Yith 6:10 - JAM DE NHIALIC 2011

¹⁰ Na wën ke lëk ɛn an, “Tɔ kɔckë ril nïïm, thiök keyïth ku tɔ ke miŋ, agokï cuö be daai në kenyïïn, ku cïkï be piŋ në keyïth, ku cïkï käŋ be yökiic në kepiɔ̈ɔ̈th. Ke ke cïï kepiɔ̈ɔ̈th bï puk aguɔ ke tɔ dem.”

Yith 6:10 ပူးပေါင်းရင်းမြစ်များ

Diɛt 119:70

Ayek kɔc cïn ŋïny de käŋ, ku yɛn ee miɛtëpiɔ̈u yök në lööŋku yiic.

Diɛt 17:10

Acïkï piɔ̈ɔ̈th ee kok, ku ayek jam në lɛc.

Diɛt 69:23

Bɛ̈nydït tɔ keek cɔɔr! Tɔ keek rem kɔ̈ɔ̈th ëceŋ!

Bɛ̈n 10:27

Go Bɛ̈nydït melik tɔ ril nɔm, ago ke kɛ̈n tɔ jël.

Bɛ̈n 11:10

Mothe kekë Aron acïk göök gɛ̈ɛ̈iyë ke bɛ̈n looi kedhie në melik nɔm, ku Bɛ̈nydït acï melik tɔ ril nɔm, go kɔc ke Yithriɛl pɛ̈n jäl pinyde.

Bɛ̈n 14:17

Ku Yɛn bï kɔc ke Rip tɔ ril nïïm, ka abïk week kuany cök wïïr. Ku Yɛn bï dhuëëŋ yök, të lan melik tiaam kekë remde, ku riääk abëëlkɛn ke tɔŋ, ku näk kɔc cath thïn.

Bɛ̈n 7:3

Ku melik abä tɔ ril nɔm, ka acïï jamdun bï piŋ. Ku cïn këdunic thïn në ka gɛ̈ɛ̈iyë ke juëc bä looi Rip. Yɛn bï Rip luöi këtuc, ku kuɛ̈ɛ̈th kɔckï bei pinyden.

Kɛ̈ŋ 16:30

Tit rɔt në kɔc ee kɔc nieu në kenyïïn ku ŋuɛnkï ke liëp anyoothkï kiɛɛr rac.

Wɛ̈ɛ̈t 3:3

Ade kööl ë näk, ku kööl de pialëguöp, ade kööl ë dhoŋ piny, ku ade kööl ë yïk.

Yith 19:22

Bɛ̈nydït abï kɔc ke Rip luöi këtuc, ku ëtɛ̈ɛ̈n abï ke tɔ dem. Abïk röt pɔ̈k En, ku abï lɔ̈ŋden piŋ ku tɔ keek dem.

Yith 28:13

Yen kë bï Bɛ̈nydït we wɛ̈ɛ̈t ka kïït ë kïït cök, ku këërkëër ë këërkëër cök, ku wëët ë wëëtë cök. Ku yïn bï aa tuëk të tëëk në kueer bä a nööm yic ëbɛ̈n. Yïn bï yiëk gup buɔ̈t, ku dep week ku leer ë we në pɛ̈cic.

Yith 29:10

Bɛ̈nydït ë we tɔ nok, ë döŋ ke ye nïn yen bä wek niin arëët. Tït ke Nhialic aduëërkï aa nyïïn ke kɔc, ku acï Nhialic ke cɔɔr nyïïn.

Yith 29:14

Në biäk de ee kënë, yɛn bï kagɛ̈iyë looi në kɔc yiic. Ku ta pɛlënɔm de röör pelnïïm tɔ cïn naamden, ku ta kɔc de ŋïnydekäŋ tɔ kuc käŋ.”

Yith 29:9

Mɔ̈mkï nïïm ku gäikï! Caarkï ke we cïï bï bɛ daai! Wiɛɛtkï ke cïn mɔ̈n cäk dek! Yak tuëk ke we kën mɔ̈u tuc dek!

Yith 44:18

Kɔc cït ee kakë ayek dhän aläl, akuckï kë loikï. Ayek kenyïïn niɛɛn, ku thiökkï kenïïm në yic.

Yith 63:17

Eeŋö yïn wo tɔ mär kueerdu? Eeŋö yïn wo tɔ ril nïïm abuk röt yal wei në kueerdu yic? Bä ciëën, në biäk de kɔc ee yïn luööi, ku në biäk de dhiëën ee kaku.

Jeremia 17:9

“Eeŋa duëër piɔ̈n ë mɛnh ë raan ŋic? Acïn këdäŋ rac aläl, ade juän dïït cïï bï dem.

Jeremia 5:21

Daaikï apiɛth, wek kɔc dhän cie piŋ, kɔc de kenyïïn, ku acïkï ee daai, ku adekï yïth, ku acïkï ee piŋ.

Jeremia 6:10

Guɔ bɛ̈ɛ̈r luɛɛl an, “Eeŋa bï këdï piŋ na la jam wo keek ku jääny keek? Ayek kɔc ril nïïm ku acïk jaai bïk jamdï piŋ, ayek kë cï lëk ɛn bä lueel dɔl.

Dhiëëu 3:65

Lämë keek aciɛɛn ku thiäŋ keek në riɔ̈ɔ̈c.

Dhek 11:15

Na wën, go ë Bɛ̈nydït lɛ̈k ɛn an, ‘Be rɔt tɔ ye tïn cïn naamde.

Dhek 7:11

“Go kɔckï kenïïm thiöök, ku reeckï jamdï piŋ.

Math 13:15

Kɔckë acïk piɔ̈ɔ̈th guɔ cuai, ku ayek piŋ ë pïŋ ë miŋ ë keyïth, ku acïk kenyïïn niɛɛn, Ke ke cïï bï aa daai ë kenyïïn, ku cïkï bï aa piŋ ë keyïth, ku cïkï wël bï yök yiic ë kepiɔ̈ɔ̈th, Agokï kepiɔ̈ɔ̈th puk, Aguɔ keek tɔ dem.

Jɔn 12:40

“Acï keek tɔ cɔɔr nyïïn, ku tɔ ke ril piɔ̈ɔ̈th, Ke ke cïï bï daai ë kenyïïn, ku cïkï käŋ bï yök ë kepiɔ̈ɔ̈th, Agokï kepiɔ̈ɔ̈th puk, Aguɔ ke tɔ dem.

Luɔi 28:27

Piɔ̈n ë kɔckë acï guɔ cuai, Ku acïkï ee piŋ apiɛth ë keyïth, ku acïk kenyïïn niɛɛn, Ke ke cïï bï daai ë kenyïïn, Ku pïŋkï ë keyïth, Ku yökkï jam ë kepiɔ̈ɔ̈th, Ku jɔkï kepiɔ̈ɔ̈th puk, Aguɔ keek tɔ dem.”’

Luɔi 3:19

Yen ja wek wepiɔ̈ɔ̈th puk, ku bɛkï wepiɔ̈ɔ̈th wɛ̈l Nhialic, ke bï karɛckun cuöth bei, ago akööl bɛ̈n ë Nhialic nyin akööl ke döm ë wëi ke kɔc,

2 Kor 2:16

Tëde kɔcke wok ee atuöm ë thuɔɔu a lueel thuɔɔu, ku tëde kɔcke wok ee atuöm ë pïïr a lueel pïïr. Ku eeŋa duëër kacït ë kake lëu?

Nyöŋ 2:30

“Ku Thiɣon melik de Ɣecbon ëbɛ̈n jai ku cïï wook pɛ̈l luɔi bï wek tëëk paanden, në cïï Bɛ̈nydït Nhialicdun yen tɔ ril nɔm ago tääu në wecin. Ku tiamku, rumku pinyde ëbɛ̈n.

Nyöŋ 29:3

Wek cï riääk tïŋ, ku ka ke gäi, ku göök dït cï Bɛ̈nydït ke looi.

Nyöŋ 29:4

Ku agut cï ee köölë akën we tɔ yök ka cä keek tïŋ yiic.

Nyöŋ 31:20

Të lan keek lɔ bɛ̈ɛ̈i piny ee wat në ca ku miök de kiëc, piny wään cä kuëŋ wärken an bä gäm keek ku ëtɛ̈ɛ̈n abïk nïïm dɛ kacaam juëc, abïk röt pɔ̈k yiëth kɔ̈k ku lamkï keek. Ku reeckï yɛn ku dhoŋkï mändï kɔ̈u.

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.