Yith 59:13 - JAM DE NHIALIC 2011

¹³ Yïn cuk jäi, ku reecku yïn, ku jiɛiku buk yïn kuany cök. Wok cï kɔc kɔ̈k yɔŋ, ku yiɛlku röt wei në yïcök. Ka yok tak ayek awäc, ku wëlkuɔ ayek lueth.

Yith 59:13 ပူးပေါင်းရင်းမြစ်များ

Jop 31:28

ke kënë, aya aduëër agök de awäny rɔ̈ŋ ke kuöm, në luɔi ë duɛ̈ɛ̈r ɛn Awärjäŋ tɔ̈ɔ̈r lueth.

Diɛt 18:21

Yɛn cï lööŋ ke Bɛ̈nydït döt, yɛn kën a kɔ̈u wɛ̈l Nhialicdï.

Diɛt 78:36

Ku wëlken aake ye tör kedhie, acïn töŋ cïk lueel ke ye yic.

Kɛ̈ŋ 30:9

ku cä bï kuɛth abä nɔm määr në Yïn, ku na cä dak, ke yɛn duëër dhil kual ku ta rinku lɛ̈ɛ̈të.

Yith 10:1

Amawoou në week! Wek cï lööŋ rac ee kɔckï yɔŋ looi.

Yith 30:12

Ku kë cïï Nhialic Ɣeric de Yithriɛl lueel kï an, “Wek biɔn kë cä lɛ̈k week, ku yak röt kan në akuöörkuöör ku mɛth.

Yith 31:6

Go Bɛ̈nydït lueel an, “Kɔc ke Yithriɛl, wek cï ya luöi awäc ku rɛɛckï Yɛn. Ku ënɔɔnë, bäkkï ciëën tëde yɛn!

Yith 32:6

Raan piɔlpiɔ̈u aye guɔ ŋic në jamdɛn ë pialëpiɔ̈u ku täŋ rɛɛc kɔɔr bïï looi. Kë ye looi ku kë lueel ayek awäc tëde Bɛ̈nydït, ku acïï raan nɛ̈k cɔk duëër kɔn gäm këciɛm ku cïï raan nɛ̈k rou tɔ dëk.

Yith 48:8

Aa ŋiɛc nɔn cïï ë week duëër ŋɔ̈ɔ̈th, në biäk cïï ë week ŋic ke we ye kɔc ee käŋ rɛɛc. Yeka kɛ̈n wek ee kë cït ee kënë kɔn piŋ taitai, eeŋö cïn en wɛ̈t töŋ cï kɔn tëëk në weyïth ë wïl.

Yith 5:7

Baai de Yithriɛl ee dom de tiim de Bɛ̈nydït de rɛm, kɔc ke Juda ee kek ee tiim cï piith ee Ye miëët piɔ̈u. Aake ŋɛ̈ɛ̈th nɔn duëër kek yic aa looi, ke ke päl yic ku yek kɔc nɔ̈k. Aa ŋɛ̈ɛ̈th bï piathëpiɔ̈u yök tëde keek, ku kɔc yɔŋkï keek adhiëëukï yic.

Yith 57:11

Aye Bɛ̈nydït lueel an, “Kek yiëthkë yek yïŋa, ka ayek week tɔ riɔ̈c, ka wek ee ya lɛ̈k lueth ku määrkï nïïm në Yɛn taitai? Cäk riëëu aa wek a riëëu pɔ̈l, në luɔi cän mim në kaamdït yic?

Yith 58:13

Aye Bɛ̈nydït lueel an, “Na yak kööl ë Thabath tɔ ye kööl ɣeric, ku cäkï ka kɔɔr ë piɔ̈ɔ̈thkun ee looi në ye köölë, na gämë kööldiën ɣeric naamde, ku riëëukï, ke we cïï kɛny, ku cäkï lui thïn, ku cäkï jam ɣäär yiic ee lueel në ye köölë,

Yith 58:2

Ayek a lam aköölnyïïn, ku yek lueel nɔn kɔɔr kek bïk kuɛɛrkï ŋic ku bïk lööŋkï riëëu, abïk ciët jur ee piathëpiɔ̈u looi. Akɔɔrkï bä keek gäm lööŋ kapäc, ku an yek piɔ̈ɔ̈th miɛt ë läm ye kek Yɛn lam.”

Yith 58:9

Ku të läŋ wek, Yɛn bï lɔ̈ŋdun bɛ̈ɛ̈r. Të caal wek ɛn, Yɛn bï cɔ̈tdun dɔk nɔm. “Të la wek yaaŋ pɔ̈l, ku pälkï agöth, ku jam rac ëbɛ̈n,

Jeremia 12:8

Kɔckiën cä lɔc acïk röt pɔ̈k Yɛn, cï köör tɔ̈u rooric, acïk ŋäär ke ke bëk Yɛn, ka Acä ke maan.

Jeremia 17:13

Bɛ̈nydït yïn aye aŋäth de Yithriɛl, kɔc cï yïn rɛɛc kedhie abïï keek tɔ yäär. Abïk määr cï rin cï gɔ̈ɔ̈r ë abuui yic, kɔc cï lɔ paan ë thuɔɔu, në biäk cï kek Yïn pɔ̈l, Yïn Bɛ̈nydït, Yïn awaŋ de pïïu piɛth.

Jeremia 2:13

në biäk cïï kɔckï awɛ̈ɛ̈c kaarou looi: acïk röt yal wei tëde Yɛn, Yɛn awaŋ de pïïu piɛth, acïk awuul wec, awuul cï ɣaar cïï pïïu lëu në muk, abïk ciën pïïu ananden.

Jeremia 2:16

Ɣɛɛ, kɔc ke Mempeth ku Tapaneth acïk nɔmde ɣaar yic.

Jeremia 2:17

Yithriɛl, yïn cï ee kënë yiɛ̈në rɔt! Yïn cï ya nyääŋ piny, Yɛn Bɛ̈nydït Nhialicdu, ku ee Yɛn ë ciɛɛth yïn në pïïrdu yic ëbɛ̈n.

Jeremia 3:10

Ku na ɣɔn në ee kake cök ke Juda nyankënë Yithriɛl cïn piɔ̈u adöt, aacï them bï rɔt looi ke cït kë puk rɔt Ɛn, ku aacïï tɔ̈u në yepiɔ̈u. Acä lueel, Yɛn Bɛ̈nydït.”

Jeremia 3:20

Ku cït mat ye tiiŋ cie adöt monyde pɔ̈l, yïn kën rɔt tɔ adöt tëde Yɛn, yïn baai de Yithriɛl. Acä lueel, Yɛn Bɛ̈nydït.”

Jeremia 32:40

Ku Yɛn bï löŋ cï mac athɛɛr looi wo keek. Yɛn bï luɔi piɛth aa luöi keek ëceŋ, ku abä keek tɔ rïïu Yɛn në kepiɔ̈ɔ̈th ëbɛ̈n, agokï röt cïï be wɛl wei në yanɔm.

Jeremia 42:20

wek bï awäny rac looi. Wek cï ya thiëëc bä Bɛ̈nydït Nhialicda lɔ̈ŋ në biäkdun, ku wek cï gutguut lueel nɔn bä wek kë cï lueel ëbɛ̈n looi.

Jeremia 5:23

Ku wek kɔckë! Wek ee kɔc ril nïïm, ku yak kɔc reec Ɛn, wek cï röt wɛl wei ku nyääŋkï ya piny.

Edhekiɛl 18:25

“Ku ayak lueel an, ‘Kë looi ë Bɛ̈nydït acie yic.’ Piɛŋkï kë luɛɛl wek baai de Yithriɛl. Yak tak kueer ee yɛn käŋ looi acie yic? Ee kueerdun yen cie yic.

Edhekiɛl 6:9

të bïï kek lɔ rëër ë juöör yiic. Abïk a tak, ku ŋickï nɔn cän keek luöi këtuc ku cä ke yɔ̈ɔ̈r gup, në biäk cïn kek piɔ̈ɔ̈th gäm, acïk a nyääŋ piny, gamkï yiëth ku pälkï yɛn. Ku keek gupken abïk kërac tïŋ në biäk de karɛcken, ku ka yäär ke gup cïk looi.

Ɣodh 1:2

Të ɣɔn gɔl ë Bɛ̈nydït jam kekë kɔc ke Yithriɛl në kueer de Ɣodhiya, kë ë kɔn lɛ̈k en kï an, “Lɔ thiak tiiŋ akɔɔrröör, ke bï yï dhiëth mïth kɔ̈k adhiëthlëër. Në biäk cïï kɔckï ya nyääŋ piny, ku lamkï Baal.”

Ɣodh 11:12

Aye Bɛ̈nydït lueel an, “Baai de Yithriɛl acï Ɛn gɛɛu cil në lueth ku ruëëny. Ku kɔc ke Juda acïk Ɛn rɛɛc, Yɛn Nhialic adöt ɣeric.

Ɣodh 6:7

“Acïk löŋ de mät dhoŋ kɔ̈u, cït man ɣɔn kɔn Adam en dhoŋ kɔ̈u. Akënkï löŋdï bɛ̈n döt ëtɛ̈ɛ̈n.

Ɣodh 7:1

Go Bɛ̈nydït lueel an, “Të kaar Ɛn nɔn puɔ̈k Ɛn kɔckï nïïm athiɛɛi, ku kaar luɔi ta Yɛn Yithriɛl ŋuɛ̈ɛ̈n, ke awɛ̈ɛ̈c ke Eparaim ë ke jɔ tïc ëgɔk, ku tiëc karɛc ye Thamaria ke looi. Ayek röt math, ku cuëërkï röt, ku rumkï kɔc në kuɛɛriic.

Ɣodh 7:13

“Amawoou në week! Në biäk de kɔc cï Ya nyääŋ piny. Acïk riääk yök në baŋ cï kek wöc në Yɛn! Akaar an luäk keek, ku ayek lɔ ë ke jiëëm Ɛn guöp arac në lueth.

Amoth 6:12

Duëër jöŋgöör riŋ në awiɛn ke kur nïïm? Ku duëër raan wɛ̈ɛ̈r puuric në miöör? Ku ka ye piathëpiɔ̈u ke luɔk, acäk ke puk ke ke ye kake kɛcëpiɔ̈u.

Math 10:33

Ku raan ëbɛ̈n raan bï a jai ë kɔc nïïm, yen abä jai ayadäŋ ë wäär nɔm wäär nu paannhial.

Tito 1:16

Ayek lueel an, ŋickï Nhialic, ku yek jäi në luɔiden, ee kɔc rac ëtaiwei, ayek löŋ rɛɛc piŋ, ku cïnkï naamden në luɔi piɛth ëbɛ̈n.

Ɣeberuu 3:12

Ka week mïthëkɔckuɔ, yak röt tiit apiɛth ke bï ciën raan töŋ ee kërac looi në weyiic. Raan cïn gäm në yepiɔ̈u, raan ee rɔt dak ciëën në gäm de Nhialiny pïïric.

Jakop 1:15

Ku ŋɔ̈ɔ̈ŋ de kërac, të cï en liac, ke dhiëth kërac, ku kërac, të cï en thök ë luɔi, ke bïï thuɔɔu.

Jakop 3:6

Ku liep ee mac, ee piny cï nɔm thiäŋ ke kërac, täu ee liep tɔ̈u ë ka ke wogup yiic kï, ee kënë guöp tɔ col ëbɛ̈n, ku ye kueer ë kë cï cak cuöny thok ë mac, ku yenguöp aye cuöny thok ë many ë giɛna.

Jocua 24:27

Ku lëk ë Jocua keek kedhie an, “Tiëŋkï ee kuurë! Yen abï ya cäätɔɔ, në baŋ cï yen jam de Bɛ̈nydït piŋ ëbɛ̈n. Ee yen abï week aa täk nïïm, ke we cïï Nhialicdun bï wööc piɔ̈u.