Yith 58:5 - JAM DE NHIALIC 2011

⁵ Të thɛ̈k wek, wek ee röt tɔ bäp, wek ee wenïïm guöt piny cït yïny de wäl, ku thiɛthkï lupɔɔ ke anuɛɛr ku ŋeth bä wek tɔ̈c. Yen kë yak tɔ ee thɛ̈k ka? Yak tak duɛ̈ɛ̈r piɔ̈u miɛt wo week?

Yith 58:5 ပူးပေါင်းရင်းမြစ်များ

2 Mel 6:30

Na wën aa lɔ melik ee kënë piŋ, go lupɔɔke rɛtiic në jiɛthëpiɔ̈u, ku ciɛth ë kal ë pänydït nɔm, ku kɔc ë thiɔ̈k në kal ë pänydït, acïk tïŋ ke ceŋ lupɔɔ ke cual në biäk thïn.

2 Lëk 20:3

Go melik Jeɣocapat riɔ̈ɔ̈c ku lɛ̈ŋ Bɛ̈nydït bï yen gäm riɛl. Na wën ke yɔ̈ɔ̈k kɔc kedhie bïk thek ku cïn raan cäm ë baai yic ëbɛ̈n.

Edhr 10:6

Na wën ke Edhera jël ë ɣön ë Nhialic thok ku le ɣön ë Jeɣoɣanan wën Eliacip, të cïï yen lɔ tɔ̈u ke cïï cäm ku cïï dëk, në biäk ŋoot en ke dhiau piɔ̈u në ciën adöt ë kɔc ë bɔ̈ ciëën ë pɛ̈cic.

Edhr 8:21

Ku ëtɛ̈ɛ̈n, në kiir de Aɣaba nɔm, yɛn cï kɔc bɛ̈n yɔ̈ɔ̈k buk thek koorku röt piny në Nhialic nɔm, buk thiëëc bïï wok tɛ̈ɛ̈k apiɛth në cäthda yic, ku kony wook në mïthkuɔ ku kakuɔ.

Ethta 4:16

“Lɔ määtë kɔc ke Judai kedhie, kɔc nu ë Thutha, bïk thek në biäkdï, ë ke cïï cäm ku cïkkï dëk ë nïn kadiäk aköl ku wakɔ̈u, ku yɛn wokë duet lui ë yɛn, wok bï thek aya cït man ë kek, ku ëtɛ̈ɛ̈n yɛn bï jɔ lɔ tëde Melik na cakaa nɔn yen dhäŋ de löŋicë, na cï ya nɔ̈k ë ya thou.”

Ethta 4:3

Ëwuötiic kedhie, wuöt cïï löŋ de Melik piŋ thïn, ee yic dɛ dhiën dïït agök tëde kɔc ke Judai. Aake moc kiɛɛu, dhiaukï, ku reeckï cäm, të dït ë keek aake cieŋ lupɔɔ ke cuɔl ë ke kɔ̈ɔ̈th ku yek röt daal ë ŋethic.

Jop 2:8

Ku nɔ̈m Jop abɔ̈c ku le nyuc ë ŋethic ke ɣɔt rɔt.

Diɛt 69:13

Ku në biäkdï, Bɛ̈nydït, ee Yïn bä ya lɔ̈ŋ, gam lɔ̈ŋdï Nhialic, në köölduön cï lɔc. Bɛ̈ɛ̈rë lɔ̈ŋdï në biäk de nhiëërduön agɔk, në biäk ee Yïn gutguutduön de kuɔɔny döt.

Yith 49:8

Aye Bɛ̈nydït lɛ̈k kɔcke an, “Të le ë kööl bïï ë we luök bɛ̈n, wek bä nyuöth piath, ku yɛn bï dhiëndun kaar wek kuɔɔny bɛ̈ɛ̈r. Wek bä tiit ku gɛ̈l week ku në kueerdun yɛn bï mät looi wo kɔc kedhie. Wek bä bɛ tɔ ɣap pinyduön cï tɔ ye kë cï pɔ̈l ënɔɔnë.

Yith 58:3

Go kɔc thiëc an, “Eeŋö ye wok thek të cïï Bɛ̈nydït ye ŋic? Eeŋö ee wok mɔ̈l në cäm të cïï Bɛ̈nydït këda ee woi?” Aye Bɛ̈nydït lɛ̈k keek an, “Yic kï, të ya wek thek, wek ee lɔ ke we kɔɔr kake piɔ̈ɔ̈thkun, ku yak kɔc lui në week yɔŋ.

Yith 61:2

Acï ya tooc bä kɔc bɛ̈n lɛ̈k luɔi cï akööl bɛ̈n, kööl bïï Bɛ̈nydït kɔcke kony ku tiɛɛm kɔc ke aterden. Acï ya tuööc bä kɔc dhiau duut piɔ̈u ëbɛ̈n.

Lebai 16:29

Kënë abäk aa looi ë run nyïïn ëbɛ̈n. Në kööl ye pɛɛi de dhorou thok thiëër, wek bï röt dhil aa theek, ku duökï ee lui thïn, kɔc kedhie, raan de Yithriɛl, ayï alei rɛ̈ɛ̈r ë weyiic.

Lebai 16:31

Ee Thabath de lɔ̈ŋ, ka we bï dhil aa thek thïn, ee kë bäk aa looi ë run nyïïn ëbɛ̈n.

Dhek 7:5

Lueel an, “lɛ̈kë kɔc cieŋ piny kedhie, ayï bäny ke kakë Nhialic, an nɔn ya wek thek, ku dhiaukï në pɛɛi ye pɛ̈i dhïc, ku pɛɛi ye pɛ̈i dhorou në ee runkë yiic kedhie kathiërdhorou, ë we ye thek në këdï?

Math 6:16

“Ku cöök däŋ, të ya wek cäm rɛɛc, duökï wenyïïn ë kuaany cït man ë kɔc deyiic aguk, ayek kenyïïn tɔ rac, ë luɔi bï kek aa tïc ë kɔc nïïm nɔn ee kek kɔc reec cäm. Wek yɔ̈ɔ̈k ëyic an, “Acïk ariöpden guɔ yök.

Luk 4:19

Ku guiëër kɔc bɛ̈n de ruöön piɛth ë Bɛ̈nydït kööl bï En kɔc yɔŋ kony wëi.”

Romai 12:2

Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.