Yith 58:13 - JAM DE NHIALIC 2011

¹³ Aye Bɛ̈nydït lueel an, “Na yak kööl ë Thabath tɔ ye kööl ɣeric, ku cäkï ka kɔɔr ë piɔ̈ɔ̈thkun ee looi në ye köölë, na gämë kööldiën ɣeric naamde, ku riëëukï, ke we cïï kɛny, ku cäkï lui thïn, ku cäkï jam ɣäär yiic ee lueel në ye köölë,

Yith 58:13 ပူးပေါင်းရင်းမြစ်များ

Diɛt 122:1

Yɛn cï piɔ̈u miɛt wën yöök kek yɛn an, “lokku Luaŋ de Bɛ̈nydït.”

Diɛt 27:4

Ee tök yen aa liɛm tëde Bɛ̈nydït, ee tök tei yen akaar: ee luɔi bän rëër ë Luaŋdït yic, në akööl ke pïïrdï yic ëbɛ̈n, bä kake piathde aa woi ëtɛ̈ɛ̈n, ku bä luɔi bï yen a wat aa kɔɔr.

Diɛt 42:4

Kakë aya keek tak, të yan yapiɔ̈u lueel, në täu wään yan lɔ wo kuut ɣön ë Nhialic, ku wat keek të jɔ wok lɔ ke wo cath kuut mit piɔ̈ɔ̈th, kït në röldït ë diɛt ke thieithieei.

Diɛt 84:10

Kööl töŋ cï thöl ɣöndu, aŋuän në agum ke nïn tëdäŋ pei. Apiɛth ë luɔi duëër ɛn kɔ̈ɔ̈c në ɣön ë Nhialicdï thok, në luɔi duɛ̈ɛ̈r ɛn rɛ̈ɛ̈r në ɣööt ke kɔc ee karɛc looi yiic.

Diɛt 84:2

Anhiaar adï ja tɔ̈u ëtɛ̈ɛ̈n! Akaar bä rëër në ɣön de Bɛ̈nydït. Në piɔ̈ndï ëbɛ̈n yɛn bï Nhialic pïïr, piɔɔny në diɛt ke miɛtëpiɔ̈u.

Bɛ̈n 35:2

Wek cï gäm nïn kadhetem bä wek aa luui thïn. Na kööl de dhorou, ee kööldiën de Thabath ɣeric Yɛn Bɛ̈nydït, kööl de lɔ̈ŋ. Raan ëbɛ̈n, raan lɔ luui thïn ke näk.

Bɛ̈n 35:3

Na cakaa mac ë cïï koth në bɛ̈ikuniic në kööl ë Thabath.”

Yith 55:8

Aye Bɛ̈nydït lueel an, “Täŋdï acïï cït täŋdun,” ku kuɛɛrkiën ke täk awuöckï në kuɛɛrkuön ke täk.

Yith 59:13

Yïn cuk jäi, ku reecku yïn, ku jiɛiku buk yïn kuany cök. Wok cï kɔc kɔ̈k yɔŋ, ku yiɛlku röt wei në yïcök. Ka yok tak ayek awäc, ku wëlkuɔ ayek lueth.

Edhekiɛl 44:24

Na de löŋ wɛ̈ɛ̈c kɔc cï tuöl, ke bäny ke kake Nhialic abïk jam teem cït man ë kë cï ë lööŋ lueel. Abïk akööl ke dhuëëŋ cï mac aa riëëu cït man de lööŋkï ku wëëtdï, ku abïk akööl ke Thabath aa muk ke ke ɣer yiic.

Lebai 19:3

Ku ŋɛk ë ye man riëëu kekë wun, ku yak kööl de Thabathdï döt, ee Yɛn Bɛ̈nydït Nhialicdun.

Nyuuth 1:10

Yɛn aa cath wo Wëidït ëkööl ë Bɛ̈nydït, na wën, ke ya piŋ röldïït cït röl ë kaaŋ ë yakɔ̈u ciëën,