Yith 59:7 - JAM DE NHIALIC 2011

⁷ Wek ee kiɛɛr de riääk looi ë ceŋ, ku acïï ë tiit bä looi, ku ayak dap looi. Wek cie gääu ë näŋ de kɔc cïn gup awɛ̈ɛ̈c. Wek ee dhuur ku riääk nyääŋ të cä wek lɔ thïn ëbɛ̈n,

Yith 59:7 ပူးပေါင်းရင်းမြစ်များ

Kɛ̈ŋ 1:16

Acïkï ee gääu në luɔi de kërac. Ayek tɔ̈u ë ke kɔɔr nääk ë cieŋ.

Kɛ̈ŋ 15:26

Täŋ de kɔc ee karɛc looi ee gök de kërɛɛc mɛɛn Bɛ̈nydït, ee jam de kɔc awai yen anhiɛɛr.

Kɛ̈ŋ 24:9

Kiɛɛr ë pial ë piɔ̈u awäc, ku agɛɛt ë guöp ee kërɛɛcdïït mɛɛn kɔc.

Yith 15:5

Yɛn dhiau piɔ̈u në këde Mowap! Kɔc acïk kɛt wutic Dhowar ku Eglath Celicia. Kɔ̈k acïk kueer ë Luɣith dɔmic ke ke dhiau, ku lɔ kɔ̈k thiaan ë Ɣoronaim ke ke cï piɔ̈ɔ̈th jiɛth arëët.

Yith 32:6

Raan piɔlpiɔ̈u aye guɔ ŋic në jamdɛn ë pialëpiɔ̈u ku täŋ rɛɛc kɔɔr bïï looi. Kë ye looi ku kë lueel ayek awäc tëde Bɛ̈nydït, ku acïï raan nɛ̈k cɔk duëër kɔn gäm këciɛm ku cïï raan nɛ̈k rou tɔ dëk.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Yith 59:3

Wek de gup awɛ̈ɛ̈c ke jam në lueth, ku aköörkuöör, ku nääk.

Yith 60:18

Awuɔɔu ë tɔŋ acïï bï bɛ piŋ, riääk acïï bï bɛ bɛ̈n pinydun, wek bä gël ku kuɔny week cït päny, wek bï ya leec në biäk cän week kony.

Yith 65:2

Yɛn aaye rɔt guiir ë ceŋ bä kɔckï loor nïïm, kɔc ril nïïm ee awäc looi, ku loikï kakɛn kɔ̈k.

Yith 66:18

Yɛn ŋic täŋden ku ka yek looi. Yɛn bɔ̈ bä kɔc ke juöör ëbɛ̈n määt yiic. Të cïï kek kenïïm mat abïk jɔ tïŋ yen kë duëër riɛldï looi

Yith 66:4

Ka yɛn bï riääk yiɛ̈n keek, kë wën ye kek riɔ̈ɔ̈c, në biäk cïn en raan ee ye puk nɔm të cɔ̈ɔ̈t ɛn, ku cïn raan pïŋ të jaam ɛn. Acïk reec reec kek ɛn lɔc ku loikï karɛc.”

Jeremia 22:17

Ku yïn ee këde piɔ̈ndu yen ye kɔɔr, yïn ee kɔc cïn gup awɛ̈ɛ̈c nɔ̈k, ku ye kɔcku kuur ë yaaŋ. Acïï Bɛ̈nydït lueel.

Jeremia 41:7

Ku të wën cï kek ɣet ë pänydïtic, go Yicmiɛl kekë kɔc ke nɔ̈k, ku cuɛt gupken ë yithic.

Dhiëëu 4:13

Ku kënë ë rɔt looi, në biäk cïï tït ke Jeruthalem kërac looi, ku bäny de kake Nhialic adekï gup gääk de thon de kɔc cïn kë cïk wööc.

Edhekiɛl 18:12

Ee kɔc kuanynyïïn math, ku rum ku nööm ka cï ë kɔc gäm yen bï ke tɔ̈ɔ̈u. Ee lɔ në yïk ke kɔc ke yiëth nïïm, ku lɛm yiëth rackë,

Edhekiɛl 22:6

Bäny ke Yithriɛl kedhie ayek riɛlden ŋɔ̈ɔ̈th, ku ayek kɔc nɔ̈k.

Edhekiɛl 9:9

Go ë Nhialic bɛ̈ɛ̈r an, “Baai de Yithriɛl ku Juda acïk awɛ̈ɛ̈c juëc looi. Ayek kɔc nɔ̈k piny ë piny yic ëbɛ̈n, ku acïk Jeruthalem thiɔ̈ɔ̈ŋ yic në luɔi rac. Ayek lueel an, Yɛn Bɛ̈nydït, Yɛn cï pinyden nyääŋ piny, ku nɔn cän keek ee tïŋ.

Maika 7:2

Kɔc piɛth piɔ̈ɔ̈th acï ke thöl nyïïn paanda kedhie, acïn raan piɛth töŋ cï döŋ. Kɔc kedhie ayek buuth bïk kɔc nɔ̈k, ku ŋɛk ee mɛnhkënë yɔ̈ɔ̈p cï lɛ̈i.

Math 2:16

Na wën, acï Ɣerod ë tïŋ nɔn cï ë geet në röör pelnïïm, go gɔ̈th agönh rac, go kɔc tooc, ku tɔ mïthwät nu Betheleɣem näk kedhie, ayï mïth nu bɛ̈i ruup kedhie, cak në mïth cï runken aa rou ayï mïth lɔ ë kecök, cït man cï en ë cök ë lop en en tëde röör pelnïïm.

Nyuuth 17:6

Guɔ tik tïŋ acï wit ë dëŋ ee yen riɛm de kɔc ɣerpiɔ̈ɔ̈th dek, ku riɛm de cäätɔɔ ke Yecu. Na wën, acä ye tïŋ, ke ya gäi ë gäi dït.