Yith 63:3 - JAM DE NHIALIC 2011

³ Go Bɛ̈nydït bɛ̈ɛ̈r an, “Yɛn ee juöör ke piny nɔm dum yiic, cït man ë kë dhiim mɔ̈n de enap, ku acïn raan cï A bɛ̈n kony. Acä ke dum yiic në agönhdï, go riɛmden lupɔɔkï riɔk kedhie.

Yith 63:3 ပူးပေါင်းရင်းမြစ်များ

Cäk 49:11

Ku abï mïth ke mulke aa mac në tiim ke enap kɔ̈ɔ̈th, tiim ke enap piɛth në tiimiic ëbɛ̈n. Ku abï lupɔɔke aa waak në mɔ̈u thith nyin.

2 Mel 9:33

Go Jeɣu lɛ̈k keek an, “Cuɛ̈tkï piny!” Gokï cuat piny, go biäk de riɛmde kuëër në päny de ɣöt kɔ̈u ku jöŋgöör gup. Ku jɔ jöŋgör de Jeɣu ku abëëlkɛn ke tɔŋ aa tëëk në yekɔ̈u,

Jop 40:12

Ɣɛɛ, gɔk keek apiɛth ku bɛ̈ɛ̈iyë ke piny, ku dap ke dumiic.

Diɛt 60:12

Të tɔ̈u ë Nhialic në biäkda wok bï tiam, Yen abï kɔc ke aterda tiaam.

Yith 22:5

Kënë ee kööl de riɔ̈ɔ̈c, ku tiëm, ku anuɔɔn në Wak ë Nyuuth yic, ku acïï Bɛ̈nydït Awärjäŋ tuöc wook. Kal ë pänydïïtda Jeruthalem acï thuöör piny, ku kɔc dhiën kɔɔrë kuɔɔny acï piŋ ë kur yiic.

Yith 25:10

Bɛ̈nydït abï kuur ë Dhiɔn gël, ku kɔc ke Mowap abï ke dum yiic ë kɔc cök, cït man ye anin dum yic të nuɛɛi ë tiɔp.

Yith 28:3

Lɛc de bäny ee wiɛɛtë abïï duöm piny ë kɔc cök.

Yith 59:17

Yen abï piathëpiɔ̈u cieŋ cï lupɔ de yɔu, ku cieŋ akup de kunydewëi në yenɔm. Abï rɔt kuöm piny në luɔi bï yen käŋ cök piny, ku lui kɔc këtuc, ku guur guöm wään cïï kɔc kɔn kum.

Yith 63:6

Në agönhdï yɛn juöör dum yiic ëbɛ̈n ku wɛɛr ke piny. Ku wäl riɛmdɛn de pïïrden piny.”

Dhiëëu 1:15

“Bɛ̈nydït acï kɔckiën ril kë tɔŋ rɛɛc kedhie. Ku tooc amatnɔm bïï dhuökï riɔ̈ɔ̈k. Acïk kɔckï dhuɔŋ piny cït man ye raan mɔ̈n de enap dhiim tëde dhiɛ̈m.

Jowɛl 3:13

Nɔ̈mkï menyjel ke tëm, rap acïk luɔk. Bäk duömkï enap yiic, dhiëm ke mäu acïk thiäŋ, ku töny acïk nïïm lɔ wei. Në biäk cï karɛcken juëc arëët.

Maika 7:10

Ku ëtɛ̈ɛ̈n, abï raan ater tïŋ, ku gëm en ayäär. Kɔc wään ee ya dɔl guöp an, “Nu Bɛ̈nydït Nhialicdu ënou? Abä ke bɛ tïŋ awiëëk. Abï keek dum yiic, ku ciɛth ë kekɔ̈ɔ̈th cït raan cath ë tiɔ̈kic.

Dhek 10:5

Kɔc ke Juda abïk aa tiam cït man ë rem de tɔŋ, ku dumkï kɔckɛn ke ater piny ë tiɔɔm de kuɛɛr yiic. Abïk rem de tɔŋ ë jöŋgöör aa tiaam, në baŋ tɔ̈u ë Bɛ̈nydït ke keek.

Malakai 4:3

Piɛŋkï kë lueel ë Bɛ̈nydït de rɛm an, Kɔc ë karɛc looi abäk keek dum yiic në wecök në ee köölë. Abïk aa abuui tei në wecök kööl lan ee kakë looi.