Yith 59:12 - JAM DE NHIALIC 2011

¹² “Bɛ̈nydït awɛ̈ɛ̈ckuɔn cuk wäc yïn ajuëckï. Awɛ̈ɛ̈ckuɔ ayek wo gaany. Aŋicku keek apiɛth kedhie.

Yith 59:12 ပူးပေါင်းရင်းမြစ်များ

Edhr 9:13

Cak an cï kakë kedhie röt luöi wook, ke ye luɔi looiyë wonïïm në biäk de karɛckuɔ ku awɛ̈ɛ̈ckuɔ, ke Yïn Nhialicda, Yïn cï wo luöi këtuc thiin cïï nɔm duëër awɛ̈ɛ̈ckuɔ ku tɔ wo poth.

Edhr 9:6

Ku luɛɛl an, “Nhialic, yɛn cï yäär ka yɛn cï guöp riɔ̈ɔ̈c arëët bä yanyin wɛ̈l Yïn, awɛ̈ɛ̈ckuɔ acïk thɔc ka cïk wo wöör nïïm, acïk ɣet abïk nhial cuööp.

Neɣe 9:33

Ee yic yen cï looi bä wo luöi këtuc, cakaa ɣɔn cïï wok wäc ke Yïn ee piɔ̈u piath we wook.

Diɛt 51:3

Në baŋ ye awɛ̈ɛ̈ckï, ku karɛckï ya wat aköölnyïïn.

Yith 1:4

Amawoou në week, jur ee karɛc looi, kɔc ɣɛ̈ɛ̈c awɛ̈ɛ̈c thiek! Mïth ke kɔc ee karɛc looi! Wek cï Bɛ̈nydït rɛɛc, Nhialic Ɣeric de Yithriɛl ku wɛ̈lkï wekɔ̈ɔ̈th En.

Yith 3:9

Luɔi de awɛ̈ɛ̈cken ee rɔt anyooth në kenyïïn. Acïkï keek ee thiaan cït man de kɔc ke Thɔdom. Amawoou, në riäŋ cïk yiɛ̈n röt.

Yith 58:1

Aye Bɛ̈nydït lueel an, “Wuɔukï në röldït, cït të duëër röldun cuööp. Lɛ̈kkï kɔckiën ke Yithriɛl awɛ̈ɛ̈cken!

Yith 64:4

Acïn raan töŋ cï Nhialic cït yïn kɔn tïŋ ku acïn raan cï ye kɔn piŋ, raan ee ka cït ee kake luöi kɔc cï aŋäthden tääu ë yeguöp.

Jeremia 14:7

Kɔckï ayek Yɛn lɔ̈ŋ an, ‘Cakaa nɔn cï karɛckuɔ wo gaany, Bɛ̈nydït kony wook, cït man cïn gutguut lueel. Wok cï röt wɛl wei ë Yïlɔ̈ɔ̈m raan juëc, wok cï kërac wäc yïn.

Jeremia 3:2

Tïŋ kur nïïm nhial. De të kën yïn tɔ̈c thïn we röör cï tiiŋ akɔɔrröör? Yïn ee röörkuön nhiaar tiit në kuɛɛr këc. Cït man ye cuɛ̈ɛ̈r kɔc bïï rum tiit në jɔ̈ɔ̈ric. Yïn cï piny dhiöök në kɔ̈ɔ̈rduön ë röör.

Edhekiɛl 5:6

Ku kɔc ke Jeruthalem acïk lööŋkï rɛɛc ku nyooth luɔi rɛɛc kek awär juöör kɔ̈k, ayek a rɛɛc awär juöör thiääk në yen. Jeruthalem acï yöökdï rɛɛc ku jiëi lööŋkï.

Edhekiɛl 7:16

Kɔc abïk röt kual ë kur nïïm cït guk cï riɔ̈ɔ̈c ë wakic. Keek kedhie abïk dhiau në biäk de awɛ̈ɛ̈cken.

Edhekiɛl 7:23

“Këriëëc ëbɛ̈n acï anuɔɔn, piny acï thiäŋ ke kɔc ee kɔc nɔ̈k, ku pɛ̈ɛ̈nydït acïk yiic thiäŋ në akuöörkuöör.

Ɣodh 4:2

Aciɛɛn yen aya wek röt cieen, ku tɔ̈ɔ̈rkï röt lueth, ku näkkï röt, ku cuɛ̈ɛ̈rkï röt, ku nɔ̈mkï diäär ë röt. Wek ee lööŋ mäc röt, ku gɔ̈thkï ku dhuööŋkï kekɔ̈ɔ̈th. Ku wek ee riɛm lëu ë cieŋ.

Ɣodh 5:5

Lɛc ye Yithriɛl rɔ leec, ee ye nyuɔɔth ëgɔk. Kɔc ke Yithriɛl, ayï kɔc ke Eparaim acïï awɛ̈ɛ̈cken ke tɔ tuëk. Aɣɔ̈l cï kɔc ke Juda atuëkkï në keek ëtök.

Ɣodh 7:10

Lɛc ye Yithriɛl rɔ leec, ee ye nyuɔɔth ë gɔk. Ku në ee kakë yiic kedhie, akënkï kenïïm puɔ̈k Bɛ̈nydït Nhialicden, ku kënkï kɔɔr.

Ɣabakuk 1:4

Ka löŋ acï ciën naamde, ku acïn löŋ ye ŋiëc guiir ë gööny yic, kɔc ee karɛc looi ayek kɔc piɛthpiɔ̈ɔ̈th tiaam në juëc, ka yic acïï be lɔ kim piny.

Kuɛ̈n 32:23

Na cäkkï këduön cak lueel e looi, ke wek bï ya kɔc cï kërac luöi Bɛ̈nydït, duökï awɛ̈ɛ̈c loi në biäk de ë kënë, ke we cïï bï kuööm në awänydun.