Yith 60:18 - JAM DE NHIALIC 2011

¹⁸ Awuɔɔu ë tɔŋ acïï bï bɛ piŋ, riääk acïï bï bɛ bɛ̈n pinydun, wek bä gël ku kuɔny week cït päny, wek bï ya leec në biäk cän week kony.

Yith 60:18 ပူးပေါင်းရင်းမြစ်များ

2 Tham 7:10

Ku yɛn bï kɔckiën ke Yithriɛl lɔ̈c piny, ku abä cuɔm keek agokï rëër ë bɛ̈iken yiic, ke cïn kë bï keek bɛ nuaan. Ku kɔc ee kërac looi acïkï keek bï bɛ nuaan cït man ɣɔn.

Diɛt 147:14

Ee Yen akɛɛthkun gël bïk tɔ̈u ke cïn riɔ̈ɔ̈c, ku tɔ week kueth në agamɔ piɛth.

Yith 11:9

Në Dhiɔn nɔm kuur ɣeric de Nhialic, abï ciɛ̈n kë bï raan luöi buɔ̈t ku nɔn ee kërac. Piny abï nɔm thiäŋ ke ŋïny de Bɛ̈nydït cït man ee wɛ̈ɛ̈r thiäŋ në pïïu.

Yith 2:4

Abï ateer tɔ kääc në kɛm ke juöördït ke piny nɔm. Abïk abätɛ̈ɛ̈uken thɔ̈ɔ̈th ke ke ye pur, ku tɔɔŋken ke ke ye leem ke tëm. Juöör acïkï tɔŋ bï bɛ aa lɛɛr, ku nɔn bekï tɔŋ kiëët.

Yith 26:1

Ade kööl bɔ̈, kööl bï kɔc dinë kiit piny ë Juda: Pänydïïtda aril! Nhialic guöpde Yen agël kɛ̈lke!

Yith 26:2

Liɛpkï athïïn ke pänydït ku takkï jur piɛthpiɔ̈u lɔ thïn, jur ye kɔcke yic looi.

Yith 51:19

Riäŋdïït ee yic rou acï we lɔ̈ny: pinydun acï riääk në tɔɔŋ biɔ̈k, ku kɔckun anɛ̈k cɔk keek. Acïn raan nyuth we kokdepiɔ̈u.

Yith 54:14

Piathëpiɔ̈u ku yic abïk yïn tɔ ril. Yïn bï kony në yaaŋ ku riɔ̈ɔ̈cdït.

Yith 56:5

ke rinkun abï keek aa tak Luaŋdït, ku në kɔckï yiic ke kaam dït, awär luɔi duëër yïn nɔm dɛ wäthii ku duet. Kɔc acïkï nïïm duëër kɔn në yïn.”

Yith 60:11

Aköl ku wakɔ̈u, athïïnku abïk thook tueer, ago meliik ke juöör yï yiɛ̈n kajuëcken.

Yith 60:17

“Yïn bä yiɛ̈n adhääp në nyin ë maläŋ yic, ku ateek ku maläŋ në nyin ë wëëth ku tiim yiic, ku wëëth në nyin ë kuur yic, bänykun acïkï we bï bɛ yɔŋ abä ke tɔ mac week në piathëpiɔ̈u ku mät.

Yith 61:11

Cït man ŋic wok luɔi ye kɔ̈th cï com goŋ, Bɛ̈nydït Awärjäŋ abï piathëpiɔ̈u ku lɛc tɔ loi rɔt, ku abïï juöör ëbɛ̈n leec.

Yith 62:10

Kɔc ke Jeruthalem, lakkï biic në pänydït yic Ku luɔikï kueer de kɔckuön dök ciëën! Guiɛɛrkï kueer dït yic, nyaaikï kur thïn! Tääukï beer nhial ke bï ë juöör ŋic.

Yith 62:4

Yïn cïï bï bɛ aa cɔɔl an, “Raan cï pɔ̈l,” ku nɔn cɔl pinydu an, “Tiiŋ cï pɔ̈l.” Rinkuön cï piac cak abï aa cɔɔl an, “Nhialic amit piɔ̈u ke yen.” Pinydun abï aa cɔɔl an, “Thiëŋ de Miɛtëpiɔ̈u,” në biäk mit ë Bɛ̈nydït piɔ̈u ke yïn, ku abïï ciët mony de tik ke pinydun.

Yith 62:7

Acïkï bï dhil tɔ lɔ̈ŋ aɣet të bï yen Jeruthalem kɔn yïk, ku looi ke ye pänydït bï leec ë pinynɔm ëbɛ̈n.

Edhekiɛl 42:20

go them në biäk kaŋuan kedhie, go yök ye mitïïr bot kaarou ku thiërdhïc, në biäk kedhie. Päny acï rɔt looi ke ye gëlgël në kaam de kë ɣeric kekë kë cïï yic ɣer.

Maika 4:3

Bɛ̈nydït abï wël ke juöör juëc guiir, juöör ril nu të thiɔ̈k ayï të mec aya. Acïn jur bï jur bɛ yiɛ̈n tɔŋ. Ku cïn raan bï tɔŋ bɛ aa guik. Ka abïk abätɛ̈ɛ̈uken thɔ̈ɔ̈th tɔkï keek ee pur, ku tɔkï tɔɔŋken ee leem ke tëm ë rap.

Dhep 3:19

Kööl abɔ̈! Yɛn bï kɔc yɔŋ week luöi këtuc, Yɛn bï kɔc kɔ̈c kony ëbɛ̈n ku pɔ̈k kɔc cï peec nïïm wut. Yɛn bï ayärden puk ke ye dhuëëŋ, ku abïï pinynɔm ëbɛ̈n keek aa leec.

Dhek 2:5

Ku yɛn guöpdï, yɛn abï ya kal ë mac, kë bï ye gël. Ku ee yɛn abï ya dhuëëŋdɛn tɔ̈u yeyic thïn. Yen kë cï Bɛ̈nydït lueel ka.

Dhek 2:9

Yɛn bï yaciin yɔ̈k keek, ka abï lïïmken ke peec. Yen abä wek en jɔ ŋic nɔn cï Bɛ̈nydït de rɛm ɛn tooc ë yic.

Dhek 9:8

Yɛn bï pinydï gël apiɛth, ku acïn rem de tɔŋ bï ye bɛ reetic. Kɔckï acä keek bï bɛ tɔ yɔŋ ë raan ananden, abä keek gël në yɛn.