Yith 6:4 - JAM DE NHIALIC 2011

⁴ Awuɔɔu de kek röt ee këërkëër de Luaŋdït tɔ lɛthë, ku Luaŋdït guöpde acï thiäŋ ke tol.

Yith 6:4 ပူးပေါင်းရင်းမြစ်များ

2 Lëk 5:13

Kɔc koth kɛŋ, ku kɔc ket diɛt, acïk ke röt mat abï ciët röl ë raan tök, bïk lɛc ku dhuëëŋ gäm Bɛ̈nydït. Ku ciɛthkï në lɔ̈r, ku kɛŋ ku thom, acïk ke röl jat nhial ku yek Bɛ̈nydït leec ku lëkkï thieithieei ë diɛt an, “Pianykï Bɛ̈nydït në biäk de piɛthde, Ku nhiëërdɛn agɔk atɔ̈u athɛɛr.” Na wën aa jɔ bäny ke kake Nhialic Luaŋdït nyääŋ piny, go guɔ thiäŋ ëthiäu ke luäät, ku riau de ɣɛɛr ë Bɛ̈nydït,

Diɛt 18:8

Ago tol lɔ nhial në yewum, ku atiam de many dɛ̈p ë yethok ku bɔ̈ many ee biɔ̈l bei në yeguöp.

Bɛ̈n 40:34

Na wën, ke luät ë kum paany de mät piny, ku jɔ riau dïït lɔ wic ye thiɔ̈ɔ̈ŋic, riau de dhuëëŋ de Bɛ̈nydït.

Edhekiɛl 1:24

Guɔ awuɔɔu de wuök aa piŋ të pɛ̈ɛ̈r kek, ee ciët awuɔɔu de pïïu ke wɛ̈ɛ̈r, acït awuɔɔu de rem de tɔŋ dït, ku acït röl de Nhialic Awärjäŋ. Të cïï kek kɔ̈ɔ̈c në päär, ayek wuökken kuöm në kegup,

Edhekiɛl 10:5

Ku awuɔɔu looi ë wuök ke cerubiim aye piŋ ë kal kɔ̈u biäk biic aya. Aye piŋ cï röl de Nhialic Awärjäŋ.

Edhekiɛl 41:16

Ku ɣään ye kɔc kɔ̈ɔ̈c luaŋdït acï ke cuëëc ë tiim ë bɛ̈n, gɔl piny leer në awëër nyïïn. Kek awëër nyïïnkë aduëër ë keek kum.

Edhekiɛl 44:4

Go raan a jɔt leer yɛn në thoŋ të lɔ rut nu Luaŋdït thok tueŋ. Na wën aa tiëŋ Luaŋdït ke cï thiäŋ ke ɣɛɛr de riau de dhuëëŋ ë Bɛ̈nydït, guɔ rɔt cuat piny ke ya gut yanɔm piny,

Amoth 9:1

Yɛn ë Bɛ̈nydït tïŋ ke kääc në yïk lɔ̈ɔ̈m, ku lueel an, “Yup gɔ̈ɔ̈l nu ë mën ke Luaŋdït nïïm aläl ke yiɛɛu bï lath ku thiɔ̈i ke. Dhuɔŋë ke wei, ke ke bï wïïk në kɔc nïïm kedhie. Kɔc cï döŋ ë keyiic, abä keek nɔ̈k në abätäu. Acïn raan töŋ bï kɔt wei në ke yiic, ku cïn raan töŋ bän.

Nyuuth 11:19

Na wën, ke luaŋdïït ë Nhialic liep paannhial, go Athänduŋ de löŋ cï mac tïŋ luɛɛk, ku tul wilëdeŋ, ku kɔc röt, ku määrëdeŋ, ku nieŋ cï piny rɔt niɛŋ, ku gök de kɔɔi ë deŋ.

Nyuuth 15:8

Go luaŋdït thiäŋ ke tol në dhuëëŋ de Nhialic, ku në riɛldɛn dït: ku acïn raan duëër lɔ luɛɛk të ŋoot ë ka ye piny riɔ̈ɔ̈k kadhorou ke ke kën guɔ thök, kak ë muk tuucnhial kadhorou.