Yith 61:3 - JAM DE NHIALIC 2011

³ Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Yith 61:3 ပူးပေါင်းရင်းမြစ်များ

Ethta 8:15

Go Modekayo jäl ë melik lɔ̈ɔ̈m ke ceŋ lupɔɔ dït ke bääny de yiic kïn aräu cït luäät ku ɣeer ë biäk, ku lupɔ piɛth lɔ mot, ku lupɔ thiith amujuŋ, ku jɔ ya göldïït de bääny lɔ riauriau kekë adhɛ̈p, go raan ëbɛ̈n pänydït ë Thutha, bɛ̈n biic ke ke moc kiɛɛu de miɛtëpiɔ̈u.

Ethta 9:22

Kek ë nïnkë, kek aa cïï kɔc ke Judai röt kony në kɔc ke aterden cin, ku yen ë pɛɛiyë, yen aaye pɛɛi de jiɛthëpiɔ̈u ku dhiëëu, acï rɔt bɛ̈n puk ke ye pɛɛi de miɛtëpiɔ̈u. Acï ke bɛ̈n yɔ̈ɔ̈k bïk nïnkë aa döt, bï kek dhuëëŋ de miɛtëpiɔ̈u aa looi, ye kek biɔl de miɛtëpiɔ̈u näk röt, ku yek kɔc kuanynyïïn miɔɔc thïn ayadäŋ.

Diɛt 104:15

ago mɔ̈u luɔk ke bï ke tɔ mit piɔ̈ɔ̈th, ku miök de olip ee ke tɔ lɔ piɔ̈ɔ̈th yum, ku kuïn bï ke gäm riɛl.

Diɛt 149:4

Bɛ̈nydït ee miɛtëpiɔ̈u yök tëde kɔcke, ee kɔc ee röt kuɔɔr piny dhuëëŋ gup ë tiëm.

Diɛt 23:5

Yïn ee këcamdï kiëët në kɔc nïïm, kɔc de ater në yɛn, ku yïn ë ya tɔc nɔm në miök, ku abïnydï ë thiäŋ ka ee nɔm wɛt wei.

Diɛt 30:11

Yïn cï dhiënëpiɔ̈ndï puk ke ye cöŋ, yïn cï jiɛthëpiɔ̈ndï nyaai ku waar në miɛtëpiɔ̈u.

Diɛt 30:12

Yɛn cïï thok bï mim, yïn bä leec. Bɛ̈nydït Nhialicdï, yïn bä leec aɣet athɛɛr.

Diɛt 45:7

Yïn nhiaar piathëpiɔ̈u ku man rɛ̈ɛ̈c. Yeka cïï Nhialic, Nhialicdu yïn tɔc në miök de miɛtdepiɔ̈u awär meliik kɔ̈k.

Wɛ̈ɛ̈t 9:8

Ye kakuön kë dhuëëŋ cieŋ kedhie në aköölnyïïn.

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Yith 26:2

Liɛpkï athïïn ke pänydït ku takkï jur piɛthpiɔ̈u lɔ thïn, jur ye kɔcke yic looi.

Yith 44:23

Moc kiɛɛu de miɛtëpiɔ̈u, yïn paannhial! Moc kiɛɛu, wek ɣään thuth ke piny! Mockï kiɛɛu në miɛtëpiɔ̈u, wek kur, ku tim ëbɛ̈n tɔ̈u roor! Bɛ̈nydït acï dhuëëŋde nyuɔɔth, në biäk cïï Yen kɔckɛn ke Yithriɛl kony.

Yith 46:13

Yɛn bïï kööl de tiëm, acïï mɛc aläl taitai. Tiëmdï acïï bï gääu. Yɛn bï Jeruthalem kony, ku gäm riëëu Yithriɛl ëtɛ̈ɛ̈n.”

Yith 52:1

Jeruthalem, jɔ bɛ riɛl ku bɛ ë dït nyɔk! Pänydïït ɣeric de Nhialic, kum rɔt në piath! Kɔc kën Nhialic gam acïkï bï bɛ tëëk në thook ke kɛ̈lku.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Jeremia 31:13

Ka diäär kor abïk aa cöŋ ku mitkï piɔ̈ɔ̈th, ku röördït ku dhuök abïk dhuëëŋ looi. Abä keek luk piɔ̈ɔ̈th, ku pɔ̈k dhiënden ke ye miɛtëpiɔ̈u, ku pɔ̈k jiɛthëpiɔ̈nden ke ee piɔ̈n mit.

Edhekiɛl 34:29

Abä ke gäm duum ee ŋiëc luɔk, ku ta cɔk kääc ë piny yic. Acïï juöör kɔ̈k keek bï bɛ aa dhɔ̈l gup

Edhekiɛl 47:7

na wën la ɣet ëtɛ̈ɛ̈n, guɔ tiim juëc tïŋ ëtɛ̈ɛ̈n ë kiir nɔm biäkë ku biäkë.

Dhek 3:5

Na wën, ke lueel an, “Dɛ̈ɛ̈rkï nɔm lupɔ cïn guöp acuɔl.” Gokï dɛ̈ɛ̈r nɔm lupɔ cïn guöp acuɔl, ku yïkkï kɔ̈u lupɔ ke tunynhial ë Bɛ̈nydït ë kääc ëtɛ̈ɛ̈n.

Math 15:13

Go bɛ̈ɛ̈r an, “Wäl ëbɛ̈n wɛ̈ɛ̈l kënë piith ë wäär nu paannhial abï wöth bei kekë meeide.

Math 5:16

Yak ɣɛɛrdun tɔ riau aya ë kɔc nïïm, abïk luɔiduön piɛth aa tïŋ, agokï Wuöörduön nu paannhial aa lɛc nɔm.

Luk 15:22

Go wun lïïmke yɔ̈ɔ̈k an, ‘Bɛ̈ɛ̈ikï lupɔ piɛth aläldïïtë, ku tääukï ë yekɔ̈u, ku bɛ̈ɛ̈ikï guelɔ këde yenciin, ku war ka ke yencök.

Jɔn 15:8

Luɔk luɔk wek aläl, yen aye Wäär tɔ yök dhuëëŋ, yen abä wek aa kɔckiën ë piööcë.

Jɔn 16:20

Wek yɔ̈ɔ̈k ë yic an: We bï dhiau abäk dhuöör, ku kɔc ke pinynɔm abïk piɔ̈ɔ̈th miɛt: ku we bï piɔ̈ɔ̈th rac, ku rac de wepiɔ̈ɔ̈th abï rɔ puk abï aa miɛtëpiɔ̈u.

1 Kor 3:9

Wok ee kɔc ë luui në Nhialic ëtök: wek ee dom ë Nhialic. Ku yak alooc de Nhialic.

1 Kor 6:20

We cï ɣɔɔc ë ɣööc tuc: yen aa wek Nhialic tɔ yök dhuëëŋ në guöpdunic ayï wëikun yiic, kek ka ke Nhialic ka.

Pilipoi 1:11

Ke we bï thiɔ̈ɔ̈ŋ piɔ̈ɔ̈th ë kak ee piathëpiɔ̈u ke luɔk, kak ë bɔ̈ tëde Yecu Kërtho, ke Nhialic bï dhuëëŋ yök ayï lɛc.

2 Theth 1:10

të cï en guɔ bɛ̈n bï dhuëëŋ bɛ̈n yök ë kɔckɛn ɣerpiɔ̈ɔ̈th yiic, ku bïï kɔc diir ee köölë, kɔc gam kedhie (luɔi cä wek jam cuk lɛ̈k week gam).

Ɣeberuu 1:9

Yïn nhiaar piathëpiɔ̈u, ku man kërac. Yen kë ë lɔc Nhialic Yïn ka, Yen Nhialinydu, ku tɔc Yïn në miök ë dhuëëŋ de miɛt ë piɔ̈u, ku tɛ̈ɛ̈u Yïn tueŋ awär kɔc tɔ̈u në Yïn.”

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

1 Pet 4:14

Tën ee we cäk thook në biäk de rin ke Kërtho, ka ye thieithieei week, Wëi ke dhuëëŋ ku Wei ke Nhialic ë ke rɛ̈ɛ̈r ë wegup: ee ke bï aa läät tëde keek, ku ye dhuëëŋ tëde week.