Yith 6:11 - JAM DE NHIALIC 2011

¹¹ Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Yith 6:11 ပူးပေါင်းရင်းမြစ်များ

Diɛt 74:10

Ee run kadï Bɛ̈nydït yen bïï kɔc ke ater Yïn aa dɔl gup? Bïk rinku ya läät aɣet athɛɛr?

Diɛt 79:5

Bɛ̈nydït, bä gɔ̈th we wook aɣet athɛɛr? Bï agönhdu aa dɛ̈p cït man ë mac?

Diɛt 90:13

Agut cï nɛn yen bïï agönhdu jɔ thök? Kokëpiɔ̈u wekë awuutku Bɛ̈nydït!

Diɛt 94:3

Bɛ̈nydït agut cï nɛn yen bïï kɔc ee karɛc looi piɔ̈ɔ̈th miɛt? Agut cï nɛn, Bɛ̈nydït?

Yith 1:7

Wundun acï riɔ̈ɔ̈k ku pɛ̈ɛ̈nydïtkun acï ke nyuɔp piny në mac. Në we nyïïn ka wek lɔ ke we woi kɔc lei ke ke nöm pinydun ku riäkkï këriëëc ëbɛ̈n.

Yith 13:12

Kɔc cï döŋ apïïr abïk dhal cït man adhääp.

Yith 3:26

Dhuöör ku dhiëëu abï nu wutic cil, ku wut guöpde abï ciët tiiŋ cï nyuc piny, ke cï yɔ̈ɔ̈t kɔ̈u bei.

Yith 3:8

Ɣɛɛ, Jeruthalem ariäk! Ku Juda awiëëk! Në biäk ye kek Bɛ̈nydït wööc piɔ̈u në jam ku luɔi de këriëëc ëbɛ̈n, ku lɛ̈ɛ̈tkï Nhialic Guöpde në dhuëëŋ de yic në kɔc nïïm.

Yith 32:14

Acakaa ɣöndït abï nyääŋ piny, ku pänydït abï yic ciɛ̈n raan taitai. Ɣööt ku ɣään cï gël abïk nu në riääkic aɣet athɛɛr. Mul roor abïk aa cath ëtɛ̈ɛ̈n, ku thök abïk aa nyuäth ëtɛ̈ɛ̈n.

Yith 35:1

Jɔ̈ɔ̈r abï piɔ̈u miɛt, ku wal abïk gaak moc ë jɔ̈ɔ̈ric.

Yith 5:9

Yɛn cï Bɛ̈nydït de rɛm piŋ ke lueel an, “Ɣön dït läk ëbɛ̈n abïk yiic ciën kɔc, ku abïk dhɔt piny ke ke cï riääk.

Yith 60:15

“Yïn cïï bï bɛ päl wei ku man yïn, Pänydït cï däk piny ku cï pɔ̈l. Yïn bä tɔ dït ku tɔ yï läk, Tëde miɛt ë piɔ̈u aɣet athɛɛr.

Yith 64:10

Pɛ̈ɛ̈nydïtkuön ɣer yiic acïtkï jɔ̈ɔ̈r, Jeruthalem acï nyääŋ piny ke cï riääk,

Jeremia 22:6

“Ɣön ë bääny ë Juda aläk cï piny de Giliyad, ku lɛ̈k cï kur ke Lebanɔn të de Yɛn, ku abä tɔ ee jɔ̈ɔ̈r, të cïn raan bï ceŋ thïn.

Jeremia 4:7

Acït köör bɔ̈ biic tëdɛn ë thiaan, kën ee juöör riɔ̈ɔ̈k acï bɛ̈n bei. Abï Juda bɛ̈n riɔ̈ɔ̈k. Pɛ̈ɛ̈nydït ke Juda abïï keek nyääŋ piny ke ke cï riääk, ku acïn raan bï ke cieŋ.

Jeremia 44:2

An acïï Bɛ̈nydït de rɛm, Nhialic de Yithriɛl Lueel an, “Wek cï riääk cï yiɛ̈n Jeruthalem kekë pɛ̈ɛ̈nydït kɔ̈k ke Juda kedhie tïŋ ë we nyïïn. Cakaa ënɔɔnë aŋootkï ke ke cï riääk, ku acïn raan ceŋ keek,

Jeremia 52:27

tɔ̈u piny de Ɣamath. Ku acï ë melik keek bɛ̈n tɔ dui ëtɛ̈ɛ̈n, ku tɔ keek näk. Ago kɔc ke Juda jɔ peec pinyden ku leer ë keek piny lei.

Edhekiɛl 6:6

Pɛ̈ɛ̈nydït ke Yithriɛl ëbɛ̈n abïï ke riɔ̈ɔ̈k, ago yïkken ku yiëthken dhiac yiic abïk lɔ thorthor, yïkkɛn ke wal ŋïr abïï ke dhiac piny, ku këriëëcdɛn cïk looi ëbɛ̈n abï nyaai.

Danyel 8:13

Guɔ tunynhial piŋ röl athiëc tunynhial däŋ an, “Agut cï nɛn yen bïï ee kakë, ka wën cï tïŋ ë nyuuth yic ŋoot ke ke lɔ tueŋ? Agut cï nɛn yen bïï kërɛɛcdïïtë tɔ̈u ë nyin de miɔ̈c ye nɔ̈k ë ceŋ yic? Agut cï nɛn yen bïï ë rem ë paannhial kekë tëɣeric ŋoot ke ke dum yiic?

Lebai 26:31

Yɛn bï pɛ̈ɛ̈nydïtkun riäär piny, ku riääk ɣäänkuön ke läm, ku rɛɛc miɔ̈cduön ye gam.

Lebai 26:33

Yɛn bï tɔŋ yiɛ̈n week ku thiäi we piny ë juööriic. Pinydun abï yic ciën kɔc ku pɛ̈ɛ̈nydïtkun tɔ̈u ke ke cï riääk.

Maika 2:4

Në aköölkë, kɔc abïk week aa dɔl gup, ku ketkï week në din rɛɛcë an, ‘Wok cï ke riɔ̈ɔ̈k ë taitai! Piny de kɔckï acï kɔc tɛ̈k röt, ɣɛɛ! Acï nööm ë yic tëde wook oou! Ku tëk duumkuɔ kɔckuɔn ke ater!

Maika 5:11

Yɛn bï pɛ̈ɛ̈nydït riɔ̈ɔ̈k ëbɛ̈n pinydun, ku riäär ɣään rilkun piny ëbɛ̈n.

Maika 6:13

Ku ënɔɔnë, acä gɔl në luɔi luöi Ɛn week këtuc, ku riäär wenyïïn në biäk de awɛ̈ɛ̈ckun.

Maika 7:13

Ku piny abï ya jɔ̈ɔ̈r, në biäk cïï kɔc cieŋ en kërac looi.

Nyöŋ 28:62

Cak aa wek ë cï juëc abäk ciët kuɛl nu nhial, ee kɔc liaakäŋ tei kek abï pïïr ë weyiic, në biäk kën wek Bɛ̈nydït Nhialicdun riëëu.

Nyöŋ 28:63

Cït man Ye Bɛ̈nydït piɔ̈u miɛt në kuɛthdunic, ku juëc bä wek juëc, yen abï Yen piɔ̈u miɛt aya në riääk riëëk En week, ku bïï riääk dït tëde week. Wek bï cuän bei në piny bäk lɔ nöömë yic.