Yith 60:5 - JAM DE NHIALIC 2011

⁵ Wek bï ee kënë tïŋ ku wek bï thiäŋ në miɛtëpiɔ̈u, wek bïï ke lath, në miɛt cä wek piɔ̈ɔ̈th miɛt. Kajuëc ke juöör abïï ke yiɛ̈n week, Kajuëcken abïk bɛ̈n në wɛ̈ɛ̈r lɔŋ tui.

Yith 60:5 ပူးပေါင်းရင်းမြစ်များ

Diɛt 119:32

Abä them aläl bä lööŋku aa döt, në biäk bï Yïn yɛn gäm yöŋ de käŋ yiic dït.

Diɛt 34:5

Kɔc yɔŋ ayek lɔ tëde Bɛ̈nydït gokï piɔ̈ɔ̈th miɛt, acïkï bï kɔn yäär.

Yith 23:18

Wëu le yök në ɣööc yic, abï ke gäm Bɛ̈nydït. Acïï ke bï tɔ̈ɔ̈u tëmec, ku kɔc ee Bɛ̈nydït lam abïk wëuke nööm ɣɔɔc kek ke këcam ku lupɔɔ kɔɔrkï.

Yith 54:2

Loi paanyduön rëër yïn thïn ke dït, loi wïïnke ke ke bär ku piäätë lɔ̈cke aril!

Yith 60:11

Aköl ku wakɔ̈u, athïïnku abïk thook tueer, ago meliik ke juöör yï yiɛ̈n kajuëcken.

Yith 61:6

Ku wek bï jɔ ŋic ke we ye bäny ke kake Bɛ̈nydït, lïïm ke Nhialicda, we bï dhuëëŋ de kajuëc ke juöör cam Ku jakkï röt leec nɔn ye kek kakun.

Yith 66:12

Aye Bɛ̈nydït lueel an, “Yïn bä yiën kuɛth cïï kɔ̈u bï tɛɛm, kajuëc ke juöör abïk wɛt tëde yïn cï pïïu ke kiir cie dëu. Yïn bï ciët mɛnh thiin ye boom në yeyɔu, ku ye luööi në nhiëër.

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Math 25:16

Na wën, ke raan wën cï gäm aguum kadhïc, ke lɔ, go käŋ ɣɔɔc në keek, ago aguum kadhïc ke wëu kɔ̈k yök ayadäŋ ë ɣööcic.

Luɔi 10:45

Go kɔc cï gam kɔc cï cueel, ke kɔc wën bɔ̈ në Petero ëtök, agokï gäi kedhie, luɔi cï Juöör miɔɔc në Wëidït ɣer ayadäŋ, luuŋëke ë kegup.

Luɔi 11:17

Ku ënɔɔnë, të cï Nhialic keek miɔɔc në miɔ̈c cït miɔ̈c cï en wo miɔɔc, wään cï wo Bɛ̈nydït Yecu Kërtho gam, ku yɛn, ya ŋa, duɛ̈ɛ̈r Nhialic pɛ̈n luɔide?”

Luɔi 24:17

“Ku ënɔɔnë, të cän run juëc lɛɛr, ke ya jɔ bɛ̈n bä ka cï gam në dhuëëŋ bɛ̈n yiɛ̈n jurda, ayï ka cï yiɛ̈n Nhialic.

Romai 11:25

Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

Romai 15:26

Kɔc ke Makedonia kekë Akaya acïk käŋ juɛ̈ɛ̈r kɔc në miɛt ë kekpiɔ̈ɔ̈th kɔc ɣerpiɔ̈ɔ̈th kuanynyïïn nu ë Jeruthalem.

2 Kor 10:15

wo cïï röt duëër leec ë ka nu ë akenda baŋtui, kek aye luɔi ë looi kɔc kɔ̈k, ku kënë aŋäthku an, të cï gämdun rɔt guɔ ŋuak, ke riɛlda bï dït ë weyiic, ku ŋootku ke wo pëk akenda, agoku lɔ tueŋ.

Nyöŋ 33:19

Acïk alɛi caal në kurken yiic, ku gɛmkï miɔ̈c piɛth ëtɛ̈ɛ̈n Ayek kuɛthden yök wïïr ku në ë liɛɛt nu ë wɛ̈ɛ̈r yɔu.”

Nyuuth 21:24

Ku juöör abïk aa cath ë ɣɛɛrdeyic: ku meliik ke piny nɔm ayek dhuëëŋden bɛ̈ɛ̈i thïn ku riëëuden.

Nyuuth 21:26

Ku abïk dhuëëŋ de juöör bɛ̈ɛ̈i thïn ayï riëëuden.

1 Tham 2:1

Go Ɣana lɔ̈ŋ ayadäŋ ku lueel an: “Piɔ̈ndï amit në Bɛ̈nydïtic, yɛn mit piɔ̈u arëët në biäk de kë cïï Bɛ̈nydït luöi ɛn! Ee yɛn tɔ dɔl kɔc ke ater gup, yɛn mit piɔ̈u aläl në luääkde!