Yith 58:7 - JAM DE NHIALIC 2011

⁷ Yak kacamkï rɔm në kɔc nɛ̈k cɔk, yak ɣöötkun liep thook kɔc cïn bɛ̈i, kɔc kuanynyïïn. Yak kɔc cïn lupɔɔ miɔɔc në lupɔɔ, ku duökï kɔc raan ë week ee pɛ̈n kuɔɔny.

Yith 58:7 ပူးပေါင်းရင်းမြစ်များ

Cäk 19:14

Ago Lɔt lɔ tëde kɔc bï duɛtke thiaak, ku lëk keek an, “Jatkï röt ku dapkï jäl ë tënë, Bɛ̈nydït akɔɔr nɔn bï En ee wunë riɔ̈ɔ̈k.” Agokï yök cït man alɛɛŋ tei.

Cäk 19:2

Ku lueel an, “Bänykï, wek liɛp an yalkï röt baai de lïmdun bäk wecök lɔ waak, ku niɛnkï ëtɛ̈ɛ̈n. Ku miäk wek duëër pääc aduduur, ku ŋuɔɔtkï ke we lɔ tueŋ.” Agokï puk nɔm an, “Ei, wo bï niin ë pëëric eenë.”

2 Lëk 28:15

ago ee kɔckë kaŋuan kuany ke ke bï kɔc mac yiɛ̈n kɔ̈ɔ̈th lupɔɔ wään cïk ke peec. Acïk keek gäm lupɔɔ ku war bïk keek cieŋ, ku gëmkï keek këcam dït ku pïïu dekkï, ku tɔckï bɔ̈ɔ̈tken nyïïn në miök de olip. Agokï kɔc cï gup kɔ̈c cïï cath lëu tääu në mul kɔ̈ɔ̈th, ku jɔtkï kɔc mac kedhie, puk ë kenïïm ciëën piny ë Juda në Jeriko, pänydït de tiim ke akööt. Na wën ke Yithriɛl ë ke jɔ kenïïm pɔ̈k Thamaria.

Neɣe 5:5

Wok ee jur tök ë kɔckuɔn ke Judai, cï mïthkuɔ piɛth cït man ë mïthken? Ku wok ee mïthkuɔ ɣaac bïk aa lïïm ka duetkuɔn kɔ̈k acï ke guɔ ɣaac, ke ke ye lïïm. Wok ënïïm ciën riɛl në biäk cïï duumkuɔn ke rap, ku duumkuɔn ke tiim jɔt tëde wook.”

Jop 22:7

yïn kën pïïu gäm raan cï dak, ku kɛ̈në raan nɛ̈k cɔk miɔɔc në këciɛm,

Diɛt 112:9

Ee kɔc kuanynyïïn miɔɔc në dhuëëŋ, ku piathëpiɔ̈nde abï tɔ̈u athɛɛr, abï riɛl ku ye riëëu.

Kɛ̈ŋ 11:17

Kokëpiɔ̈u ee raan yiɛ̈n këpiɛth, ku bïï akuöörkuöör bɔ̈ɔ̈t.

Kɛ̈ŋ 22:9

Amiööc aye thieei në luɔi yen rɔm ke kɔc kuanynyïïn.

Kɛ̈ŋ 24:11

Du bäp në luääk de raan lee nɔ̈k ke kur ke cïn kë cï wööc.

Kɛ̈ŋ 25:21

Miɔ̈c raan aterdu në kuïn ku nɔn en pïïu të nɛ̈k ë cɔk en ku nɔn yen reu,

Kɛ̈ŋ 28:27

Amiööc acïï nyin ee kuany, ku raan ee yenyin niɛɛn në kɔc kuanynyïïn aye cieen në raan ëbɛ̈n.

Yith 58:10

na lak këcam gäm raan nɛ̈k cɔk ku takï raan cïn käŋ kueth, ke mɔ̈ɔ̈th tɔ̈u në welɔ̈m abï rɔt puk ke ye ɣɛɛr de akɔ̈l.

Jeremia 22:3

“Acä lueel Yɛn Bɛ̈nydït, luöi bä wek piathëpiɔ̈u ku yic aa looi. Yak raan mɛthë gël në raan cam en. Duökï raan lei, ku mɛnh abaar, ku tiiŋ abaar, ee kuöc luööi ku duökï yɔŋ, ku duökï kɔc cïn kë cïk wööc ee nɔ̈k ee të ɣericë.

Edhekiɛl 18:16

ku cïn kɔc ee yɔŋ, ku cïï kɔc ee rum. Ee kë cï nööm tëde raan däŋ puɔ̈k nɔm raan apiɛth. Ee kɔc nɛ̈k cɔk cääm, ku gëm lupɔɔ kɔc cath ë kekɔ̈ɔ̈th.

Edhekiɛl 18:7

Acïï kɔc ee math ku cïï kɔc ee rum. Ee raan puɔ̈k nɔm kë cï nööm ë kuɔɔny apiɛth, ee kɔc nɛ̈k cɔk cääm, ku gëm lupɔɔ kɔc cath ë kekɔ̈ɔ̈th.

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Luk 11:41

Aŋuän luɔi bä wek kɔc kuanynyïïn miɔɔc në ka cath në week, ku tiëŋkï, käŋ kedhie ayek ɣɛɛr tëde week.

Luk 19:8

Go Dhakayo rɔt jɔt, ku yöök Bɛ̈nydït an, “Tïŋ, Bɛ̈nydït, biäk töŋ de kakï abä yɛn ke kɔc kuanynyïïn miɔɔc, ku na de këde raan däŋ cä nööm në gööny ë lueth, ka bä bɛ cuööt ë ŋuan.”

Luk 3:11

Go bɛ̈ɛ̈r, yöök keek an, “Raan de aluluut kaarou, ke gɛm tök raan cïn aluluut, ayï raan de këcam, ke looi aya.”

Luɔi 16:15

Na wën, aacï baptith, kekë dhiënde ëbɛ̈n, ke läŋ wook an, “Të cä wek a tɔ ye raan ë ka ke Bɛ̈nydït döt, bäkï ɣöndï, bäk bɛ̈n rëër thïn.”

Luɔi 16:34

Na wën, ke ke bïï ɣönde, ku tɛ̈ɛ̈u këcam ë kenïïm, ke mit piɔ̈u aläl, kekë dhiënde ëbɛ̈n, në gäm wën cï kek Nhialic gam.

Romai 12:13

Yak kakun tek në kɔc ɣerpiɔ̈ɔ̈th, të de yen kë dak keek, yak kamaan ŋic arëët.

Nyöŋ 22:1

Na wën ke lueel Mothe an, “Na cï weŋ ku nɔn ee thɔ̈k de raanduön ë Yithriɛl tïŋ ke cï määr, ke duökï pɛ̈l wei, pɔ̈kkï nɔm yiɛ̈nkï raande.

1 Tim 5:10

Abï dhil aa tiiŋ cï leec në biäk de luɔidɛn piɛth, tiiŋ cï mïthke ŋiëc muk apiɛth, ku ye kamaan ŋiëc luööi ɣɔn, ku ye kɔc ɣerpiɔ̈ɔ̈th waak cök, ku ye kɔc cïï këtuc dhal kony, ku ye cök ë kuɛny en luɔi piɛthic ëbɛ̈n.

Pile 1:7

Wok mit piɔ̈ɔ̈th aläl ku cï wo riit piɔ̈ɔ̈th në nhiëërduön ee yïn kɔc nhiaar, luɔi cï kɔc ɣerpiɔ̈ɔ̈th tɔ lɔ piɔ̈ɔ̈th guïk piny në yïn, mɛwäär.

Bäny 9:2

thiëckï wun ë Cekem an, “Ee kënou ŋuän? Ee luɔi bïï wɛ̈ɛ̈t ke Gidiɔn kathiërdhorou we mac ku ee luɔi bïï raan tök we mac? Takkï wënïïm Abimelek ee guöpdun ku ee riɛmdun.”