Yith 61:1 - JAM DE NHIALIC 2011

¹ Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Yith 61:1 ပူးပေါင်းရင်းမြစ်များ

Diɛt 102:20

Acï teer de kɔc cï mac piŋ go kɔc gäm nɔm lääu kɔc cï guiir an bïï ke nɔ̈k.

Diɛt 147:3

Ee kɔc cï piɔ̈ɔ̈th jiɛth tɔ piɔl gup ku duut bɔ̈ɔ̈tken nyïïn.

Diɛt 149:4

Bɛ̈nydït ee miɛtëpiɔ̈u yök tëde kɔcke, ee kɔc ee röt kuɔɔr piny dhuëëŋ gup ë tiëm.

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Diɛt 22:26

Kɔc kuanynyïïn abïk cam abïk kuɛth, ku kɔc ee Bɛ̈nydït ŋɔ̈ɔ̈th abïk Bɛ̈nydït leec. Piɔ̈ndu abï tɔ̈u aɣet athɛɛr.

Diɛt 25:9

Ee kɔc ee röt kuɔɔr piny nyuöth yith, ku wëët ke në kuɛɛrke.

Diɛt 34:18

Bɛ̈nydït ee tɔ̈u tëthiɔ̈k kekë kɔc cï piɔ̈ɔ̈th dhuɔɔŋ, ee kɔc cï ciɛ̈n aŋäth kony.

Diɛt 45:7

Yïn nhiaar piathëpiɔ̈u ku man rɛ̈ɛ̈c. Yeka cïï Nhialic, Nhialicdu yïn tɔc në miök de miɛtdepiɔ̈u awär meliik kɔ̈k.

Diɛt 51:17

Nhialic miɔ̈cdï ee kuur cän rɔt kuɔɔr piny, Yïn cïï raan cï rɔt kuɔɔr piny ku gɛm karɛcke ee rɛɛc.

Diɛt 68:7

Nhialic, të wɛt Yïn kɔcku, ke Yï tëk ë jɔ̈ɔ̈ric,

Diɛt 69:32

Të lee ë kɔc yɔŋ ee kënë tïŋ, abïk piɔ̈ɔ̈th miɛt, kɔc ee Nhialic lam abïï ke riit piɔ̈ɔ̈th.

Bɛ̈n 28:41

Ku tääuwë lupɔɔkë në Aron kɔ̈u, wänmuuth kekë wɛ̈ɛ̈tke. Ku tɔ ke ee bäny ke kake Nhialic. Ku tɔc kenïïm ë miök de olip ku gämë keek luɔi, ke ke bï Ya luööi ke ke ye bäny ke kake Nhialic.

Bɛ̈n 29:7

Ku nöm miök de tɔc, ku wälë në yenɔm tɔc yïn en.

Yith 29:19

Kɔc kuanynyïïn ku kɔc ee röt kuɔɔr piny abïk miɛtëpiɔ̈u bɛ yök tëde Bɛ̈nydït, Nhialic Ɣeric de Yithriɛl.

Yith 30:19

Wek kɔc rɛ̈ɛ̈r ë Dhiɔn, kɔc ceŋ Jeruthalem, wek cïï dhiëëu bï bɛ nyɔk anandun. Bɛ̈nydït ee piɔ̈u kok, ku të la wek dhiau ke we kɔɔr kuɔɔny, abï këdun bɛ̈ɛ̈r.

Yith 30:26

Pɛɛi abï ruɛl cï akɔ̈l, ku akɔ̈l abï ruɛlde matic raandhorou, ka bï ciët ruɛl de nïn kadhorou matiic. Kënë abï rɔt looi të le Bɛ̈nydït tëtöök ke kɔcke duut nyïïn, ku tɔ ke dem, tëtöök ɣɔn cï gäm keek.

Yith 32:7

Raan dhɔ̈n arac ku karɛc looi, ee kɔc kuanynyïïn nɔ̈k në tör ë lueth, ku cïï ke tɔ yök yicden në gööny yic.

Yith 40:9

Dhiɔn, lɔ nhial në kuur bäär nɔm ku luel wëlpiɛth! Dhiɔn, cɔ̈t në röl dït, caalë wëlpiɛth! Luel këriëëc ku du riɔ̈c, lɛ̈kë wuöt ke Juda, nɔn bïï ë Nhialicden!

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 42:7

Yïn bï kɔc cï cɔɔr liep nyïïn ku lony kɔc cï mac në ɣööt ke döm col yiic.

Yith 48:16

“Ënɔɔnë bäär tëthiɔ̈k ku piŋ kë luɛɛl. Të ɣɔn gɔlë käŋ yɛn aacï jam në kɔc nïïm, ku ta wël cä ke lueel ee yith.” (Ënɔɔnë Bɛ̈nydït Awärjäŋ acï ya gäm riɛl ku tooc ɛn.)

Yith 49:9

Abä lɛ̈k kɔc cï mac an, ‘Lakkï në nɔm lääu!’ ‘Ku lɛ̈k kɔc tɔ̈u në mɔ̈ɔ̈th yic an, ‘Bäkkï bei lakkï ë ɣɛɛr yic!’ Abïk ciët amɛ̈l ee nyuäth në kur kor nïïm,

Yith 52:7

Ee kë piɛth cït ŋö bä raan toc tïŋ ke bɔ̈ ke cath ë kur nïïm, ke bïï wëlpiɛth, wël ke mät, wël ke piath! Ee thoŋ de tiëm caal, ku lɛ̈k Dhiɔn an, “Nhialicdu ee melik!”

Yith 52:9

Luɔikï awuɔɔu de miɛt ë piɔ̈u, we kak cï riääk ke Jeruthalem! Bɛ̈nydït abï pänydïïtde luök, ku riit kɔcke piɔ̈ɔ̈th.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 57:18

“Acä tïŋ yen të ye kek kaken luɔi thïn, ku abä ke tɔ waar. Abä ke wat ku kuɔny ke, ku yɛn bï kɔc dhiau duut piɔ̈ɔ̈th.

Yith 59:21

Ku luɔi mät wo week: wek cä gäm riɛldï ku wëëtdï, ke bï ya këdun aɣet athɛɛr, ku gɔl ënɔɔnë ɣeet wadäŋ, wek bï ya riëëu, ku wɛ̈ɛ̈tkï mïthkun ku kuatdun bïk ɛn aa riëëu aköölnyïïn bï ëbɛ̈n.”

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Jeremia 34:8

Go Jam de Bɛ̈nydït bɛ̈n tëde yɛn, wään cï melik Dhedekia kekë kɔc löŋ mac nɔn bïï lïïm gäm nɔm lääu ëbɛ̈n,

Jeremia 52:33

Ago Jekonia jɔ pɔ̈l bïï lupɔɔkɛn ke ɣön ë mac waar, ku jɔ aa cam paan ë melik në akööl ke pïïr de yic ëbɛ̈n.

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Ɣodh 6:1

Aye kɔc ke Yithriɛl lueel an, “Bä wëlku wopiɔ̈ɔ̈th Bɛ̈nydït. Acï wook yiëk gup tëtöök, ku ee Yen abï wook tɔ waar. Acï wook gäm gup bɔ̈ɔ̈t, ku ee Yen abï ŋoot ke tɔ bɔ̈ɔ̈tkuɔ dem.

Lebai 7:35

Kënë ee biäk de miɔ̈c Bɛ̈nydït, miɔ̈c ye looi në mac, miɔ̈c wään cï gäm Aron kekë wɛ̈ɛ̈tke, në kööl ɣɔn gëm ë keek Bɛ̈nydït. Bïk Bɛ̈nydït aa luööi ke ke ye bäny ke kake Nhialic.

Maika 3:8

Na yɛn, yɛn thiäŋ wokë riɛl ku Wëi ke Bɛ̈nydït. Yɛn cï riit piɔ̈u, ku gëmë ya yic, bän baai de Yithriɛl lɛ̈k awänyden, ku guiëër keek kërɛɛc cïk looi.

Math 11:5

Cöör ayïnkï, ku ŋöl aciɛthkï apiɛth, kɔc de gup wɛth acïk gup waar, mïŋ apïŋkï, kɔc cï thou acï ke jat nhial ka cïk pïïr, ku kɔc kuanynyïïn aye ke guiëër wëlpiɛth.

Math 3:16

Na wën, acï guɔ baptith, ke Yecu bɔ̈ bei ë pïïu yiic ënɔɔnthiinë, na wën, dï, ke tënhial liep eyic en, ago wëi ke Nhialic tïŋ ke ke lööny piny ke cït guöp guuk, bï ku nyuuc ë yenɔm,

Luk 7:22

Go Yecu bɛ̈ɛ̈r, yöök keek an, “Lakï, lɛ̈kkï Jɔn ka cäk tïŋ ku ka cäk piŋ, cöör acï ke tɔ yiɛ̈n ŋöl aciɛthkï, kɔc cïï wɛth dɔm acï ke tɔ waar, mïŋ apïŋkï, kɔc cï thou acï ke tɔ ɣɔ̈ɔ̈r, kɔc kuanynyïïn aye ke guiëër wëlpiɛth.

Jɔn 1:41

Go Thimon mänhë guöp kɔn yök, ku lëk en, an, “Wok ë Mathia yök (yen aye Kërtho, në thoŋda).

Jɔn 3:34

Raan ë tuuc ë Nhialic ee wël ke Nhialic lueel: ku acïï ë Nhialic miɔɔc ë Wëi në thëm them en keek.

Luɔi 10:38

Jam në këde Yecu de Nadhareth, luɔi cï Nhialic e tɔc në Wëidït ɣer, ku gɛ̈m riɛl. Ago piny aa caath ke ye këpiɛth looi, ku tɔ kɔc dem kɔc cïï jɔŋdït rac cieŋ ë ciɛɛŋ rac, luɔi ciɛthë Nhialic ke yen.

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Luɔi 4:27

Kɔc acïk guëër në yic, kɔc de ater në Yecu Wënduön ɣeric, Wënduön cï tɔc, yï Ɣerod ayï Pontio Pilato, kekë Juöör ku kɔc ke Yithriɛl, aake guëër tëtöŋë,

2 Kor 3:17

Ku Bɛ̈nydït en aye Wëidït: ku të nu Wëidït ke Bɛ̈nydït, en ee të nu luny bï kɔc lony.

2 Kor 7:6

Acakaa kakë kek ë nu, Nhialic, Raan ë kɔc riit piɔ̈ɔ̈th kɔc ë piɔ̈ɔ̈th dhiau, acï wo riit piɔ̈ɔ̈th në bɛ̈n de Tito.

Ɣeberuu 1:9

Yïn nhiaar piathëpiɔ̈u, ku man kërac. Yen kë ë lɔc Nhialic Yïn ka, Yen Nhialinydu, ku tɔc Yïn në miök ë dhuëëŋ de miɛt ë piɔ̈u, ku tɛ̈ɛ̈u Yïn tueŋ awär kɔc tɔ̈u në Yïn.”