Yith 58:11 - JAM DE NHIALIC 2011

¹¹ Ku wek bä aa caath ë ceŋ ku ta we kueth në kapiɛth. Wek bä muk aril ku apiɛth. Wek bï ciët dom de yic pïïu juëc, ku ciëtkï nyin de pïïu cie dëu.

Yith 58:11 ပူးပေါင်းရင်းမြစ်များ

Jop 5:20

Abï yï kony në thon ë cɔk, ku gël yïn në thon de abätäu në tɔŋic.

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Diɛt 107:9

Bɛ̈nydït ee kɔc cï yal miɔɔc ë pïïu, ku tɔ kɔc nɛ̈k cɔk tɔ kueth ë kacaam ku kapiɛth ëbɛ̈n.

Diɛt 25:9

Ee kɔc ee röt kuɔɔr piny nyuöth yith, ku wëët ke në kuɛɛrke.

Diɛt 32:8

Acï Bɛ̈nydït lueel an, “Yïn bä wɛ̈ɛ̈t ku nyuöth yïn kueer bïï yïn lɔ thïn, yïn bä wat ku tiɛɛt yïn në kë bï yïn yök.

Diɛt 33:19

Aye ke luök në thuɔɔu, aye ke tɔ pïïr në akööl ke cɔk.

Diɛt 37:19

Acïkï bï nuan në akööl ke kërac, ku abïk nïïm dɛk kacaam akööl ke cɔk.

Diɛt 48:14

“Nhialicë ee Nhialinyda aɣet athɛɛr, abï wo wat në nïn bɔ̈ tueŋë yiic kedhie.”

Diɛt 73:24

Yïn ee yɛn wat në wëëtdu, ku miäk wadäŋ Yïn bï yɛn loor nɔm në dhuëëŋ.

Diɛt 84:7

Ayek lɔ ke ke ril të ciɛth kek, abïk Nhialic dït ë yiëth tïŋ në kuur ë Dhiɔn nɔm.

Diɛt 92:14

tiim ee ŋuɔl ë mïth ke ke cï dhiɔp ku ayek tɔ̈c ku rilkï ëceŋ.

Kɛ̈ŋ 11:25

Amiööc abï kuɛth, në abïny lɔ ku abïny bɔ̈.

Kɛ̈ŋ 13:4

Adaakrɔt ee këdäŋ kɔɔr në piɔ̈nde ëbɛ̈n ku acie yök, ku raan ee luui apiɛth ee kuɛth.

Kɛ̈ŋ 28:25

Dït ë piɔ̈u ee këëk bɛ̈ɛ̈i, ku raan ee Bɛ̈nydït ŋɔ̈ɔ̈th ee kuɛth.

Kɛ̈ŋ 3:8

Të looi yïn en aya, aduëër ciët wɛ̈ɛ̈l piɛth cï tääu ë tëtöökku yiic, ku tɔ ke dem, go arɛɛmdu ŋuɛ̈ɛ̈n.

Diɛt ke 4:15

Awɛɛŋ ke pïïu ayek dom piɔɔk, nyïïn ke pïïu wat, awɛɛŋ ke pïïu ayek wɛ̈t bei piny ë kuur ë Lebanɔn yic.

Yith 27:3

“Aya tiit ku piaak anande. Aya gël wakɔ̈u ku aköl ke cïn raan bï ye luöi tëtök.

Yith 33:16

Ëtɛ̈ɛ̈n we bï kony, ka we bï ciët ka nu të cï gël. We bï nïïm dɛ këcam camkï ku pïïu dɛkï.

Yith 41:17

“Të le kɔckï pïïu lɔ kɔɔr, të cïï kek röt ril wei në rou, ke Yɛn Bɛ̈nydït, Yɛn bï lɔ̈ŋden piŋ, Yɛn Nhialic de Yithriɛl, Yɛn cïï kɔckï bï kɔn päl wei.

Yith 44:4

Abïk bɛ̈n nhial cï wal nu ë pïïuwiic, ku abïk ciët tiim cï cil në nyin ë pïïu yɔu.

Yith 49:10

acïkï cɔk ke bï kɔn nɔ̈k ayï rou. Tuöc de akɔ̈l ku jɔ̈ɔ̈r acïï ke bï nɔ̈k, në biäk bïï raan nhiaar keek wat. Abïï keek lɛɛr në nyïïn ke pïïuwiic.

Yith 57:18

“Acä tïŋ yen të ye kek kaken luɔi thïn, ku abä ke tɔ waar. Abä ke wat ku kuɔny ke, ku yɛn bï kɔc dhiau duut piɔ̈ɔ̈th.

Yith 61:11

Cït man ŋic wok luɔi ye kɔ̈th cï com goŋ, Bɛ̈nydït Awärjäŋ abï piathëpiɔ̈u ku lɛc tɔ loi rɔt, ku abïï juöör ëbɛ̈n leec.

Yith 66:14

Të lee yïn kënë tïŋ ke loi rɔt, yïn bï piɔ̈u miɛt, abï yïn tɔ ril ku tɔ yïn piɔl guöp. Ku ëtɛ̈ɛ̈n, abä jɔ ŋic nɔn ee yan Bɛ̈nydït, Yɛn ee kɔc ee ya riëëu kony ku nyuöth agönhdï kɔc ke aterdï.”

Jeremia 17:8

Keek acïtkï tiim ee cil ë wɛ̈ɛ̈r yɔu, ku ye meiken ɣet ë pïïuwiic. Acïkï ee riɔ̈ɔ̈c të cï piny tuöc, në biäk ye yïthken tɔ̈u ke ke tɔ̈c, acïkï ee diɛɛr të cïn en deŋ, ayek ŋoot ke ke lok në mïth.

Jeremia 31:12

Abïk bɛ̈n ku kitkï diɛt ke miɛtëpiɔ̈u ë kuur ë Dhiɔn nɔm, ku abïk piɔ̈ɔ̈th miɛt ë miɔ̈cdï, miɔ̈c ë rap, ku mɔ̈u ku miök de olip, miɔ̈c de thök ku ɣɔ̈k. Abïk ciët dom cï ŋiëc piɔɔk, abïk këdɛn kɔɔrkï ëbɛ̈n aa yök.

Edhekiɛl 36:35

Abïï raan ëbɛ̈n aa lueel an, tïŋ piny wään cï kɔn aa jɔ̈ɔ̈r, acï ciët dom de Eden, ku tïŋ pɛ̈ɛ̈nydït wään cï riɔ̈ɔ̈k, ku pec keyiic ku nyiëëŋë keek piny ke ke cï riääk, ënɔɔnë acï keek bɛ ɣap ku gël keek.

Ɣodh 13:5

Wek cä muk ɣɔn në jɔ̈ɔ̈ric, piny tuc arëët.

Jɔn 16:13

Ku të cï Raanë bɛ̈n, yen aye Wëi yic, yen abï we wat të nu yic ëbɛ̈n: ku acïï bï jam në këde yenhde, na de kë ye piŋ, yen abï aa lueel: ku abï we nyuöth käŋ, ka bï tïc wadäŋ.

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

Jɔn 7:38

Raan gam ɛn, acït man cï këcïgɔ̈ɔ̈r e lueel, an, kiɛɛr ke pïïu ke pïïr abïk aa kuëër bei ë yeyic.”

Nyöŋ 15:4

“Bɛ̈nydït Nhialicdun abï week thieei në ee piny gëm weekë yic. Acïn raan töŋ de kɔckun bï nyin kuany.

1 Theth 3:11

Ënɔɔnë, ee Nhialic guöp, yen aye Wääda, kekë Bɛ̈nydan Yecu Kërtho, ë ke nyuth wo kueerdan lɔ tëde week: