Yith 59:4 - JAM DE NHIALIC 2011

⁴ Wek ee lɔ në löŋ nɔm, ku acïn yic kääc në biäkdun. Wek ee rɔt kan në jam de lueth bä wek göönydun tiaam. Wek ee kïïtduön guiir bä wek kɔc kɔ̈k yiëk buɔ̈t.

Yith 59:4 ပူးပေါင်းရင်းမြစ်များ

Jop 15:31

Në cïï ɣɔ̈ric ŋäth, amɛth rɔt, ɣɔ̈ric yen abï aa riöpde.

Jop 15:35

Ayek liac në ateer ku dhiëthkï kërac ku jɔ piɔ̈nden mɛth aa tak.

Diɛt 12:3

Bɛ̈nydït, miɛɛmë liëp ee käŋ töör! Thiök thook ee kake lɛc lueel an,

Diɛt 62:10

Du tɔɔŋ ee ŋɔ̈ɔ̈th, du ye ŋɔ̈ɔ̈th nɔn bïï yïn kuɛth në ruööm, na cak kaku juëc, du keek ee ŋɔ̈ɔ̈th.

Diɛt 62:4

Week akaarkï bäk bɛ̈ɛ̈i bei tëdɛn ë dhuëëŋ, wek ee piɔ̈ɔ̈th miɛt në lueth. Wek ee jam në wël ke athiɛɛi në we thook, ku wepiɔ̈ɔ̈th thïn aa aciɛɛn.

Diɛt 7:15

Ku abï wïn man ë deep kek kɔc, keek aa dɔm gup.

Kɛ̈ŋ 4:16

Kɔc rac acïkï ee niin të kën kek kërac kɔn looi. Aye nïn ke rɛɛc nyïïn abïk raan kɔn tɔ wiëëk në këracic.

Yith 10:1

Amawoou në week! Wek cï lööŋ rac ee kɔckï yɔŋ looi.

Yith 26:18

Wok aa tök në arɛɛm, ku acïn kë cuk yök thïn. Acïn kë cuk looi kony wok pinyda, acïn kë cuk lëu ë luɔɔi.

Yith 28:15

Wek jam ke we ɣɛ̈ɛ̈c wenïïm an, “Wok cï löŋ mac në thuɔɔu ku loiku amat në paan ë thuɔɔu. Të le riääk bɛ̈n, acäk ŋic nɔn cïï yen we bï yök, në luɔi cä wek röt kan në tör ë wël ku mɛth ke bï we gël.

Yith 29:20

Abï aa thök de kɔc ee kɔc kɔ̈k yɔŋ, ku nyuthkï Nhialic abiaan ë guöp. Raan ee kërac looi ëbɛ̈n abï nɔ̈k.

Yith 30:12

Ku kë cïï Nhialic Ɣeric de Yithriɛl lueel kï an, “Wek biɔn kë cä lɛ̈k week, ku yak röt kan në akuöörkuöör ku mɛth.

Yith 30:9

Ayek tɔ̈u ë ceŋ ke ke reec Nhialic, ku yek käŋ töör ë ceŋ, ku reeckï wëët de Bɛ̈nydït ë ceŋ.

Yith 33:11

Wek ee kiɛɛr cïn thaarde looi, ku wek näk röt wapäc. Wëikï acïtkï many bï we riɔ̈ɔ̈k.

Yith 44:20

Ee kɔc gäm täŋ ee raan cït kë cam ŋeth. Täŋdɛn ë dhɔ̈ɔ̈n ee ye thɛl të wär kaam duëërë yen kony. Acïï bï gäm rɔt nɔn ye yanh muk në yeciin nɔn cïï yen ee yath taitai.

Yith 47:10

“Yïn cï rɔt ŋic apiɛth në karɛckuön ye looi yiic, aye tak nɔn cïn en raan duëër yï tïŋ. Pɛlënɔmdu, ku ŋïnyduön de käŋ acïk yïn mɔ̈ɔ̈r, ku ja jɔ aa lɛ̈k rɔt an, ‘Yɛn ee Nhialic, acïn raan däŋ pei cït ɛn.’

Yith 5:18

Amawoou në week! Kɔc cïï röt ee miëët bei në awɛ̈ɛ̈ckun yiic.

Yith 5:7

Baai de Yithriɛl ee dom de tiim de Bɛ̈nydït de rɛm, kɔc ke Juda ee kek ee tiim cï piith ee Ye miëët piɔ̈u. Aake ŋɛ̈ɛ̈th nɔn duëër kek yic aa looi, ke ke päl yic ku yek kɔc nɔ̈k. Aa ŋɛ̈ɛ̈th bï piathëpiɔ̈u yök tëde keek, ku kɔc yɔŋkï keek adhiëëukï yic.

Yith 59:15

Acïn yith nu, kɔc cï luɔi de karɛc pɔ̈l ayek yök ke ke ye luöi karɛc.” Bɛ̈nydït acï ee kënë tïŋ, ku acïï piɔ̈u diu në biäk de ciën yic.

Yith 59:16

Acï gäi arëët në yen e tïŋ ke cïn raan kony kɔc yɔŋ. Ka yen abï piathëpiɔ̈nde nyuɔɔth bïï yen kɔcke luök.

Yith 59:3

Wek de gup awɛ̈ɛ̈c ke jam në lueth, ku aköörkuöör, ku nääk.

Yith 64:7

Acïn raan töŋ ee rɔt dɔ̈k yïn në lɔ̈ŋ, ku acïn raan ee lɔ tëde yïn ke kɔɔr kuɔɔny. Yïn cï rɔt thiaan në wook, ku nyääŋë wo piny në biäk de awɛ̈ɛ̈ckuɔ.

Yith 9:15

Bäny kek aye nɔm, ku tït ke Nhialic ee lueth töör kek aye yɔ̈l!

Jeremia 48:7

“Mowap yïn ŋäth riɛldu ku wëuku, ku ënɔɔnë yïn bï peec, yanhdu Cemoc abï peec, kekë kɔc ee ye luööi ku gucke.

Jeremia 5:1

Kɔc ke Jeruthalem, katkï ke we kuany kuɛɛriic! Tiëŋkï welɔ̈m! Woikï në gupkun! Kaarkï ɣään ke ɣɔ̈ɔ̈c! Duɛ̈ɛ̈rkï raan tök yök raan ee yic looi ku ye them bï piɔ̈u adöt ke Nhialic? Na bä ye lëu ke Bɛ̈nydït abï Jeruthalem päl awänyde.

Jeremia 7:4

Duökï wël ke mɛthkë ee piŋ an, ‘Wok lɔ läŋ! Kënë ee Luaŋdït! Kënë ee Luaŋdït! Kënë ee Luaŋdït!’

Jeremia 7:8

“Tiëŋkï wek ee wël ke mɛth ŋɔ̈ɔ̈th.

Ɣodh 4:1

Piɛŋkï jam ë Bɛ̈nydït wek kɔc ke Yithriɛl, Bɛ̈nydït ade gääk wël nɔm week, wek kɔc cieŋ ee pinyë. “Wek cïn piɔ̈n adöt, ku ciënkï nhiëër, ku wek cïï Nhialic ŋic.

Maika 2:1

Amawoou në kɔc ee kërac cät, kɔc ee kërac kiëët ke ke tɔ̈u piny ë biökken yiic, na lë ruu piny, ke ke loi kërɛɛcden cïk kiëët, në luɔi ril kek.

Luɔi 24:9

Go Judai gam aya, luelkï an, kakë ayïnkï ya.

Jakop 1:15

Ku ŋɔ̈ɔ̈ŋ de kërac, të cï en liac, ke dhiëth kërac, ku kërac, të cï en thök ë luɔi, ke bïï thuɔɔu.