Yith 60:7 - JAM DE NHIALIC 2011

⁷ Thök ke Kedar ku Nebayɔth abï ke yiɛ̈n week ke ke ye miɔ̈c näk ku abï ke gam në yïk nɔm agokï Bɛ̈nydït miët piɔ̈u. Bɛ̈nydït abï ɣönde gäm dhuëëŋ dït cïn kë kït kek.

Yith 60:7 ပူးပေါင်းရင်းမြစ်များ

Cäk 25:13

Akueerkï kɔ̈ɔ̈th cït man ë dhiënh ë dhiëëthë keek, gɔl ë mɛnh tueŋ alɔ gut në mɛnh ciëën. Rinken kï: Nebayɔth ee yen ee kɛ̈ɛ̈i de Yicmiɛl, ku Kedar, ku Adbeel, ku Miptham,

Jop 42:8

Ë nɔɔnë, nöm miöör kadhorou, ku nyök amɛ̈l kadhorou, yiɛ̈n ë ke Jop bï ke lɔ gam ke ke ye miɔ̈c näk, ku lɛ̈ŋ në biäkdun, ku Yɛn bï lɔ̈ŋde piŋ, ku wek cä bï yɔ̈ɔ̈r gup në ayär röŋ ke week. Wek kën jam në yith në biäkdï cït man ë yen.”

Diɛt 120:5

Amawoou në yɛn, yɛn raan rɛ̈ɛ̈r ë Mecek ku ciët raan rɛ̈ɛ̈r ë kɔc ke Kedar yiic.

Diɛt ke 1:5

Diëër ke Jeruthalem, yɛn col ku läk, yɛn col cï pɛɛny ke jɔ̈ɔ̈r de Kedar, ku läk cï lupɔɔ ke awëërnyïïn nu ɣön bɛ̈ɛ̈r de Tholomon yic.

Yith 19:19

Të lee köölë bɛ̈n, abï dɛ yïïŋ ë Bɛ̈nydït piny de Rip, ku mën ë kuur bï gäm En në aken ë Rip nɔm.

Yith 19:21

Bɛ̈nydït abï rɔt nyuöth kɔc ke Rip, ku abïk ŋic ku lamkï, ku abïk gäm ka näk ku miɔ̈c. Ku abïk gutguut aa lɛ̈k Bɛ̈nydït ku gɛmkï kë cïï kek gutguut lueel.

Yith 21:16

Go Bɛ̈nydït lɛ̈k ɛn an, “An në ruöön tökic ëgök kɛk ë dhiën de Kedar abï thök.

Yith 42:11

Takkï jɔ̈ɔ̈r ku pɛ̈ɛ̈nydïtke piɔny Nhialic, takkï bɛ̈i ke Kedar piɔny Yen! Takkï kɔc rɛ̈ɛ̈r në pänydïït de Thela moc kiɛɛu de miɛtëpiɔ̈u, në kur nïïm.

Yith 56:7

an, “Wek bä bɛ̈ɛ̈i Dhiɔn, në kuurdiën ɣeric nɔm, ku gäm yïn miɛtëpiɔ̈u ɣöndiën ë lɔ̈ŋ ku gam miɔ̈cduön ye nyop ëbɛ̈n cï gam në yïïŋdï nɔm. Luaŋdït abï ya cɔl ɣön ë lɔ̈ŋ de kɔc ke juöör ëbɛ̈n.”

Yith 60:13

“Tim de pain, ku tim de juniper, ku tim de ameth, ku tiim piɛth ke roor de Lebanɔn, abïï ke bɛ̈ɛ̈i bïï ë yïn bɛ̈n yïk, Jeruthalem. Ago tëdiën ɣeric tɔ läk, Ago pänydiëndït dɛk dhuëëŋ

Edhekiɛl 20:40

Në piny yic ëtɛ̈ɛ̈n, në kuurdiën ɣeric nɔm, kuur bɛ̈ɛ̈r de Yithriɛl, wek baai de Yithriɛl wedhie, wek bï yɛn lam. Yɛn bï piɔ̈u miɛt wo week, ku aŋääth nɔn bä wek yɛn gäm miɔ̈cduön näk, miɔ̈c piɛth, ku miɔ̈cduön ɣeric.

Edhekiɛl 27:21

Kɔc ke Arabia ku bäny ke piny de Kedar, ayek Kakuön yak ɣaac ɣɔɔc në nyök amɛ̈l kor, ku amɛ̈l, ku bɔɔth.

Maika 4:1

Në akööl ciëën wadäŋ, në kuur tɔ̈u ë Luaŋdït në yenɔm yen abï kɔ̈ɔ̈c ke ye kuur de naamde arëët në kur yiic kedhie abï kur kor wöör nïïm kedhie. Ka juöör juëc ëbɛ̈n, abïk aa guëër ë yelɔ̈ɔ̈m,

Dhep 3:10

Ayï kɔckiën cï thiäi piny, kɔc cieŋ wɛ̈ɛ̈r ë Ethiopia yɔu abïk A bɛ̈n gäm miɔ̈cden.

Dhek 2:8

Kë cï Bɛ̈nydït de rɛm lueel kï. Të ɣɔn cï yen ɛn dhuëëŋ guöp, ku juöör cï kɔcke peec la lɛ̈k keek an, “Raan lɔ we jak, ka ë nyin cooldï jakic.

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 15:16

Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer.

Ɣeberuu 13:10

Ku wook, wo de nïïm yïïŋ de läm gɛ̈ɛ̈iyë ku bäny ke kake Nhialic ee luui ë paany de Judai yic acïnkï nïïm kë cït ee kënë.