Yith 59:3 - JAM DE NHIALIC 2011

³ Wek de gup awɛ̈ɛ̈c ke jam në lueth, ku aköörkuöör, ku nääk.

Yith 59:3 ပူးပေါင်းရင်းမြစ်များ

Yith 1:15

“Të la wek we cin taar në lɔ̈ŋ, wek cä bï lieec, na we cak lɔ̈ŋ në lɔ̈ŋ yïndï, ke acä bï piŋ, në luɔi cïï cinkun thiäŋ në rim.

Yith 1:21

Pänydïït ɣɔn piathëpiɔ̈u, acï ciët tiiŋ akɔɔrröör! Ɣɔn tueŋ aa thiäŋic ke kɔc piɛthpiɔ̈ɔ̈th, ku ënɔɔnë ee kɔc ee kɔc nɔ̈k kapäc kek cï döŋ thïn.

Yith 28:15

Wek jam ke we ɣɛ̈ɛ̈c wenïïm an, “Wok cï löŋ mac në thuɔɔu ku loiku amat në paan ë thuɔɔu. Të le riääk bɛ̈n, acäk ŋic nɔn cïï yen we bï yök, në luɔi cä wek röt kan në tör ë wël ku mɛth ke bï we gël.

Yith 3:8

Ɣɛɛ, Jeruthalem ariäk! Ku Juda awiëëk! Në biäk ye kek Bɛ̈nydït wööc piɔ̈u në jam ku luɔi de këriëëc ëbɛ̈n, ku lɛ̈ɛ̈tkï Nhialic Guöpde në dhuëëŋ de yic në kɔc nïïm.

Yith 30:9

Ayek tɔ̈u ë ceŋ ke ke reec Nhialic, ku yek käŋ töör ë ceŋ, ku reeckï wëët de Bɛ̈nydït ë ceŋ.

Yith 44:20

Ee kɔc gäm täŋ ee raan cït kë cam ŋeth. Täŋdɛn ë dhɔ̈ɔ̈n ee ye thɛl të wär kaam duëërë yen kony. Acïï bï gäm rɔt nɔn ye yanh muk në yeciin nɔn cïï yen ee yath taitai.

Yith 59:13

Yïn cuk jäi, ku reecku yïn, ku jiɛiku buk yïn kuany cök. Wok cï kɔc kɔ̈k yɔŋ, ku yiɛlku röt wei në yïcök. Ka yok tak ayek awäc, ku wëlkuɔ ayek lueth.

Yith 6:5

Aguɔ lueel an, “Acïn aŋäth tɔ̈u ke yɛn! Amawoou në yɛn! Në luɔi ye wël rac bɛ̈n bei në yethok, ku yɛn rɛ̈ɛ̈r wokë kɔc ee wël rac bɛ̈ɛ̈i bei në kethook. Ku yɛn cï Melik, Bɛ̈nydït de rɛm tïŋ në yanyin.”

Yith 9:15

Bäny kek aye nɔm, ku tït ke Nhialic ee lueth töör kek aye yɔ̈l!

Jeremia 2:30

Yïn cä luöi këtuc, ku acïn këpiɛɛth cï looi, yïn kën Yɛn pɔ̈l bä yï jɔ̈ɔ̈ny. Yïn cï tïtku nɔ̈k në abätäu, cï köör cï wäth.

Jeremia 2:34

Lupɔɔkun acïk gup riɔk në rim ke kɔc kuanynyïïn ku kɔc cïn gup awɛ̈ɛ̈c, acie riɛm de kɔc ee ɣööt dhoŋ. “Ku në biäk de ë kake kedhie.

Jeremia 22:17

Ku yïn ee këde piɔ̈ndu yen ye kɔɔr, yïn ee kɔc cïn gup awɛ̈ɛ̈c nɔ̈k, ku ye kɔcku kuur ë yaaŋ. Acïï Bɛ̈nydït lueel.

Jeremia 7:8

“Tiëŋkï wek ee wël ke mɛth ŋɔ̈ɔ̈th.

Jeremia 9:2

Aa ya nhiaar duëër nɔm dɛ të duëër ɛn ceŋ ë jɔ̈ɔ̈ric, të bä yɛn mɛc wo kɔckï. Ayek kɔc cïn adöt ëbɛ̈n, kuut de kɔc ee kɔc nyiɛɛn.

Jeremia 9:7

Në biäk de ee kënë acï Bɛ̈nydït de rɛm lueel an, “Yɛn bï kɔckï lëëŋ cï wëëth, ku thɛm keek. Kɔckï acïk kërac looi, eeŋö däŋ duëër luöi keek?

Edhekiɛl 13:8

Ka aye Bɛ̈nydït Awärjäŋ lɛ̈k keek an, “Wëlkun ayek lueth, ku nyuuthkun ayek tör. Yɛn göth wo week.

Edhekiɛl 22:2

“Mɛnh ë raan, cï rɔt guiir luɔi bï yïn pänydïït cï yic thiäŋ ke kɔc ee kɔc nɔ̈k luöi këtuc? Tɔ ŋic karɛckɛn wään cï ke looi ëbɛ̈n.

Edhekiɛl 35:6

Ka ënɔɔnë, ee yic, ke ya ye Bɛ̈nydït Awärjäŋ, yɛn ee Nhialic pïïr, thuɔɔu yen ee këdun, ku acäkï bï ban. Wek de gup awäny de nääk, ku nääk, abï we kuany cök.

Edhekiɛl 7:23

“Këriëëc ëbɛ̈n acï anuɔɔn, piny acï thiäŋ ke kɔc ee kɔc nɔ̈k, ku pɛ̈ɛ̈nydït acïk yiic thiäŋ në akuöörkuöör.

Edhekiɛl 9:9

Go ë Nhialic bɛ̈ɛ̈r an, “Baai de Yithriɛl ku Juda acïk awɛ̈ɛ̈c juëc looi. Ayek kɔc nɔ̈k piny ë piny yic ëbɛ̈n, ku acïk Jeruthalem thiɔ̈ɔ̈ŋ yic në luɔi rac. Ayek lueel an, Yɛn Bɛ̈nydït, Yɛn cï pinyden nyääŋ piny, ku nɔn cän keek ee tïŋ.

Ɣodh 4:2

Aciɛɛn yen aya wek röt cieen, ku tɔ̈ɔ̈rkï röt lueth, ku näkkï röt, ku cuɛ̈ɛ̈rkï röt, ku nɔ̈mkï diäär ë röt. Wek ee lööŋ mäc röt, ku gɔ̈thkï ku dhuööŋkï kekɔ̈ɔ̈th. Ku wek ee riɛm lëu ë cieŋ.

Ɣodh 7:13

“Amawoou në week! Në biäk de kɔc cï Ya nyääŋ piny. Acïk riääk yök në baŋ cï kek wöc në Yɛn! Akaar an luäk keek, ku ayek lɔ ë ke jiëëm Ɛn guöp arac në lueth.

Ɣodh 7:3

Aye Bɛ̈nydït lueel an, “Ayek melik miët piɔ̈u në karɛc yek looi, ku tɔkï bäny mitpiɔ̈ɔ̈th në tör ë lueth.

Maika 3:4

Akööl abïkï, akööl bä wek Bɛ̈nydït aa cɔɔl, ku acïï cɔ̈tdun bï ya piŋ. Abï yenyin aa kuaak në week, në luɔi cä wek karɛc looi.

Maika 6:12

Kɔckɛn kueth ayek kɔc kuur, ku kɔcken ayek lueth töör, acïn yicdɛn yek lueel.

Maika 7:2

Kɔc piɛth piɔ̈ɔ̈th acï ke thöl nyïïn paanda kedhie, acïn raan piɛth töŋ cï döŋ. Kɔc kedhie ayek buuth bïk kɔc nɔ̈k, ku ŋɛk ee mɛnhkënë yɔ̈ɔ̈p cï lɛ̈i.

Math 27:4

Go lueel an, “Yɛn ë këdäŋ wööc, ë luɔi cän riɛm de raan nyiɛɛn raan cïn kërɛɛc cath ke yen!” Gokï lueel an, “Eeŋöda thïn? Ee këdu yïn yïtök!”

1 Tim 4:2

në ruëëny de kɔc ee lueth töör, kɔc cï jam cïk yök ee kepiɔ̈ɔ̈th tɔ gɛ̈ɛ̈rë bei cït man ë kë ë gäär ë wënh tuc.