Yith 57:2 - JAM DE NHIALIC 2011

² Kɔc tɔ̈u në pïïr piɛthic, ayek mät ku lɔ̈ŋ yök në thuɔɔuwic.

Yith 57:2 ပူးပေါင်းရင်းမြစ်များ

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

2 Lëk 16:14

ago lɔ tɔ̈ɔ̈u në raŋdɛn cï guëŋ rɔt ë kuuric ë Pänydït de Debid yic. Gokï wal ŋïr nyop ku miök de aŋiëër, guiir kek guöpde në biäk de täude, ku jɔkï many dïït agök tɔŋ dhiëëu kek thonde.

Jop 3:17

Paan ë thuɔɔu aye kɔc ee karɛc looi guut në luɔidɛn ë karɛc, ku yök kɔc cï bäp lɔ̈ŋ.

Diɛt 37:37

Tak raan cïn guöp awäc, ku tïŋ raan piɛthpiɔ̈u, kɔc ee rëër ë mät abïk nïïm dɛk mïth bï lɔ̈ɔ̈k tɔ̈u në kecök,

Wɛ̈ɛ̈t 12:7

Ku abuui ee rɔt dak në abuui yic tën ë bïï yen thïn, ku wëi abïk röt dak tëde Nhialic Raan ë gëm ke wook.

Yith 14:18

Meliik ke juöör kedhie aninkï në rɛ̈ŋkɛn läkiic,

Yith 26:7

Bɛ̈nydït tɔ kueer de kɔc piɛth lipic, kueer ciɛth kek thïn acï kiëët.

Jeremia 6:16

Go Nhialic lɛ̈k kɔcke an, “Kääckï në apɔ̈k kuɛɛr ku daaikï. Yak kuɛɛr thɛɛr luɔp ku të nu kueer piɛth. Cathkï thïn, ku wek bï rëër në mät.” Ku ayek lueel an, “Ei, acuku bï looi!”

Edhekiɛl 32:25

Eelam adhɔt piny në kɛm ke kɔc cï nɔ̈k ë tɔŋic, ku rɛ̈ŋ ke remdɛn ë tɔŋ acïk yen gɛɛu cil. Akënë ke cueel kedhie, aake ke näk keek ë tɔŋic kedhie. Wään pïïr kek aake ye kɔc riääc, ku ënɔɔnë acïk guɔ dhɔt piny ke ke cï thou ku cïk gup yäär, ku rɔmkï riääk de kɔc cï nɔ̈k ë tɔŋic.

Danyel 12:13

“Ku yïn Danyel, rɛ̈ɛ̈rë ke yï ye piɔ̈u adöt agut cï thök de käŋ. Ku ëtɛ̈ɛ̈n yïn bï thou, ku yïn bï rɔt jɔt, bä ariöpdu bɛ̈n nööm në kööl ciëën.”

Math 25:21

Go bɛ̈nyde yɔ̈ɔ̈k an, ‘Apiɛth, yïn ee lïm piɛth ŋic käŋ döt, yïn ë kalik döt apiɛth, yïn bä tääu ë kajuëc yiic, yïn bï piɔ̈u miɛt wekë bɛ̈nydu ëtök.’

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Luk 16:22

Na wën, ke raan kuany nyin thou, ku jɔt ë tuucnhial leerkï ë Abraɣam yɔu. Ku jɔ raan cuai thou aya, go thiɔ̈k,

Luk 2:29

“Bɛ̈nydït, tɔ lïmdu jël ke cï piɔ̈u lɔ piny ënɔɔnë, cït man ë jamduön wään cï lueel,

Luk 7:50

Go tik yɔ̈ɔ̈k an, “Gämdu acï yï kony, lɔ tei, acïn kërac.”

2 Kor 5:1

Ku kënë aŋicku an, ɣöndan ë piny nɔm, yen paany ee wok rëër thïn, të cï en riääk, ke wo de ɣön bɔ̈ tëde Nhialic, ɣön ë cïï yïk ë raan ciin, ee ɣön bï tɔ̈u athɛɛr paannhial.

2 Kor 5:8

Wo ee wopiɔ̈ɔ̈th riit, dï, ku yok lueel an, aduëër ŋuän tëde wook të tɔ̈u wok roor të liiuwë guöpda, ku tɔ̈uku baai në Bɛ̈nydït ëtök.

Pilipoi 1:23

Yɛn ë miɛn ë kaamden kaarou, yɛn cïï ŋɔ̈ɔ̈ŋ de jäl dɔm, jäl jäl ɛn aguɔ tɔ̈u wokë Kërtho ëtök, yen aŋuän arëëtdït.

Nyuuth 14:13

Guɔ röl ë raan piŋ röl bɔ̈ nhial, lueel, an, “Gäär, an: Thieithieei ë kɔc bï thou ë Bɛ̈nydïtic gɔl ënɔɔnë aɣet wadäŋ!” “Ɣɛɛ, ee yic, alueel Wëidït, në ke lɔ̈ŋ në luɔidɛn tuc, ku luɔidɛn cïk looi ee keek biɔɔth cök.”