Yith 63:1 - JAM DE NHIALIC 2011

¹ “Eeŋa ë kë bɔ̈yë në pänydïït de Bothera nu ë Edom? Ku eeŋa kë ceŋ lupɔ amujuŋë, raan ril laath ë riɛl.” Ee Bɛ̈nydït, raan dïït ril ee kɔc kony, abɔ̈ bïï tiëmde bɛ̈n lɛ̈k kɔc.

Yith 63:1 ပူးပေါင်းရင်းမြစ်များ

Cäk 49:11

Ku abï mïth ke mulke aa mac në tiim ke enap kɔ̈ɔ̈th, tiim ke enap piɛth në tiimiic ëbɛ̈n. Ku abï lupɔɔke aa waak në mɔ̈u thith nyin.

Diɛt 108:13

Ku në biäk tɔ̈u ë Nhialic kekë wook wok bï tiam, abï kɔc de wok ater cop.

Diɛt 137:7

Tak Yïnɔm Bɛ̈nydït, në kë cï ë kɔc ke Edom looi, kööl ë peecë Jeruthalem. Tak këdɛn wään yek lueel an, “Jäpkï piny! Jäpkï piny abï riääk taitai!”

Diɛt 65:6

Yïn cï kur tääu tëden në riɛldu, nyooth Yïn riɛlduön dït.

Diɛt ke 3:6

Eeŋö ë kë bɔ̈ në jɔ̈ɔ̈ric, ke cït luän de tol, acï looi në ŋiëër de mer kekë wal ŋïr, wal ye ɣaac ë kɔc ee käŋ ɣaac?

Diɛt ke 6:10

Eeŋa kënë ee liec cï run ë piny? Aläk aläl cï pɛɛi, ku aɣer cï akɔ̈l, ku akecpiɔ̈u cï rem de tɔŋ muk tɔɔŋ.

Diɛt ke 8:5

Eeŋa ë kë bɔ̈ në jɔ̈ɔ̈ric, ke ke muk kecin kekë monydɛn nhiɛɛr? Guɔ yïn pɔ̈ɔ̈c në tim de tupa thar, të wään dhiëëthë yïn thïn.

Yith 11:14

Keek kedhie abïk Pilithiin aa mak të lɔ aköl athɛ̈i, ku yiɛkkï kɔc rɛ̈ɛ̈r të lɔ aköl amiäk. Ku abïk piiny ke kɔc ke Edom ku Mowap peec, ku abï ë kɔc ke Ammon keek riëëu.

Yith 34:1

Bäkkï, kɔc ke juöör ëbɛ̈n! Matkï wenïïm ku piëŋkï. Takï piny nɔm ëbɛ̈n kekë këriëëc nu thïn bɔ̈ ee tënë ku pïŋ.

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 42:3

Acïï agun cï rɔt tiɔ̈ɔ̈t bï dhoŋ kɔ̈u ku nɔn liiu en many de alanh dɛ̈p ëmääth. Abï yic bï tɔ̈u athɛɛr yiɛ̈n kɔc apiɛth.

Yith 45:19

Yɛn kën kɔn jam ke Ya thiaan, ku mɔ̈k këdiën kaar bä looi ke thiaan. Yɛn kën kɔc ke Yithriɛl thiëëc bïk A kɔɔr të cïn yic kɔc. Yɛn ee Bɛ̈nydït, ku Yɛn jam në yic, Yɛn ee yic tɔ ŋic.”

Yith 45:23

Gutguutdiën cä lueel në piathëpiɔ̈u, ku acïï bï waar. Yɛn cï gutguut lueel në täudï ëbɛ̈n: Raan ëbɛ̈n abï bɛ̈n ku tuk yemiɔl ë yanɔm ku kuëëŋ nɔn bï yen A riëëu.

Yith 9:5

Wɛɛr cieŋ ë kɔc ke ater bïï tɔŋ, ku lupɔɔkɛn de gup rim ëbɛ̈n abïï ke riɔ̈ɔ̈k në mac

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Jeremia 48:24

ku Kerioth, ku Bothera. Ku këtuc acï luöi pɛ̈ɛ̈nydït ke Mowap kedhie, wuöt thiɔ̈k ku wuöt mec.

Jeremia 49:13

Yɛn guöp, Yɛn cïï kuëëŋ, nɔn bïï ë pänydïït de Bothera aa të bïï kɔc aa riɔ̈ɔ̈c të tïŋ ë yen, ku abï aa jɔ̈ɔ̈r, abï kɔc aa dɔl guöp, ku yek rinke tɔ aa aciɛɛn. Ku wuöt kor thiääk në yen abïk riääk aɣet athɛɛr. Acä lueel, Yɛn Bɛ̈nydït.”

Edhekiɛl 25:12

Acïï Bɛ̈nydït Awärjäŋ lueel an, “Kɔc ke Edom acïk röt guöör ë guur rac në Juda, ku yen ee guurë acï awäny cïï be thök yiɛ̈n Edom.

Edhekiɛl 35:1

Go jam de Bɛ̈nydït bɛ̈n tëde yɛn an:

Edhekiɛl 38:17

Wek aye kɔc ɣɔn thɛɛr jaam Yɛn në biäkden, wään caal ɛn en në kueer de awuutkï, tit ke Yithriɛl, në akööl bï bɛ̈n tueŋë, yɛn bï kɔc bï Yithriɛl bɛ̈n mak bɛ̈ɛ̈i.” Acïï Bɛ̈nydït Awärjäŋ lueel.

Obadaya 1:1

Nyuuth de Obadaya kï, nyuuth ë nyuth ë yen kë cïï Bɛ̈nydït Nhialic lueel në baŋ de kɔc ke Edom. Bɛ̈nydït acï tunyde tuöc juöör, ku jamde acuk piŋ ke lueel an, “Bäk kïïtku röt! Yïnku tɔŋ kɔc ke Edom!

Obadaya 1:9

Kɔc ke Teman riil ke tɔŋ abï keek riääc, ku rem de tɔŋ de Edom ëbɛ̈n abïï ke näk piny.

Dhep 3:17

Bɛ̈nydït Nhialicdun atɔ̈u ke week, ku riɛlde ee we gäm tiëm. Abï piɔ̈u miɛt ke week arëët, ku tɔ week lɔ dïu në nhiëërde. Ku abï kit, ku mitpiɔ̈u ke week,

Malakai 1:2

Aye Bɛ̈nydït lueel an, “Wek nhiaar. Ku wek ee bɛ lop an, ‘Nhiaar wook adï?’ Ethau ë cie mänhë Jakop? Aguɔ Jakop nhiaar ku lac,

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Math 21:10

Na wën, aacï ɣet Jeruthalem, ke pänydït lɔ waawaa ëbɛ̈n, go kɔc thiëc, an, “Eeŋa ee kënë?”

Ɣeberuu 7:25

Ku ënɔɔnë alëu Yen luɔi bï Yen kɔc ee bɛ̈n tëde Nhialic në kueerde aa cool ë kony En keek, ku Yen arɛ̈ɛ̈r ke pïïr ë Nhialic lɔ̈ɔ̈m aɣet athɛɛr.

1 Pet 1:5

wek kɔc cï gël ë riɛl ë Nhialic në gäm, bäk kunydewëi yök, kuny cï thök ë guiɛɛk, ke bï tïc ëkööl rial wadäŋ.

Nyuuth 19:13

Ku aceŋ lupɔ ë yekɔ̈u, lupɔ cï juɔɔl ë riɛm: ku rinke acɔlke Jam ë Nhialic.