Yith 65:25 - JAM DE NHIALIC 2011

²⁵ Aŋuööth ku thök abïk aa cam ëtök, kɔ̈ɔ̈r abïk nyuäth ë wal cï ɣɔ̈k ku karɛc ee mol piny acïï ke bï bɛ ya diɛɛr në wurïï. Në Dhiɔn kuurdiën ɣeric nɔm, abï ciën kë bïï kɔc bɛ riɔ̈ɔ̈c në biäk de karɛc.”

Yith 65:25 ပူးပေါင်းရင်းမြစ်များ

Jop 5:23

Domduön ee puur abï yic aa ciën kɔi ku läi roor acïk yï bï aa gëëm.

Yith 2:4

Abï ateer tɔ kääc në kɛm ke juöördït ke piny nɔm. Abïk abätɛ̈ɛ̈uken thɔ̈ɔ̈th ke ke ye pur, ku tɔɔŋken ke ke ye leem ke tëm. Juöör acïkï tɔŋ bï bɛ aa lɛɛr, ku nɔn bekï tɔŋ kiëët.

Yith 35:9

Acïn kɔ̈ɔ̈r bï nu ëtɛ̈ɛ̈n, acïn län rɛɛc bï tëëk ë kueerë. Ee kɔc cïï Bɛ̈nydït luök, kek abï cath në ee kueerë yic ke ke lɔ baai.

Yith 56:7

an, “Wek bä bɛ̈ɛ̈i Dhiɔn, në kuurdiën ɣeric nɔm, ku gäm yïn miɛtëpiɔ̈u ɣöndiën ë lɔ̈ŋ ku gam miɔ̈cduön ye nyop ëbɛ̈n cï gam në yïïŋdï nɔm. Luaŋdït abï ya cɔl ɣön ë lɔ̈ŋ de kɔc ke juöör ëbɛ̈n.”

Yith 65:11

“Ku abï wöc ke week, wek kɔc cï ya pɔ̈l, kɔc ee Dhiɔn biɔɔn, kuurdiën ɣeric. Ku lamkï Gad ku Meni, yiëth ke miɛtëguöp ku thök de pïïr ë raan.

Yith 66:20

Abïk kɔckuön ke Yithriɛl bɛ̈ɛ̈i ciëën kedhie në juööriic ke ye miɔ̈c gëmë yɛn. Abïk keek bɛ̈ɛ̈i në kuurdiën ɣeric nɔm në Jeruthalem në jöŋgöör kɔ̈ɔ̈th, ku mul ku thɔ̈rɔ̈ɔ̈l ku në abëël ke jöŋgöör ke tɔŋ, cït man ye kɔc ke Yithriɛl miɔ̈c ë rap bɛ̈ɛ̈i ɣön ë Bɛ̈nydït ke cï tääu në kapiɛth cïn yiic acuɔl yiic.

Edhekiɛl 43:11

Na cïk gup jɔ yäär në karɛc cïk looi, ke jɔ ke guiëër kïït de Luaŋdït: kïïtde, kueerdɛn ë lɔ thïn ku bɛ̈n biic, täude, guiɛɛr de këriëëc ëbɛ̈n, ku lööŋke ku wëëtde. Gäärë ee kakë piny ëbɛ̈n në biäkden, agokï tïŋ yen luɔi cïï ë käŋ guiir ku kueer bïï kek ee lööŋkë luɔi thïn.

Danyel 11:45

Ku abï paanydɛndït ë bääny jɔ tääu piny në kaam de wɛ̈ɛ̈r kekë kuur ɣeric kɛ̈ɛ̈c ë Luaŋdït ë yenɔm. Ku abï thou, ke cïn raan töŋ nu ëtɛ̈ɛ̈n bï yen luök.”

Maika 4:3

Bɛ̈nydït abï wël ke juöör juëc guiir, juöör ril nu të thiɔ̈k ayï të mec aya. Acïn jur bï jur bɛ yiɛ̈n tɔŋ. Ku cïn raan bï tɔŋ bɛ aa guik. Ka abïk abätɛ̈ɛ̈uken thɔ̈ɔ̈th tɔkï keek ee pur, ku tɔkï tɔɔŋken ee leem ke tëm ë rap.

Maika 7:17

Abïk aa ɣöc piny cït karɛc, ku molkï piny cït käm. Juöör abïk bɛ̈n bei në ɣäänkɛn ke thiaan yiic ke ke lɛthë. Ku pukkï kenïïm Bɛ̈nydït Nhialicda ke ke cï riɔ̈ɔ̈c në Yen.

Dhek 8:3

Ku ënɔɔnë, yɛn puk a nɔm pinydï. Yɛn bï lɔ rëër Jeruthalem yɛn guöpdï. Ka Jeruthalem abï ya cɔɔl an, Pänydït adöt, ku cɔl kuur de Bɛ̈nydït de rɛm an kuur ɣeric.

Luɔi 9:1

Ku Thaulo, aŋoot ke bïï wɛ̈i bei ë yethok wɛ̈i wɛɛi yen kɔcpiööcë Bɛ̈nydït an, bï ke kuur ë näk, go lɔ të nu bɛ̈nydïït ë kake Nhialic,

Romai 16:20

Ku Nhialic de mät abï Catan dap tɔ dum ë wecök piny. Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke week. Amiin.

2 Pet 3:13

Ku wook, acït man cï en e kɔn lɛ̈k wook, wok tit tënhial bï piac cak, ku piny bï piac cak aya, piny rëërë piathëpiɔ̈u thïn.

Nyuuth 14:1

Na wën, ke ya jɔt anyin, ku jɔ Nyɔŋamääl tuöl ke kääc ë kuurdït Dhiɔn nɔm, ku kääc kɔc në yen ëtök agum kabɔt ku thiërŋuan ku ŋuan, ke ke cath në rinke, ku rin ke Wun, ke ke cï gɔ̈ɔ̈r ë kenyïïn tueŋ.