Yith 59:2 - JAM DE NHIALIC 2011

² Ee biäk de awɛ̈ɛ̈ckun yen acïï Yen week ee piŋ. Ku aa awɛ̈ɛ̈ckun kek ë pɛ̈ɛ̈k week në Bɛ̈nydït, të them wek luöi bä wek e lam.

Yith 59:2 ပူးပေါင်းရင်းမြစ်များ

Kɛ̈ŋ 15:29

Lɔ̈ŋ de kɔc ee karɛc looi acie lɔ në Nhialic yïc, ee lɔ̈ŋ de kɔc piɛth piɔ̈ɔ̈th yen ee piŋ.

Yith 1:15

“Të la wek we cin taar në lɔ̈ŋ, wek cä bï lieec, na we cak lɔ̈ŋ në lɔ̈ŋ yïndï, ke acä bï piŋ, në luɔi cïï cinkun thiäŋ në rim.

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Yith 57:17

Yɛn aa göth wo keek në biäk de awɛ̈ɛ̈cken ku dït ë piɔ̈ɔ̈thken, ku ëtɛ̈ɛ̈n guɔ ke luöi këtuc ku päl keek. Ku ŋootkï ke ke ril nïïm, ku ŋootkï ke ke cath në kueerdɛn thɛɛric.

Yith 58:4

Reec ya wek cäm rɛɛc ee we tɔ loi akuöörkuöör, wek ee göth ku luɔikï tɔŋ. Yak tak thɛ̈k cït ee kënë bïï Yɛn tɔ piŋ lɔ̈ŋdun?

Jeremia 5:25

Ku kë loi rɔt, karɛckun acïk week pɛ̈n bɛ̈n bïï ee kapiɛthkë bɛ̈n tëde week.

Dhiëëu 1:8

Jeruthalem acï rɔt riɔk në kërac. Dhuëëŋ de acï jäl, acïn kɔ̈u lupɔ ku aye dɔl guöp. Ee teer ku ee ye nyin kum në ayäär.

Edhekiɛl 39:29

Yɛn bï wëikï wäl në baai de Yithriɛl guöp, ku Yɛn cïï rɔt bï bɛ yal wei tëde keek. Acä lueel, Yɛn Bɛ̈nydït Awärjäŋ.”

Maika 3:4

Akööl abïkï, akööl bä wek Bɛ̈nydït aa cɔɔl, ku acïï cɔ̈tdun bï ya piŋ. Abï yenyin aa kuaak në week, në luɔi cä wek karɛc looi.

Jocua 7:11

Kɔc ke Yithriɛl acïk wööc! Acïk män cä mat wokë keek dhoŋ kɔ̈u, män wään cä lɛ̈k keek an dötkï. Acïk ka kɔ̈k nööm në ka wään cä kuöm riääk. Acïk keek kual, ku matkï keek në kaken.

1 Tham 4:3

Na wën aacï kɔc ë dɔ̈ŋ në tɔŋic bɛ̈n, go röördït ke Yithriɛl lop an, “Eeŋö tɔ Bɛ̈nydït wo tiɛɛm ë kɔc ke Pilithiin ee köölë? Lok bïïku athänduŋ de män ë Bɛ̈nydït në Cilo, ke bï bɛ̈n lɔ tɔŋ ke wook abï wo lɔ kony në kɔc ke aterda.”