Yith 65:18 - JAM DE NHIALIC 2011

¹⁸ Jakï piɔ̈ɔ̈th miɛt, ku lak piɔ̈ɔ̈th yum aɣet athɛɛr në ka cä keek cak. Jeruthalem cä piac cak, abï yic thiäŋ ke miɛtëpiɔ̈u, ku kɔcke abïk piɔ̈ɔ̈th miɛt.

Yith 65:18 ပူးပေါင်းရင်းမြစ်များ

2 Lëk 6:41

Ënɔɔnë, jɔt rɔt Bɛ̈nydït Nhialic, lɔɔr wekë athänduŋ de mät, kïn de riɛldu, lɔɔr ë Luaŋdïtic ku rɛ̈ɛ̈rë ëtɛ̈ɛ̈n aɣet athɛɛr. Thiei kɔckuön ke kake Nhialic, në kë yek looi yic ëbɛ̈n, ku tɔ kɔcku mit piɔ̈ɔ̈th kedhie në biäk de piathdu tëde keek.

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Yith 25:9

Të le yen rɔt looi, abï raan ëbɛ̈n aa lueel an, “Yen ee Nhialicda! Wo cï aŋäthda tääu ë Yeguöp, ku ë wo luök. Yen ee Bɛ̈nydït! Wok cï aŋäthda tääu në Ye guöp, ku ënɔɔnë wok mit piɔ̈ɔ̈th ku yok dɔl në luɔi cï Yen wo kony.”

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Yith 41:16

Abäk ke wɛɛr ë yomic, abïï yom ke gap wei, ku jɔ amaŋdït ke riäär piny. Ëtɛ̈ɛ̈n wek bï piɔ̈ɔ̈th jɔ miɛt në biäk ee Yɛn Nhialicdun, wek bï Yɛn piɔɔny, yɛn Nhialic Ɣeric de Yithriɛl.

Yith 44:23

Moc kiɛɛu de miɛtëpiɔ̈u, yïn paannhial! Moc kiɛɛu, wek ɣään thuth ke piny! Mockï kiɛɛu në miɛtëpiɔ̈u, wek kur, ku tim ëbɛ̈n tɔ̈u roor! Bɛ̈nydït acï dhuëëŋde nyuɔɔth, në biäk cïï Yen kɔckɛn ke Yithriɛl kony.

Yith 49:13

Kɛ̈të paannhial! Loi awuɔɔu de miɛtëpiɔ̈u, piny! Takï kur wuou ke ke ket diɛt! Bɛ̈nydït abï kɔcke duut piɔ̈ɔ̈th, abï piɔ̈u kok kekë kɔckɛn cï nuan.

Yith 51:11

Kɔc ɣɔn ca ke kony, abïk ɣet Jeruthalem në miɛtëpiɔ̈u, ke ke kët ku wuoukï në miɛtëpiɔ̈u. Abïk piɔ̈ɔ̈th miɛt aɣet athɛɛr, abïk nïïm lääu aɣet athɛɛr të cïn dhiëëu ku jiɛthëpiɔ̈u.

Yith 51:3

“Yɛn bï Jeruthalem nyuöth kokëpiɔ̈u, nyuöth raan ëbɛ̈n raan rɛ̈ɛ̈r në ye ɣööt cï riääk yiic. Na cakaa nɔn ye pinyde jɔ̈ɔ̈r, abä tɔ ee dom, abï ciët dom cä com ë Eden. Dhuëëŋ ku miɛtëpiɔ̈u abïk tɔ̈u ëtɛ̈ɛ̈n, ku diɛt ke thieithieei ku lɛ̈c leecë Yɛn.

Yith 60:15

“Yïn cïï bï bɛ päl wei ku man yïn, Pänydït cï däk piny ku cï pɔ̈l. Yïn bä tɔ dït ku tɔ yï läk, Tëde miɛt ë piɔ̈u aɣet athɛɛr.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 9:3

Yïn cï jur ŋuak nyin Bɛ̈nydït, ku acï ke tɔ mit piɔ̈ɔ̈th, në kë cïk looi cït man ye kɔc piɔ̈ɔ̈th miɛt në kööl ë tëm ë rap, ku nɔn ee kööl tek ë ka cï peec.

Dhep 3:14

Kɛ̈tkï ku moc kiɛɛu nyan de Dhiɔn, ku miɛtkï piɔ̈ɔ̈th wek kɔc ke Yithriɛl! Miɛtëpiɔ̈u arëët yïn nyan de Jeruthalem!

Dhek 2:10

Ku lueel ë Bɛ̈nydït an, “Kiëtkï në miɛtëpiɔ̈u arëët, nyan de Dhiɔn. Yɛn bɔ̈ bä bɛ̈n rëër në weyiic!

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

1 Theth 5:16

Yak piɔ̈ɔ̈th miɛt anandun,