Yith 60:6 - JAM DE NHIALIC 2011

⁶ Thɔ̈rɔ̈ɔ̈l juëc abïk bɛ̈n, piny de Midian ku Eepa. Ku abïk bɛ̈n në Ceba abïk bɛ̈n, ke ke muk adhɛ̈p ke ke bïï adhääp ku wal ŋïr. Kɔc abïk Bɛ̈nydït leec në biäk de kë cïï looi!

Yith 60:6 ပူးပေါင်းရင်းမြစ်များ

Cäk 10:7

Käu de Kuc ee yï Theba kekë Ɣabila, ku Thapta, ku Raama, ku Thabteka. Ku käu de Raama ee yï Ceba kekë Dedan.

Cäk 25:13

Akueerkï kɔ̈ɔ̈th cït man ë dhiënh ë dhiëëthë keek, gɔl ë mɛnh tueŋ alɔ gut në mɛnh ciëën. Rinken kï: Nebayɔth ee yen ee kɛ̈ɛ̈i de Yicmiɛl, ku Kedar, ku Adbeel, ku Miptham,

1 Mel 10:2

Bïï Jeruthalem ke kɔckɛn cath ë yecök, ku thɔ̈rɔ̈ɔ̈l ɣɛ̈ɛ̈c wal ŋïr, ku adhɛ̈p juëc arëët, ku kur kuur läk. Na wën aacï yök kekë Tholomon, go luɔp në këriëëc nu ë yepiɔ̈u ëbɛ̈n.

2 Mel 8:9

Go Ɣadhiɛl thɔ̈rɔ̈ɔ̈l kathiërŋuan thiɔ̈ɔ̈ŋ kɔ̈ɔ̈th në këriëëc piɛth de Damathko ëbɛ̈n. Na wën cï bɛ̈n ke kääc ë Elica nɔm, ku lɛ̈k en an, “Lïmdu Benɣadad melik de Thiriya acï yɛn tuöc yïn bä yï bɛ̈n thiëëc an, “Bä guöp pial ku nɔn cä guöp bï pial në juän tɔ̈u ke yɛn?”

1 Lëk 1:33

Ku dhiëth Midian wɛ̈ɛ̈tke kadhïc, Eper, Eeper, Ɣanook, Abida, ku Eldaa, kakë kedhie ayek käu de Ketuura.

2 Lëk 9:1

Na ɣɔn aa piŋ tiiŋ melik de Ceba kɛk de Tholomon, go jɔ keny ke lɔ Jeruthalem ke bï melik Tholomon lɔ them në ka ril yiic arëët. Ago bɛ̈n kekë kɔckɛn ee ye luööi ku thɔ̈rɔ̈ɔ̈l juëc ɣɛ̈ɛ̈c adhääp, ku ateek, ku kuur läk. Na wën aacï jɔ rɔ̈m kekë Tholomon go luɔp në loop juëc tɔ̈u ë yenɔm.

Diɛt 67:4

Tɔ juöör ëbɛ̈n mit piɔ̈ɔ̈th, ku kïtkï në miɛtëpiɔ̈u, në luöi Yïn löŋ de kɔc guiir në yic, ku tit jur ëbɛ̈n ë pinynɔm

Diɛt 72:10

Meliik ke Tarcic kekë meliik ke tuöör, abïk miɔɔc në miɔ̈c, meliik ke Ceba kekë Theba, abïk yen yiɛ̈n miɔ̈c.

Diɛt 72:15

Yïn bï pïïr athɛɛr melik! Tɔ gëmë adhäm de Ceba, abï ya gäm lɔ̈ŋ aköölnyïïn ëbɛ̈n, ku athiɛɛi de Nhialic abï ya täu kekë yen aɣet athɛɛr!

Yith 30:6

Kënë ee jam bɔ̈ tëde Nhialic në biäkde läi ke piny de wöuwic an, “Tuuc yak tooc, ayek cath piny ë riɔ̈ɔ̈c de yic kɔ̈ɔ̈r ku karɛc de thook wurïï ayï ŋuäl ee päär. Ayek mulken ku thɔ̈rɔ̈ɔ̈lken thiɔ̈ɔ̈ŋ kɔ̈ɔ̈th në kajuëc ke miɔ̈c le gäm jur cïï keek ee kony.

Yith 42:10

Kɛ̈të Bɛ̈nydït din piac cak, kɛ̈tkï lɛcde, wek pinynɔm ëbɛ̈n! Lɛckï wek kɔc ee cath në wïïr, lɛckï wek ka cï cak në abäpdit yic! Kɛ̈tkï wek piiny mec, ku kɔc ëbɛ̈n rɛ̈ɛ̈r ëtɛ̈ɛ̈n!

Yith 45:14

Aye Bɛ̈nydït lɛ̈k kɔc ke Yithriɛl an, “Kuɛth de Rip ku Ethiopia abï ya këdun, ku kɔc bär ke Theba abïk aa lïïmku, abïk yïn kuany cök në kuɛɛt. Abïk kenïïm guöt piny në yïnɔm ku gamkï awɛ̈ɛ̈cken ‘Nhialic atɔ̈u ke yïn, yen yetök yen ee Nhialic.

Yith 60:9

Kek abëël wïïr ke Tarcic bɔ̈ piny mec abïïkï kɔc ke Nhialic baai. Abïïkï atek ku adhɛ̈p në keek ëtök bïï kek Bɛ̈nydït bɛ̈n dhuëëŋ guöp. Nhialic Ɣeric de Yithriɛl, Raan cï juöör ëbɛ̈n tɔ dhuëŋ kɔcke gup.

Yith 61:6

Ku wek bï jɔ ŋic ke we ye bäny ke kake Bɛ̈nydït, lïïm ke Nhialicda, we bï dhuëëŋ de kajuëc ke juöör cam Ku jakkï röt leec nɔn ye kek kakun.

Jeremia 6:20

Eeŋö bï Ya tɔ diɛɛr në wal ŋïr yek bɛ̈ɛ̈i në Ceba, ku nɔn ee wal tum ye keek bɛ̈ɛ̈i piny mec? Yɛn cïï miɔ̈cdɛn ye nyop ëbɛ̈n bï gam ku cä piɔ̈u bï miɛt wo miɔ̈ckɛn näk.

Edhekiɛl 27:22

Në biäk de kakuön yak ɣaac, yen aye kɔc ke Ceba ku Raama ee käŋ ɣaac ke ɣɔɔc, ayek keek waar në adhääp, ku kuur läk, ku wal ŋïr.

Dhep 3:10

Ayï kɔckiën cï thiäi piny, kɔc cieŋ wɛ̈ɛ̈r ë Ethiopia yɔu abïk A bɛ̈n gäm miɔ̈cden.

Dhek 14:16

Ëtɛ̈ɛ̈n juöör cï dɔ̈ŋ ke ke pïïr ëbɛ̈n, në juöör wään cï Jeruthalem mak, abïk aa lɔ ëtɛ̈ɛ̈n ë run nyïïn ëbɛ̈n bïk Bɛ̈nydït de rɛm lɔ lam ke ee Melik, ku abïk dhuëëŋ de kɛ̈ɛ̈t lɔ looi.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Math 2:11

Na wën, acïk bɛ̈n ɣöt, ke ke tïŋ mɛnhthiinë kekë Meri man, agokï röt cuat piny, ku lamkï, ku të cï kek wëuken liep nïïm, ke miɔckï ë käŋ, adhääp ayï wal ŋïr, ayï mer.

Romai 15:9

ku luɔi bï Juöör Nhialic aa lɛc nɔm ayadäŋ në baŋ de kok cï en piɔ̈u kok ke keek, acït man cï gɔ̈ɔ̈r e an, “Yen abä yɛn këdu gam ë Juöör yiic, Ku piaany rinku.”

Nyöŋ 32:43

“Wek juöör jakï kɔcke leec, në baŋ yen riɛm de kɔcke guöör Ku lui kɔc ë näk keek këtuc, ku pɛ̈l awɛ̈ɛ̈c ke kɔcke.”

Pilipoi 2:17

Yeka, ku na cäk wëikï luööŋ ë yïk nɔm, ku luuŋë ke ë luɔi nɔm aya, luɔiduön ë gäm cä wek gam, ka mit ë yapiɔ̈u, ku yɛn mit piɔ̈u wokë week wedhie.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

Bäny 6:5

Ayek bɛ̈n në ɣɔ̈kken ku pɛɛnyken, cït man ë kɔyɔm dïït cïï lëu ë kuɛ̈n, ku thɔ̈rɔ̈ɔ̈lkɛn juëc aläl. Aake ye bɛ̈n ku riäkkï piny.

Bäny 7:12

Na wën, go kɔc ke Midian, ku kɔc ke Amalek, ku kɔc rɛ̈ɛ̈r ë biäk të lɔ aköl amiäk bɛ̈n piɔ̈ɔ̈t në wakic cït lönydïït ë kɔyɔm ku keek adekï thɔ̈rɔ̈ɔ̈l juëc cïï lëu në kuɛ̈n, thɔ̈rɔ̈ɔ̈l cït liɛɛt ë wɛ̈ɛ̈r yɔu.