈n däŋ, yɛn kën kɔn cam në kacaam ke acuɔl.”

Lebai 11:7

Ku Kudhur cakaa nɔn de yen kär cï tekiic taitai, acïï wal ee bɛɛr, acïï piɛth tëde week.

Dhek 9:7

Yɛn bï riɛm nyaai në yethok, ku nyaai riääkde në yelec, yen aya abï döŋ ke ee kɔc lik në biäk de Nhialicda, abï ciët dhiën ë Juda, ku Ekeron abï ciët kɔc ke Jebuth.

Kuɛ̈n 19:11

Raan ëbɛ̈n, raan cï guöp de raan cï thou jak, abï rëër ke de guöp acuɔl në nïn kadhorou.

Math 8:28

Na wën, acï ɣet lɔŋtui, të nu piny de kɔc ke Gadaren, ke räm kekë kɔc kaarou kɔc de gup jɔɔk rac, abïkï bei ë rɛ̈ŋ yiic, ee kɔc gäi piɔ̈ɔ̈th arëët, an a cïn en raan duëër tëëk ë kueerë.

Luk 8:27

Na wën, aacï bɛ̈n biic ë abëlic, ke räm ke raan töŋ bɔ̈ bei ë pänydïtic, raan de guöp jɔɔk rac ë caŋɣɔn, ku acïn lupɔ ee cieŋ, ku cie rëër ɣööt, ku ye rëër ë rɛ̈ŋ yiic.

Nyöŋ 14:21

“Duökï lɛ̈n cï thou yetök ee cuet. Aduëërkï tɔ cuet ë kɔc lei rëër në wuötkuniic, ku nɔn ɣɔ̈ckï kɔclɛn kɔ̈k. Ku wek ee kɔc ɣeriic ke Bɛ̈nydït Nhialicdun. Duökï amɛthɔ̈k ee thaal në ciɛk ke man yiic.

Nyöŋ 14:3

“Duökï këriëëc ëbɛ̈n ee cam, kë cï Bɛ̈nydït tɔ ee kë cïï piɛth.

Nyöŋ 14:8

Duökï kudhur ee cuet. Ayek läi cïï piɛth, adekï kär tɛkiic ku acïkï wal ee bɛ̈ɛ̈r. Duökï lɛ̈n tök në ee läikë yiic ee cuet ayï guöpdɛn cï thou duökï jak.

Nyöŋ 18:11

Ku nɔn ee läm de yiëth, ku nɔn ee caw, ku nɔn wël ee mɛɛk.