Yith 60:19 - JAM DE NHIALIC 2011

¹⁹ “Ruɛl de akɔ̈l acïï bï bɛ aa ɣɛɛrdun aköl ayï pɛɛi acïï bï bɛ aa ɣɛɛrdun wakɔ̈u, Yɛn Bɛ̈nydït, Yɛn abï ya ɣɛɛrduön tɔ̈u athɛɛr, ɣɛɛr de dhuëëŋdï abï riaau ë wegup.

Yith 60:19 ပူးပေါင်းရင်းမြစ်များ

Diɛt 3:3

Ku Yïn Bɛ̈nydït, Yïn aye köndiën ee ya gël ë katuc, Yïn ee ya tɔ tiëm, ku rit a piɔ̈u.

Diɛt 36:9

Ee yïn ee wook gäm awaŋ de pïïr, ku ɣɛɛrdu ee wook tɔ mit piɔ̈ɔ̈th në pïïric.

Diɛt 4:2

Wek kɔc, bäk ɛn jɔ yɔŋ agut cï nɛn? Bäk ka ɣääriic jɔ nhiaar agut cï nɛn ku jakï cath në lueth cök?

Diɛt 62:7

Kuɔɔnydï kekë dhuëëŋdï atɔ̈ukï tëde Nhialic, Yen ee kuurdiën ril, Yen ee tëdiën ë thiaan Yen Nhialic.

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Diɛt 84:12

Thieithieei në kɔc ee Bɛ̈nydït de rɛm ŋɔ̈ɔ̈th!

Yith 2:5

Ënɔɔnë wek kuat ë Jakop, jɔku cath në ɣɛɛric, ɣɛɛr cï gäm wook në Bɛ̈nydït!

Yith 24:23

Pɛɛi abï nyin cuɔl, ku akɔ̈l acï bï bɛ ruɛl, në luɔi bï Bɛ̈nydït de rɛm aa melik. Abï Jeruthalem mac në kuur ë Dhiɔn nɔm, ku röördït abïk dhuëëŋde tïŋ.

Yith 28:5

Ade kööl bɔ̈, kööl bï Bɛ̈nydït de rɛm ciët göl ë dhuëëŋ ë gaak moc tëde kɔckɛn cï döŋ apïïr.

Yith 30:26

Pɛɛi abï ruɛl cï akɔ̈l, ku akɔ̈l abï ruɛlde matic raandhorou, ka bï ciët ruɛl de nïn kadhorou matiic. Kënë abï rɔt looi të le Bɛ̈nydït tëtöök ke kɔcke duut nyïïn, ku tɔ ke dem, tëtöök ɣɔn cï gäm keek.

Yith 41:16

Abäk ke wɛɛr ë yomic, abïï yom ke gap wei, ku jɔ amaŋdït ke riäär piny. Ëtɛ̈ɛ̈n wek bï piɔ̈ɔ̈th jɔ miɛt në biäk ee Yɛn Nhialicdun, wek bï Yɛn piɔɔny, yɛn Nhialic Ɣeric de Yithriɛl.

Yith 45:25

Yɛn Bɛ̈nydït, Yɛn bï kuat de Jakop luök, ku abïk Ɛn jɔ piɔɔny.

Yith 51:11

Kɔc ɣɔn ca ke kony, abïk ɣet Jeruthalem në miɛtëpiɔ̈u, ke ke kët ku wuoukï në miɛtëpiɔ̈u. Abïk piɔ̈ɔ̈th miɛt aɣet athɛɛr, abïk nïïm lääu aɣet athɛɛr të cïn dhiëëu ku jiɛthëpiɔ̈u.

Yith 60:1

Jɔt rɔt, Jeruthalem ku jɔ piny riaau abä ciët ruɛl de akɔ̈l, dhuëëŋ de Bɛ̈nydït alɔ riauriau në yï kɔ̈u!

Yith 9:2

Kɔc ɣɔn cath ë mɔ̈ɔ̈thic acïk ɣɛɛrdït tïŋ. Aake rɛ̈ɛ̈r piny de atïïp ke thuɔɔu, ku ënɔɔnë ariɛɛu ë ɣɛɛr keek.

Dhek 2:5

Ku yɛn guöpdï, yɛn abï ya kal ë mac, kë bï ye gël. Ku ee yɛn abï ya dhuëëŋdɛn tɔ̈u yeyic thïn. Yen kë cï Bɛ̈nydït lueel ka.

Dhek 2:9

Yɛn bï yaciin yɔ̈k keek, ka abï lïïmken ke peec. Yen abä wek en jɔ ŋic nɔn cï Bɛ̈nydït de rɛm ɛn tooc ë yic.

Luk 2:32

Abï aa many bï juöör aa nyuööth, ku bï aa dhuëëŋ de jurduön Yithriɛl.”

Nyöŋ 10:21

Yak leec. Ee Nhialicdun, ku acäk keek tïŋ ë wenyïïn wapäc, kek kadït ku göök dït cï ke luöi week.

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.

Nyuuth 22:5

Ku acïn wakɔ̈u bï bɛ nu, ku acïkï manyëalath ee kɔɔr, ayï ruɛl ë akɔ̈l, Bɛ̈nydït Nhialic en abï pinyden riaau, ku abïk piny cieŋ aɣet wadäŋ thɛɛr.