Yith 63:9 - JAM DE NHIALIC 2011

⁹ në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Yith 63:9 ပူးပေါင်းရင်းမြစ်များ

Cäk 48:16

Abï tunynhial ke thieei, tunynhial ɣɔn luäk ɛn në karɛciic ëbɛ̈n. Ku abïk ŋoot ke ke ye cɔ̈l ɛn, ku cɔ̈lë ke wärkuɔ: yï Abraɣam kekë Yithaak. Ku abïk nïïm dɛ mïth juëc arëët, ku dekï nïïm mïth ke mïthkɛn juëc!”

Jop 37:23

Awärjäŋ aril, ka wok cïï bï bɛ̈n ë Yelɔ̈ɔ̈m, Yen ade nɔm riɛldït ku yic, Ku acïï piathëpiɔ̈nde duëër kɔn pɔ̈l.

Diɛt 25:22

Nhialic, luäk kɔckuön ke Yithriɛl, në nuanden yic ëbɛ̈n.

Diɛt 78:38

Ku Nhialic aaye piɔ̈u kok kekë kɔcke. Acï keek päl awɛ̈ɛ̈cken, ku akën keek riɔ̈ɔ̈k. Aköölnyïïn kedhie aa agönhde dɔ̈m kɔ̈ɔ̈c, ku tɔ ŋeenyde tɔ lir.

Bɛ̈n 14:19

Na wën, ke tunynhial ë Nhialic ɣɔn nu në kɔc ke Yithriɛl nïïm tueŋë, ë wɛɛn në kecök ciëën, ku wɛɛn mën de piööl ë luät në kecök ciëën ayadäŋ.

Bɛ̈n 15:13

Yïn ë nhiëërduön agɔk döt apiɛth, go kɔc cï luök kuaath, ku wat keek në riɛldu, abïk ɣet piny ɣeric.

Bɛ̈n 19:4

“Acäk tïŋ kë cä luöi kɔc ke Rip Yɛn Bɛ̈nydït. Ku tiëŋkï luɔi cän week ɣääc cït man ye cuɔɔr mïthke ɣääc në ye wuök. Ku luɔi cän week bɛ̈ɛ̈i të nu Yɛnë.

Bɛ̈n 33:14

Go Bɛ̈nydït lɛ̈k en an, “Yɛn bï cath wokë yïn, ku yïn bä tɔ tiëm.”

Bɛ̈n 33:15

Go Mothe puk nɔm an, “Du wo tɔ jël ë në të cïï Dhuëëŋdu cath ke wook.

Yith 43:1

Yithriɛl, Bɛ̈nydït ë cak week alueel, “Duökï riɔ̈c, wek bä ke kony, we cä ke cɔɔl në rin, wek ee kɔckï.

Yith 43:4

Yɛn bï juöör ke piny pɔ̈l agokï we kony wëi, në biäk nhiaar ɛn we ku gäm we dhuëëŋ.

Yith 48:20

Lɔ biic në Babilon yic, ke yï lääu nɔm! Luɛɛlë thok në miɛt ë piɔ̈u, tɔ ŋic ë piny nɔm ëbɛ̈n: “Bɛ̈nydït acï awundɛn Yithriɛl kony!”

Yith 51:10

Aa ye yïn ë tɔ wɛ̈ɛ̈r tɔ dëu aya ku loi kueer në pïïu yiic, ago kɔckuön kɔɔr bä ke kony wɛ̈ɛ̈r teem.

Yith 52:9

Luɔikï awuɔɔu de miɛt ë piɔ̈u, we kak cï riääk ke Jeruthalem! Bɛ̈nydït abï pänydïïtde luök, ku riit kɔcke piɔ̈ɔ̈th.

Danyel 6:22

Nhialic acï tunynhialde tuööc bïï kɔ̈ɔ̈r bɛ̈n dɔm thook agokï ya cïï gëm buɔ̈t. Aa loi ee kënë në luɔi ciɛ̈n ɛn guöp awäc, ku acïn kërɛɛc cä luöi yïn, yïn melik.

Ɣodh 1:7

Ku Yɛn bï kɔc ke Juda nhiaar, ku abä keek luök. Ku acä keek bï luök në dhaŋ, ku abätäu, ku tɔŋ, ku cä keek luäk në jöŋgöör ke tɔŋ. Abä keek luök Yɛn Bɛ̈nydït Nhialicden.

Jowɛl 2:18

Ku ëtɛ̈ɛ̈n, Bɛ̈nydït abï piɔ̈u bɛ gɔ̈ɔ̈i në biäk de pinyde. Ku be piɔ̈u kok kekë kɔcke.

Dhek 2:8

Kë cï Bɛ̈nydït de rɛm lueel kï. Të ɣɔn cï yen ɛn dhuëëŋ guöp, ku juöör cï kɔcke peec la lɛ̈k keek an, “Raan lɔ we jak, ka ë nyin cooldï jakic.

Malakai 3:1

Go Bɛ̈nydït de rɛm ke yɔ̈ɔ̈k an, “Piɛŋkï, Yɛn bï tunydï tuɔɔc tueŋ, le kueerdï kiɛm piny. Ku bïï löŋdiën cï mac bɛ̈n caal, yen tuny nhiaarkï. Ku ëtɛ̈ɛ̈n, Bɛ̈nydïïtduön kaarkï abï dap guɔ bɛ̈n Luaŋdït ëthiäu.

Math 25:40

Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

Math 25:45

Na ëlë, ka bï jɔ pɔ̈k nɔm keek an, “Wek yɔ̈ɔ̈k ëyic an, “Nɔn kɛ̈n wek e luöi raan töŋ koor ë kɔckë yiic, ka kɛ̈nkï luöi yɛn.’

Luk 15:5

Na ëlë, të cï en e yök, ke jɔ tääu ë yeyeth, ke cï piɔ̈u miɛt.

Luɔi 12:11

Na wën, aacï nɔm jɔ bɛ̈n, ke jɔ Petero lueel an, “Acä jɔ ŋic ëgɔk ënɔɔnë, nɔn cï Bɛ̈nydït tunynhialde tooc, ago a luök ë Ɣerod cin, ku aŋäth ŋɛ̈ɛ̈thë kɔc ke Judai ëbɛ̈n.”

Luɔi 7:38

Kënë ee raan wään ë nu në akutnɔm de kɔc ɣɔn cï guëër ë jɔ̈ɔ̈ric, kekë tunynhial ëtök, tuny wään jam ke yen ë kuur ë Thinai nɔm, ku aa nu kekë kuarkuɔ ayadäŋ: ee raan wään cï wël pïïr ke Nhialic nööm, bï ke yiɛ̈n wook.

Luɔi 9:4

Go wïïk, ku piŋ röl yöök en an, “Thaulo, Thaulo, eeŋö yɔŋ yïn ɛn?”

1 Kor 10:9

Ku duku Kërtho them aya, cït man cï kɔc kɔ̈k ë keyiic e them, ago karɛc ke nɔ̈k.

Nyöŋ 1:31

Ku wään ë jɔ̈ɔ̈ric acäk tïŋ ɣɔn ɣɛ̈ɛ̈cë Bɛ̈nydït Nhialicdun week, cït man ee wun meth wënde ɣääc, ku wek cï piny caath abäk jɔ ɣëët ee tënë.

Nyöŋ 4:37

Ku në biäk nhiɛɛr En kuarkun, ku lɔc week në kecök, ku bïï wek bei guöpde piny de Rip në riɛldɛndït.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 2:18

Ku Yen guöpde acï gum ɣɔn themë yen, Yen aduëër en kɔc ye them lëu në kuny.

Ɣeberuu 4:15

Yecu, Bɛ̈nydan dïït ë kake Nhialic, aŋic täu de kɔ̈c kɔ̈c wok, në baŋ ɣɔn cï Ye kɔn them në thëm kithic cït man ye wo cool ë themë wook, ku Yen akën kërac kɔn looi!

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,

Bäny 10:16

Gokï yiëth ke juöör nyaai në ke yiic, ku lamkï Bɛ̈nydït, go Bɛ̈nydït bɛ diɛɛr në yaaŋ de Yithriɛl.