Yith 62:4 - JAM DE NHIALIC 2011

⁴ Yïn cïï bï bɛ aa cɔɔl an, “Raan cï pɔ̈l,” ku nɔn cɔl pinydu an, “Tiiŋ cï pɔ̈l.” Rinkuön cï piac cak abï aa cɔɔl an, “Nhialic amit piɔ̈u ke yen.” Pinydun abï aa cɔɔl an, “Thiëŋ de Miɛtëpiɔ̈u,” në biäk mit ë Bɛ̈nydït piɔ̈u ke yïn, ku abïï ciët mony de tik ke pinydun.

Yith 62:4 ပူးပေါင်းရင်းမြစ်များ

Diɛt 149:4

Bɛ̈nydït ee miɛtëpiɔ̈u yök tëde kɔcke, ee kɔc ee röt kuɔɔr piny dhuëëŋ gup ë tiëm.

Diɛt 16:3

Tïŋ piath piɛth ë kɔc ke Bɛ̈nydït, kɔc adööt! Täu täu ɛn wo keek yen aye miɛtëpiɔ̈ndï.

Yith 49:14

Go ë kɔc ke Jeruthalem lueel an, “Bɛ̈nydït acï wo nyääŋ piny! Acï nɔm määr në wook.”

Yith 54:1

Jeruthalem yïn cï ciët tiiŋ cïn meth, ku ënɔɔnë yïn duëër ket ku wuou në miɛtëpiɔ̈u. Ënɔɔnë yïn bï dɛk mïth juëc, awär tiiŋ kën ë monyde kɔn pɔ̈l!

Yith 60:15

“Yïn cïï bï bɛ päl wei ku man yïn, Pänydït cï däk piny ku cï pɔ̈l. Yïn bä tɔ dït ku tɔ yï läk, Tëde miɛt ë piɔ̈u aɣet athɛɛr.

Yith 60:18

Awuɔɔu ë tɔŋ acïï bï bɛ piŋ, riääk acïï bï bɛ bɛ̈n pinydun, wek bä gël ku kuɔny week cït päny, wek bï ya leec në biäk cän week kony.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 62:12

Wek bï aa cɔɔl an, “Kɔc ɣer yiic ke Nhialic,” Kɔc cïï Bɛ̈nydït ke luök. Nyan de Dhiɔn abï aa të nhiɛɛr ë Nhialic,” “Pänydïït kën ë Nhialic pɔ̈l.”

Yith 62:2

Jeruthalem, juöör abïk tiëmdu tïŋ! Meliikken kedhie abïk dhuëëŋdu tïŋ. Yïn bï ya cɔl në rin cï piac cak, rin ë gëm Bɛ̈nydït ke yïn guöpde.

Yith 62:5

Acït luɔi ye dhuk dhueny kën kɔn yök ke moc nööm ke ye tiiŋde, Yen raan ë cuëëc yïn yen abï yï thiaak. Acït luɔi ye monythiëk piɔ̈u miɛt ke nyandɛn ë thiɛɛk, yen ee täu bï Nhialicdun piɔ̈u miɛt ke week.

Yith 65:19

Yɛn guöpdï Yɛn bï thiäŋ wo miɛtëpiɔ̈u në biäk de Jeruthalem ke kɔcke. Abï ciën dhiëëu ëtɛ̈ɛ̈n, ku raan kɔɔr kuɔɔny.

Jeremia 3:14

“Wek kɔc cïn piɔ̈ɔ̈th adöt, bäkï ciëën, wek ee kɔckï. Yɛn bï raan tök aa nööm wun tök, ku nääm kɔc kaarou dhiën tök, ku wek bä bɛ̈ɛ̈i ciëën në kuur de Dhiɔn nɔm.

Jeremia 32:41

Yɛn bï piɔ̈u aa miɛt në luɔi de këpiɛth, ku abä keek miɛn piny arëët në ee pinyë yic.

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Edhekiɛl 36:35

Abïï raan ëbɛ̈n aa lueel an, tïŋ piny wään cï kɔn aa jɔ̈ɔ̈r, acï ciët dom de Eden, ku tïŋ pɛ̈ɛ̈nydït wään cï riɔ̈ɔ̈k, ku pec keyiic ku nyiëëŋë keek piny ke ke cï riääk, ënɔɔnë acï keek bɛ ɣap ku gël keek.

Ɣodh 2:21

Ku lueel ë Bɛ̈nydït, an, “Ku në ee köölë, Yɛn bï tënhial piŋ thok, ku tënhial abï piny nɔm piŋ thok. “Ku piny nɔm abï rap piŋ thok, ku piŋ mɔ̈u thok, ku miök, ku abïk piny de Jedhreel jɔ piŋ thok kedhie.

Dhep 3:17

Bɛ̈nydït Nhialicdun atɔ̈u ke week, ku riɛlde ee we gäm tiëm. Abï piɔ̈u miɛt ke week arëët, ku tɔ week lɔ dïu në nhiëërde. Ku abï kit, ku mitpiɔ̈u ke week,

Malakai 3:12

Ku juöör ke piny nɔm kedhie, abïk week aa cɔɔl an kɔc cï thieei, në luɔi bï pinydun aa piny läk arëët, kë lueel ë Bɛ̈nydït de rɛm ka.

Jɔn 3:29

Raan thiak nyan lueelë thiëëkë, yen aye monythiëk: ku mɛ̈thë monythiëk, raan kääc ëtɛ̈ɛ̈n ku piŋ jamde, ee piɔ̈u miɛt aläl ë röl ë monythiëk: miɛt miɛt ɛn piɔ̈u kï, acï guɔ aa yic.

2 Kor 11:2

Yɛn de yic tiɛɛl ë biäkdun, tiɛɛl ë Nhialic: luɔi cän week tɔ thiak ë mony tök, luɔi bän week gäm Kërtho cït man ë dhueny awai.

Nyöŋ 30:9

Ku ëtɛ̈ɛ̈n Bɛ̈nydït Nhialicdun abï week tɔ kueth aläl në luɔi de wecin ku abï week tɔ kɛɛr ayï daau ke ɣɔ̈kkun ayï rɛɛp ke pinydun abïk juëc. Ku Bɛ̈nydït abï piɔ̈u bɛ miɛt kekë week ku tɔ week kueth, cït man wään ee yen piɔ̈u miɛt kekë wärkun.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”

1 Pet 2:10

Ɣɔn wek ë cie kɔc, ku ënɔɔnë we cï aa kɔc ke Nhialic: wek aa kën kokdepiɔ̈u yök ɣɔn, ku ënɔɔnë acäk ja yök.

Nyuuth 21:2

Ku tiëŋ pänydït ɣeric, Jeruthalem cï piac cak, ke bɔ̈ piny paannhial, abɔ̈ tëde Nhialic, acï rɔt guik cït man ee nyan thiak rɔt kiir në këde monyde.