Yith 63:16 - JAM DE NHIALIC 2011

¹⁶ Yïn ee wääda. Kuɛɛrëdan Abraɣam ku Jakop akënkï wook ŋic, ku Yïn Bɛ̈nydït, yïn ee wäärda, raan ee wo kony ë ceŋ.

Yith 63:16 ပူးပေါင်းရင်းမြစ်များ

1 Lëk 29:10

Ëtɛ̈ɛ̈n Debid ë Bɛ̈nydït bɛ̈n leec ke amatnɔm ë tɔ̈u thïn ëbɛ̈n, ku lueel an, “Thieithieei në Yïn Bɛ̈nydït, Nhialic de kuɛɛrëda Jakop, Yïn bï aa leec aɣet athɛɛr!

Jop 14:21

Wɛ̈ɛ̈tke, na cï ke lɔ̈ɔ̈k dhuëëŋ gup ku nɔn cï ke lɔ̈ɔ̈k biɔɔn gup, acïn kë bï ŋic thïn.

Bɛ̈n 4:22

Ku abä dhiɛl guiëër melik ëgɔk an, ‘Acïï Bɛ̈nydït lueel an Yithriɛl yen aye wën kɛ̈idï.

Wɛ̈ɛ̈t 9:5

Kɔc pïïr ayek ŋic nɔn bï kek thou, ku kɔc cï thou acïn kë yek ŋic. Acïnkï nïïm ariöp däŋ. Ayï luɔɔi ye kɔc kenïïm tak në keek aliu taitai.

Yith 1:2

Go Bɛ̈nydït lueel an, “Yïn piny ku paannhial piɛŋkï kë luɛɛl! Mïthkiën wään cä muk acïk A rɛɛc thok.

Yith 29:22

Ku ënɔɔnë Bɛ̈nydït Nhialic de Yithriɛl ɣɔn kony Abraɣam në nuanic, aye lueel an, “Kɔckï wek cïï gup bï bɛ yäär anandun, ku wek cïï wenïïm bï bɛ guöt piny në ayäär.

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Yith 41:8

“Ku wek, Yithriɛl awuutkï, wek ee kɔckiën cä ke lɔc, kuat de Abraɣam raan mɛ̈ɛ̈th wok.

Yith 43:14

Nhialic Ɣeric de Yithriɛl, Bɛ̈nydït ee we luök, aye lueel an, “Yɛn bï rem de tɔŋ bï lɔ thɔ̈ɔ̈r ke Babilon tooc, aguɔ we luök, Yɛn bï athïïn ke pänydït dhuɔŋ piny, ku kiɛɛu de kɔcke abï rɔt puk ke ye dhiëëu.

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 45:11

Bɛ̈nydït, Nhialic Ɣeric de Yithriɛl, aye raan ee yen ee kë wadäŋ thɔ̈ɔ̈ŋ lueel: “Yïn cïn nɔm yic bä ya thiëëc në biäk de mïthkï, ku nɔn lɛ̈k yïn ɛn kë bä looi.

Yith 51:2

Takkï kuɛɛrëdun, Abraɣam, kekë Thara të wään bïï ë kuatdun. Wään caal ɛn Abraɣam, aa cïn nɔm meth, ku acä thieei ku gäm mïth, yɛn cï kuatde tɔ juëc.

Yith 54:5

Aciëŋdu abï ciët moc tëde yïn, Bɛ̈nydït de rɛm kek aye rinke. Nhialic Ɣeric de Yithriɛl abï we kony, Yen ee Bɛ̈nydïït mac pinynɔm ëbɛ̈n.

Yith 60:16

Juöör ku meliik abïk diɛɛr në yïn cït wën ee man meth mɛnhde ŋiëc muk. Abä ŋic nɔn yen ɛn Bɛ̈nydït, Yɛn ë kony yïn, nɔn cï Awärjäŋ Nhialic de Yithriɛl yïn gäm nɔm lääu.

Yith 63:12

Tɔ̈u Bɛ̈nydït ë nou, raan ɣɔn cï kadït gɛ̈iyë tɔ looi ë Mothe në riɛlde, acï pïïu tekiic ku wɛt kɔcke në kueer thuth tɔ̈u ë pïïu thäär,

Yith 64:7

Acïn raan töŋ ee rɔt dɔ̈k yïn në lɔ̈ŋ, ku acïn raan ee lɔ tëde yïn ke kɔɔr kuɔɔny. Yïn cï rɔt thiaan në wook, ku nyääŋë wo piny në biäk de awɛ̈ɛ̈ckuɔ.

Yith 64:8

Ku yïn ee wääda, Bɛ̈nydït. Wok cït tiɔp tei ku yïn ee cuëny de töny. Ee yïn aa cak wook,

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Jeremia 3:19

Aye Bɛ̈nydït lueel an, “Yithriɛl yïn kaar bä yï gam ke yï wëndï ku gäm yïn piny bï yïn piɔ̈u miɛt, piny wär piiny ke juöör në piath. Akaar bä Yɛn aa cɔɔl an Wäär, ku du rɔt bï bɛ yal wei tëde Yɛn.

Jeremia 3:23

Wok cie kony taitai në lämdan ë yiëth ë kur nïïm. Kuɔɔny de Yithriɛl ee bɛ̈n tëde Bɛ̈nydït Yetök Nhialicda.

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Ɣodh 1:10

Acïï Nhialic lɛ̈k kɔc ke Yithriɛl ënɔɔnë an, “Wek cie kɔckï, ku abï bɛ lɛ̈k keek wadäŋ an, “Wek ee mïth ke Nhialic Pïïr. Ka kɔc ke Yithriɛl abïk bɛ juëc arëët, abïk ciët liɛɛt de wɛ̈ɛ̈r yɔu. Ka acï keek bï ya lëu në kuɛ̈n, ku cïï keek lëu në thëm.”

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Malakai 2:10

Go Malakai lɛ̈k kɔc ke Yithriɛl an, “Wääda cie tök wodhie? Cie Yen ë Nhialic töŋë, Yen ë cak wook wodhie? Ka eeŋö tɔ we dhoŋ löŋ cïï Nhialic gäm wärkuɔ kɔ̈u, wek kën kapiɛth ŋiɛckï an duɛ̈ɛ̈rkï ke luöi röt në kɛmkun wapäc looi?

Math 6:9

Yen aa wek lɔ̈ŋ wäklë: Wääda nu paannhial, Tɔ rinku riëëuwë.

Jɔn 8:41

Wek ee luɔi ë wuöördun looi.” Gokï lueel an, “Wo cie adhiëthlëër, wo de Wääda tök, Nhialic.”

Nyöŋ 14:1

Go Mothe jam an, “Wek ee kɔc ke Bɛ̈nydït Nhialicdun. Ka të dhiëëu wek raan cï thou, duökï wegup ee ŋuɔt, ku nɔn mɔ̈tkï wenïïm në biäk tueŋ, cït man ye kɔc kɔ̈k ye looi.

Nyöŋ 32:6

Yen kueer bä wek Bɛ̈nydït aa luööi ka, wek kɔc dhän cie tak? Ee wuöördun, ee Aciëŋdun, raan ë loi week ku tɔ we ee jur.