Yith 6:5 - JAM DE NHIALIC 2011

⁵ Aguɔ lueel an, “Acïn aŋäth tɔ̈u ke yɛn! Amawoou në yɛn! Në luɔi ye wël rac bɛ̈n bei në yethok, ku yɛn rɛ̈ɛ̈r wokë kɔc ee wël rac bɛ̈ɛ̈i bei në kethook. Ku yɛn cï Melik, Bɛ̈nydït de rɛm tïŋ në yanyin.”

Yith 6:5 ပူးပေါင်းရင်းမြစ်များ

Cäk 32:31

Go Jakop jäl Peniɛl ke akɔ̈l ë bɔ̈ thok, ku ciɛth ke kɔm në këde yeɣöi.

Diɛt 24:10

Eeŋa yen ee melik dït? Cie Bɛ̈nydït de rɛm yen ee melik dït!

Bɛ̈n 24:10

Gokï Nhialic de Yithriɛl tïŋ. Yecök piny ade kë cït kuur cï yiu në kuur lɛ̈k de thapiro, ku alɔ ŋirŋir ke ye kän aräu cït tënhial.

Bɛ̈n 3:6

Ee Yɛn Nhialic de kuarkun, Nhialic de Abraɣam kekë Yithaak ku Jakop.” Go Mothe riɔ̈ɔ̈c luɔi bï yen Nhialic woi, go yenyin kum.

Bɛ̈n 33:20

Yïn cä bï tɔ tïŋ A nyin, në luɔi cïn en raan ee Ya tïŋ nyin ku be pïïr.

Bɛ̈n 4:10

Go Mothe Bɛ̈nydït lɔ̈ŋ an, “Acie yen Bɛ̈nydït, yɛn kën kɔn aa raan ŋic jam ë caŋdï, gɔl të wën ë ciɛk Yïn jam wekë yɛn aɣët cï ye manë. Yɛn thiek liep, ka yɛn ye jam ban.”

Bɛ̈n 6:12

Go Mothe puk nɔm an, “Bï melik ya gam thok adï, ku kɔc ke Yithriɛl gupken akënkï ya gam thok? Ku yɛn ye jam ban ayadäŋ.”

Bɛ̈n 6:30

Go Mothe puɔ̈k nɔm En an, “Yïn ŋic ɛn nɔn yan raan ye jam ban, ka melik bï ya piŋ thok adï?”

Yith 24:16

Në wuöt nu ë piny thar, wo ee diɛt ke dhuëëŋ leecë Raan piɛthpiɔ̈u piŋ. Ku acïn aŋäth tëde Yɛn! Amawoou, yɛn dhiau piɔ̈u! Kɔc ayek a nyiɛɛn, ku nyiinden ee lɔ ke ŋuak rɔt arëët.

Yith 29:13

Acï Bɛ̈nydït lueel an, “Kɔckë ayek röt tɔ ye kɔc lam ɛn, ku jamden ee ɣɔ̈ric, ku piɔ̈ɔ̈thken anukï tëdäŋ pei. Ka yek theek ee lööŋ ke kɔc tei, ku ciɛɛŋ thɛɛr, ka cïk keek tääu ë kenïïm.

Yith 33:17

Wek aya wek bï melik tïŋ ke cï kuɛth ku mɛc piny dïït lääuwic në tuŋ ëbɛ̈n.

Yith 59:3

Wek de gup awɛ̈ɛ̈c ke jam në lueth, ku aköörkuöör, ku nääk.

Yith 64:6

Wok de gup awɛ̈ɛ̈c wodhie, cakaa nɔn ye luɔidan piɛth ŋoot ke rac. Në biäk de awɛ̈ɛ̈ckuɔ, wok cï ciët yïth ke tiim ee biɔɔr ku gɔp yom keek.

Jeremia 1:6

Guɔ pɔ̈k nɔm Yen an, “Bɛ̈nydït yɛn ee raan kuc jam ku yɛn koor.”

Jeremia 51:57

Yɛn bï bänyken ku röörkɛn pelnïïm tɔ wiɛɛt, ku bäny ke baai, ku rem ë tɔŋ. Abïk lɔ niin ku cïkkï be pääc taitai. Acä lueel Yɛn melik, Ee Yɛn Bɛ̈nydït de rɛm.

Edhekiɛl 12:2

“Mɛnh ë raan, yïn rɛ̈ɛ̈r we kɔc cï löŋ rɛɛc. Keek adekï nyïïn, ku acïn kë yek tïŋ, adekï yïth, ku acïn kë yek piŋ, në biäk cï kek löŋ rɛɛc.

Edhekiɛl 33:31

Ka kɔckï ayek kenïïm kut ke ke kɔɔr bïk kë bä lueel piŋ, ku acïkï kë cï lɛ̈k keek bïk looi ee looi. Wël ke nhiëër në kethook, ku ayek ŋoot ke ke cath në kuɛɛrkɛn ke dït de piɔ̈u yiic.

Danyel 9:20

Guɔ jɔ ŋoot ke ya läŋ, ku gam karɛckï, ku karɛc ke kɔckï Yithriɛl, ku caal Bɛ̈nydït Nhialicdï, në biäk bï yen ɣöndɛn ë Bɛ̈nydït ɣeric bɛ tɔ yïk.

Ɣabakuk 3:16

Yɛn ëbɛ̈n lath yäc wën piɛŋ ɛn ee kënë ëbɛ̈n, yɛn cï bɛ̈n lath röl në riɔ̈ɔ̈c. Guɔ guöp lɔ bath, ku lɛthë yacök të wën kääc ɛn. Yɛn bï tïït ë lik në bɛ̈n bïï ë kööl bïï ë Nhialic kɔc ee wook mak bɛ̈n luöi këtuc.

Kuɛ̈n 17:12

Go kɔc ke Yithriɛl lɛ̈k Mothe an, “Yen thökda ka!

Bäny 13:22

Go ë Manowa lɛ̈k tiiŋde an, “Wook cï jɔ thou, në baŋ cï wok Nhialic tïŋ!”

Bäny 6:22

Go Gidiɔn jɔ ŋic nɔn ee yen tunynhial ë Bɛ̈nydït, go gäi, lueel an, “Nhialic, Bɛ̈nydït! Yɛn cï tunynhialdu tïŋ nyin!”